Meyah thau pilih ruah phun pala tui yaok bilan pala, thau alamu pala drak, urang nong meda caga hu lingik thu lagu urak ini.

-Pandiak bhang dui atah min bein kruac bingu tím praong 12 rabau mét vuông di ông Lê Văn Kiển (ấp An Phú, xã An Thạnh Trung, h.Chợ Mới, t.An Giang) jeng daok hijao mekre, bak baoh. Yaom lac karei bilan (bilan 11 tal bilan 3 saka ia bilan), min kayua thau pasang iek yau nan ye yaok bilan, bein kruac di ông Kiển paik hu meng 10 tal 12 tấn. Urak ini urang mai blei kruac di bein yaom 28 rabau đồng sa ký, tui kuhria meda tagok jang 1.000-2.000 đồng.

-Tui ông Kiển, duk saong pala dom janih njam ye pala kruac takik glaih jang saong brei jien mek tame tani tanat, abih di nyu nan lac tukvak karei bilan. Ông Kiển brei thau: meyah khin kruac tabiak baoh rilo di bilan suan njauk pasang iek phun ka khang, xịt jru pachreih tamuh, dom bilan daok veik njauk caik ka baoh nyu tabiak eng nan ye takik jien blei khak. Min, baoh takik atau rilo lac tui tukvak saong bruk pasang iek di yaok urang. Hadei di jaik 4,5 thun, yaom kruac meng glaong veik, mikva pala kruac di puk palei thei jeng chreih bui. Lingiu dom kruac di bein, tukvak jaik di ini, ông Kiển daok blei yaok harei meng 3-4 tấn kruac di dom puk palei jaik tabhia mai ka darak đầu mối di Tiền Giang. Jien mek tame meng nan jeng tagok, oh gaok urang blei kateik yaom.

-Dom bhum taneh tambok glaong di Bảy Núi, kurang ia pruh, urang nong pilih ruah dom phun pala tamuh hu di lingik bhang ye: ritak aih takuh, ritak lo piah pala. Yaom lac oh njauk janih phun hu yaom kinh te glaong, min nha đam nyu mbuan pala saong pala hu di taneh saoh tabhia sang. Dahlau dhaih, nha đam hu pala dalam chậu piah ngak kiểng, trang trí ka gheih mblang bein di sang, min urak ini hu pabam pajaih pablei kiểng, chiết hala pablei that.  Abih di nyu nan lac, rilo sang daok buh pren mek laba meng ia nha đam saradang lakhun – sa janih ia menyum patrun pandiak biak takre di bilan pandiak. Yaom lac oh njauk phun hu yaom kinh te glaong, min hu pablei khang meng dom urang blei, abih di nyu nan lac dalam dom bilan pandiak. Rilo sang bhapbini di xã Bình Long (h.Châu Phú,  t.An Giang) daok khang hatai patagok bruk pala nha đam dalam thùng xốp atau  thùng nhựa.

-Tui amuk Nguyễn Thị Thu (ấp Chánh Hưng, xã Bình Long) nha đam lac phun takre pandiak, oh caong rilo ky thuat, tok pandar khak hữu cơ dalam bruk pasang iek. Lingiu  bruk pablei phun anek, phun praong hu chậu, amuk Thu daok chiết pablei hala saong rak ia nha đam saradang lakhun pablei di libik. Yaok harei, amuk Thu mek hu 250.000 đồng meng bruk pablei hala that saong ia nha đam. Tukvak pablei phun praong brei jien mek tame tal 500.000 đồng/sa harei. Bhian dom sang tapa pala nha đam di bilan hajan piah phun anek mbuan tamuh, min tuk praong phun nha đam caong pandiak piah khang kadang, bẹ praong, kapan, rilo ia saong biak gheih meta.

-Angaok bhum taneh tambok glaong, takik ia pruh, mikva daok hu jalan salih tapa dom phun pala siam di lingik pandiak ye: bei plom, ritak lo, ritak aih takuh, tamun padai…ba mai kinh te glaong.

Kadha urang ngak hamu caong thau harei ini tal ini likau padheih. Kadha kayua rayo sap ndom VN pambuak saong pasak pachreih nong negar ngak./.

Thúy Linh