Labaih 20 thun ni mai, yaok rituh boh sang dok tapen ribaong Ba Bò di  khu phố Đồng An 2, phường Bình Hòa, ban sit Thuận An, tỉnh Bình Dương jeng dok dalam ô nhiễm trak, tuk ndih jeng daok cuk khẩu trang. Meng lavik mai, ribaong ni hu ieu lac “ribaong ia bruk” kayua njom nerak trak meng  chất thải di dom khu công nghiệp Sóng Thần 1, Sóng Thần 2, Khu công nghiệp Đồng An…tuh mai. Meng thun 2011, tỉnh Bình Dương hu buh tabiak labaih 345 ribau tỷ đồng piah pasiam veik ribaong ni. Min, bruk tathuak nerak di dom doanh nghiệp oh ka hu tui iek khang, bruk ô nhiễm môi trường dok rah tabiak ngak ka jaik pluh ribau menuac dok di tapen Ribaong Ba Bò di khu phố Đồng An 2 gaok kan kandah. Amuk Nguyễn Thị Thoa , daok di khu phố Đồng An 2, phường Bình Hòa, ban sit  Thuận An, tỉnh Bình Dương lac:

Di dom công ty urang klaik tahuak di tuk melam, abih di nyu lac dom tuk hajan urang tathuak tabiak meng dom khu công nghiệp, labik akaok jalan ye nyu biak mbau, jhak  tal pren yava di khol hulin. Rilo tuk dok dalam sang min mbau biak mbau.

Tapa tui iek, gah chức năng di tỉnh Bình Dương gam gam duah mboh dom doanh nghiệp tathuak ia nerak tabiak tapak môi trường. Dalam 3 bilan akaok thun ni, Cảnh sát Môi trường- Công an tỉnh Bình Dương xử phạt labaih 20 mbang  vi phạm , ngan saong yaom jien phạt jiak 1 tỷ 800 triệu đồng; chap mek tang vật yaom labaih  500 triệu đồng ngan song dom bruk ngak suan adat hukun gah môi trường. Min, nan lac dom bruk  biak takik, oh ka njauk haong bruk gah môi trường daok rah tabiak di tỉnh ni.

Thun bloh, Công an tỉnh Bình Dương duah mboh labaih 300 mbang ngak suan adat hukun ka  môi trường (rilo jang 35 mbang, samu 12% dut song thun dahlau), xử phạt hành chính 68 mbang song yaom jien abih tih 10 tỷ đồng. Thiếu tá Nguyễn Minh Sơn, akaok kapul ka 2, Cảnh sát Môi trường - Công an tỉnh Bình Dương brei thau, urak ni, dom doanh nghiệp tathuak ia nerak, khí thải dalam song langiu khu công nghiệp tui rilo jalan ngak biak tinh vi, kan duah mboh. Thiếu tá Nguyễn Minh Sơn lac:

Dom doanh nghiệp hu padang jalan tathuak ia nerak, min hu dom  doanh nghiệp  ngak meng ngak piah đối phó song cơ quan khik ramik karja tuk mai pasang iek. Tuk langik hajan, tuk kreh melam klaik tathuak  tabiak môi trường. Ni lac bruk daok ngak duh hatai bhap bini.

Anak meta mboh lac, bruk patagok dom khu, cụm công nghiệp di tỉnh Bình Dương dalam tuk vak jiak di ni ngak ka cơ sở hạ tầng oh tui samu. Lingiu di nan, yaom taong phạt dok biak hajual.  Ni jeng lac  makna ngak ka dom doanh nghiệp oh huac taong phạt, oh huac ngak suan. Urak ni, Phòng Cảnh sát pacang caga tội phạm ka môi trường, Công an tỉnh Bình Dương padang hu dom kapul iek gah ngak suan hukun môi trường.  Min bruk pambuak gauk di 2 gah ni song karja dom huyện, thị dok takik, ba tal bruk tavak tavaiy dalam bruk khik ramik , tui iek, xử lý dalam bruk ni.

             Piah khik caga môi trường hu siam lagaih jang, suai lavik, tỉnh Bình Dương brei ngak hệ thống quan trắc tự động ia nerak, piah langyah chip tuk hu  sự cố rah tabiak. Tok brei adat padang ngak dom nhà máy, xí nghiệp hadei di tuk ngak salah bloh cơ sở hạ tầng kỹ thuật song dom danak dak khik caga môi trường. Piah patrun  patakik ô nhiễm môi trường, dom gah  chức năng di tỉnh ni, brei tui iek catang jang  chất lượng ia tathuak  di dom doanh nghiệp tự xử lý di dom khu, cụm công nghiệp dalam tỉnh./.