Ong Nguyễn Văn Tân: Dahlak saneng lac tagok yaom taong phạt ini nyu oh patrun hu bruk tảo hôn. Dahlau di abih, njauk thau lac makna di bruk tảo hôn urak ini nyu oh mai meng dom adat cambat tanarakun bhian randap di bhap bini, bo nyu mai meng dom dam dara, vị thành niên hu hatai anit ranam gauk biak aval. Jeng hu dom kamuan nyu ranam gauk bloh, amaik ame pacang cakak ye nyu pametai rup eng.

Kol dahlak daok ngak đề án iek glang pren yava ndih tapui ka urang daok ranaih umo. Kol dahlak mboh lac brei jhul khang bruk pathau khan pato pakai gah pren yava ndih tapui, likhah caga saong baoh sang ka urang daok ranaih umo. Min pato pakai saoh oh ka ginup, bo njauk pabak công cụ cần thiết meyah hu bruk rah tabiak.

 “Pathau ong, nan lac sa jalan ngak piah langyah bruk khẩn cấp. Daok ngan saopng dom kamuan njauk kateik greik, yau kamuan kamei daok di Cao Bằng daok khin metai. Saong biak di nyu ye oh hu jabat halei mboh drei hu trách nhiệm, ndok harak ini harak daih”.

Ong Nguyễn Văn Tân: Meyah ngak njauk tui harak gar hành chính ye kan ngak. Kol dahlak saneng lac dahlau di abih brei pambuak nyu saong trách nhiệm di karja puk palei, abih di nyu nan lac urang dang akaok. Meyah lui rah tabiak ye urang dang akaok jeng brei hu trách nhiệm. Meyah tok di sangka tal bruk hu sang bac halei oh, hu blai iek ruak halei oh, jalan mbak palei pala hu hacih saat halei oh, bo var klaak bruk ini ye kol drei kan hu sa palei pala barau njauk makna di nyu. Tui iek di puk palei ye bhian sangka ralo tal bruk padang cơ sở hạ tầng jang bruk padang rai diuk, padang hạ tầng XH saong ilamu. Kol drei njauk ramik veik jalan ngak oh njauk ini.

“Hok, tal tuk brei pablak bruk tảo hôn saong tok gauk gam ralo drah tame bruk padang saong ngak dom sarak, njauk ba bruk ini tame lac sa kadha tuk padang ngak palei pala barau, tuk taong yaom bruk ngak di pakat ủy, karja puk palei. Likau ndua dhar phon ong hu mbak tame danak dak”.

Pathau mikva saong taong abih gauk! Thủ tướng rajaei hu mbaoh tangin brei ngak đề án “Patrun bruk tảo hôn saong tok gauk gam ralo drah dalam bhum urang bangsa takik tukvak 2015 – 2025”. Bruk ngak nan piah tal thun 2025  pacang cakak, jhul kadul likuk bruk tảo hôn saong tok gauk gam ralo drah dalam bhum urang bangsa takik.

Bruk daok pamaong ngak lac yau nan, min meyah oh hu dom jalan ngak cambaih laih, kurang dom menuac urang, dom jabat abih hatai ka bruk pandik harao ini di bhum urang bangsa takik, ye bruk ba tabiak di đề án kan ngak hu. Saong tuk nan, bruk patagok sa ribau thun di VN jeng kan ngak hu./.