Bruk duah thau saong caga ruak kurang darah

Urang kurang darak bhian glaih glan, takik ndih, takik hadar, huyn akaok, kan si suak yava tuk ngak bruk glaih, kalik hijao, kanyik…

Tui kuhria mboh di Viện Dinh dưỡng, urak ini urang kurang darah dalam taneh ia drei daok biak glaong, abih di nyu nan lac di bhum palei pala, bhum ceik;  urang kumei metian (30-45%), urang kumei tal thun ndih tapui (25-35%) saong uranaih  (40-50%), dalam nan rilo meng lac kurang darah kayua kurang sắt, ngak jhak tal pren yava, rup papbhap, akaok sahneng di uranaih saong rilo biến chứng nguy hiểm karei di urang kumei metian.

      BN : Yau habal lac kurang darah dinh dưỡng, kanyah jhak di kurang darah ?

      BS: Kurang darah dinh dưỡng lac bruk rah tabiak tuk hemoglobin dalam darah trun bair jang tanut quy định kayua kurang sa atau rilo chất dinh dưỡng dalam tuk ngak jeng darah. Kurang darah dinh dưỡng rilo meng kayua kurang sắt dalam tuk ngak jeng  hemoglobin.

-Makna ba tal kurang darah dinh dưỡng lac kayua kurang pandap mbang hu rilo sắt. Hu mbaok rilo chất pacang hấp thu sắt. Kurang dom janih patagok hấp thu sắt. Mbang pabak oh njauk saong oh siam : aval lo atau suai lo, pandap mbang pabak tame takik atau kurang dom chất dinh dưỡng piah ngak tabiak darah, abih di nyu nan lac kurang sắt.

             -Dom urang mbuan si kurang darah dinh duong glaong hu : urang kumei metian, urang kumei ndih tapui blaoh, kamal ndih tapui kurang bilan, kurang kik atau oh hu raong meng ia tasau amaik. Uranaih lavang lavaih. Uranaih vị thành niên,  uranaih kamei. Dom urang taha, abih di nyu nan lac dom urang kathaot.

         -Dom urang kurang darah dinh dưỡng, abih di nyu nan lac uranaih saong urang kamei metian hu biak rilo di dom bhum palei pala, bhum ceik, bhum bhapbini bangsa takik kathaot, kayua raidiuk daok kan kandah, van mbang kathaot, oh hu hagait, kurang pandap mbang rilo chất sắt ye ralo, baoh, ikan, ritak; atau njaom ký sinh trùng, abih di nyu nan lac njaom ula pui, li ar dom.

Lingiu di nan, takik thau ka dinh dưỡng piah khik caga bruk praong glaong di uranaih saong pren yava ka urang kamei metian jeng lac sa dalam dom makna praong ngak kurang darah dinh dưỡng. Bruk ini langyah makna kayua habal dom urang kurang darah mboh hu rilo jang di bhum palei pala, bhum ceik saong dom bhum ngak mbang kan kandah.

Kurang darah ngak jhak khang tal pren yava : uranaih kurang darah takik cakrok meng rup pabhap tal glo akaok. Anek saih kurang darah dalam tan bac bhian teik vah, takik hadar, bac daa oh siam. Kumei dara kurang darah bhian glaih glan, pren yava  yếu, mbuan kurang darah rilo tuk metian. Urang kumei metian kurang darah mbuan sảy thai, ndih tapui kurang bilan, urang maik mbuan tagok darah saong dom tai biến karei tuk ndih tapui. Urang kurang darah bhian glaih glar, takik ndih hu, takik tập trung, huyn akaok kan si suak yava tuk ngak bruk glaih, kalik hijao, ling tagei saong kalik plah tangin kanyik hijao…

Urang kumei metian mboh kalik hijao, glaih glan, tuk kurang trak bhian mboh huyn akaok, tim plaong khang. Ngan saong uranaih, tui ruak trak atau nyul mboh hu: glaih glan, hia hamiet, ndih takik. Alah mbang, sui tagok kik, lavang lavaih, kalik hijao. Mbuk jaoh, mbuan truh, mbong patih. Kakau tangin kakau takai dẹp, biến dạng. Suai thau daok la, daok dang, suai thau nao, rilo limin, hatung brah, pandik talang … Piah chẩn đoán njauk ruak kurang darah, urang ruak njauk nao iek ruak saong ngak dom xét nghiệm huyết học.

       Jalan caga ruak

Menyum pabak viên sắt, a xít folic, vitamin B12,… lac jalan pasiam ruak saong caga ruak kurang darah dinh dưỡng. Pasiam var mbang : pilih ruah pandap mbang rilo sắt ka var mbang di sang. Dom pandap mbang rilo sắt hu : dom janih baoh bao; dom janih ralo ye : ralo limo, pabui, jai pabui, darah pabui; ikan ngừ; lòng bhong baoh; dom janih njam ye njam dền, ngót, njam puan…saong dom janih ritak. Pandar ia mesin, ahar…hu pabak chất sắt. Chất sắt hu asal meng động vật mbuan si hấp thu jang meng thực vật. Dalam var huak, meyah hu njam patam atau hadei var huak bloh mbang baoh kayau that rilo vitamin C (cam, kruac, kruac bung, baoh medar, sơ ri, lahong, patei…) meda daong rup pabap hấp thu sắt siam jang. Jhui menyum ia tea mbak jaik var huak bo brei menyum hadei var huak meng 2 tuk tagok kayua chất tanin dalam tea meda ngak trun bruk hấp thu sắt.

Ngan saong urang kamei metian: pabak 1 viên sắt (60mg sắt nguyên tố + 0,4mg folat) yaok harei hadei di tuk thau lac metian mbiah tal tuk hadei di ndih tapui sa bilan. Ngan saong urang kumei umo thun ndih tapui : menyum sa adit sa viên dalam 16 adit miat dalam sa thun. Daok uranaih, uranaih sit ala 2 thun, kamal ndih tapui kurang bilan, bruk pabak vien sắt njauk tui tacei pato di bác sĩ. Piah caga kurang darah, kurang sắt ka uranaih, dahlau di abih njauk caga kurang darah ka urang amaik meng tuk anek daok dalam hatung amaik, mam amaik, tal tuk mbang pabak dom pandap mbang hu ginup chất dinh dưỡng, rilo chất sắt. Yau nan ye njauk caik hatai tal urang kamei metian njauk hu chế độ dinh dưỡng ginup, ngak bruk, padheih padaiy siam, menyum pabak viên sắt saong  a xít folic tui njauk tacei pato. Hadei tuk ndih tapui njauk blei ka anek mam sớm saong ginup. Hu chế độ dinh dưỡng siam, ginup, rilo chất sắt meng tuk uranaih barau pasram mbang.

-Njauk khik hacih mbang menyum (mbang tasak, menyum pandiak; rao hacih njam patam baok traoh) ngak hacih rup pabhap ( rao tangin dahlau si mbang saong hadei tuk nao jaman, tuk ngak mbang ngak huak, oh nao takai saoh..) ngak hacih sang danaok. Ini jeng lac bruk pacang caga nhiễm ký sinh trùng ye ula pui, li ar dom,… ba tal ruak kurang darah .