Bruk pabam pajaih ikan klaik (pathoc) di Đức Linh

     Hadei di jaik 4 bilan ngak, meng bilan 8/2016, bruk pabam pajaih ikan klaik di xã Vũ Hòa, huyện Đức Linh, tỉnh Bình Thuận hu rik daong paglaong kein laba meng bruk raong ikan ia taba. Daa mikva saong grauk yut pang kadha vak di Kiều Hằng angaok báo Bình Thuận :

      Barau ini di xã Vũ Hòa, huyện Đức Linh hu rah tabiak nyaom biai pataom iek veik bruk pabam pajaih ikan Klaik. Bruk ini kayua pasak pachreih nong – pachreih ngư peih ngak. Ikan klaik lac janih ikan raong ia taba hu yaom kinh te glaong saong darak apsal pablei biak tani tanat dalam rilo thun ini mai. Kaya raong ini hu yaom pablei meng 45.000 – 50.000 đồng/sa kg. Min anak meta mboh lac, rilo sang urang nong caong raong ikan ini tui jalan piah pablei, min phun jien piah raong ikan ini glaong jang biak ralo duk saong dom janih phun kaya nong, yau nan ye rilo urang nong oh ka khang hatai patagok bruk ini. Taphia di nan, darak pasal pablei ikan ia taba urak ini oh tani tanat, bruk kateik yaom di urang blei ba tal bruk takik tagok bruk raong ikan ia taba dalam tukvak tapa. Anak bruk yau nan, meng peih bruk pabam ikan Klaik piah trun yaom anek pajaih, paglaong tangin ngak, yam tal bruk caga hu anek pajaih. Lingiu di nan, pamaong tal bruk patagok pajaih ikan ia taba hu yaom kinh te glaong.

Sang tame ngak bruk nan lac ông Hồ Sỹ Thuyên daok di xã Vũ Hòa. Ông Thuyên brei thau, tukvak palao pajaih di bilan 8/2016, bruk ba tabiak lac pabam ikan anek jeng ikan pajaih, số lượng ikan pajaih (ikan anek)  48.000 drei. Hadei di 3 bilan pabam meda hu kích cỡ ikan pajaih (10 cm). Jien karja daong abih di anek pajaih saong 30% yaom pandap mbang (labaih 16 trieu dong). Dalam tukvak tui iek, urang jakar ky thuat di pasak hu peih bruk dut iek dua mbang yaok bilan piah taong yaom bruk paraong tagok. Tapa nan, ba tabiak dom jalan ngak lagaih di abih piah mek hu kein laba. Ông Thuyen daok brei thau lac: Bruk pabam pajaih ikan Klaik hu jak jeng, daong paglaong tangin ngak jang dalam bruk pabam pajaih dom janih ikan taba saong ikan klaik di harei hadei”. Tui ông Thuyên, hadei di jaik 4 bilan pabam, urak ini ikan praong siam, kích cỡ trung bình hu 10 cm, diuk hu 70%, dom ikan pajaih kuhria hu 33.600 drei. Tapa bruk ngak brei mboh, ikan praong siam, sumu gauk; daok salih tapa pandar pandap mbang công nghiệp. Ikan pajaih hu dom chỉ tiêu kỹ thuật bo bruk ngak ini ba tabiak ka số lượng jeng ye kích cỡ sumu gauk, oh mboh njaom ruak. Meng dom bruk ngak hu ini, brei mboh bruk pabam ikan klaik di sang rik daong trun takik jien blei ikan pajaih meng 2000 đồng sa drei (pajaih meng libik karei) trun daok 1.300 đồng sa drei pabam di libik. 

 Ông Phạm Kim Thành - Phó Giám đốc pasak pachreih nong –pachreih ngư tỉnh brei thau, yaom lac bruk ini mbang akaok mereip pandar di huyen Đức Linh min tapa taong yaom, mboh cambaih kein laba bo bruk ngak ini ba mai. Kayua yau nan ye, bruk pabam ikan klaik pajaih dalam danao meda hu peih praong dalam huyen di tukvak tal./. 

Thúy Linh