Pathau mikva saong taong abih gauk. Sa-ai Hứa Văn Sắn daok di palei Tuấn Tú, xã An Hải, huyện Ninh Phước, tỉnh Ninh Thuận ngak hu siam bruk pala phun măng tây pruh aia patak pataom. Daa mikva saong taong abih gauk duah thau ka jalan ngak di sa-ai dalam kadha urang ngak hamu caong thau harei ini.

Lac bhum taneh cuah, oh ginup aia pruh nan ye dahlau diah 3 sào taneh pala njam patam di sang sa-ai Hứa Văn Sắn kein laba oh hu hadom. Meng hu bruk daong di danak dak panduan jao ilamo công nghệ saong tui bruk pruh aia patak pataom angaok bhum taneh cuah pala njam an toàn di xã An Hải, sang sa-ai Hứa Văn Sắn hu tut angan pala iek măng tây hijao, pruh aia patak pataom, ngan haong mblang taneh  1.000 m2.

Sa-ai Sắn brei thau: meng tuk thau saong pandar hệ thống pruh aia patak pataom piah pala 3 sào măng tây hijao brei jien mek tame rilo, sa-ai mboh hu kein laba di bruk pruh aia patak pataom, nan lac: abih takik pren ngak, abih takik aia pruh saong abih takik jien ngak. Pala phun măng tây saong pandar hệ thống pruh aia patak pataom, sa-ai Sắn mboh hu kein laba glaong jang dut haong phun traong nde, phun amariak. Phun măng tây xanh ba jien tame ka sang sa-ai yaok bilan meng 10-12 triệu đồng. Sa-ai Sắn brei thau: “Tuk halei drei jeng kham merat, bac megru ilamo di dom urang nong ngak mbang hu, saong khang hatai buh jien tabiak peih prong pala drak, pandar mô hình pruh ia patak pataom, mek mblang taneh daok klaak blau oh ka pala drak piah pala. Tari tareng, kham merat, pandar ilamu kỹ thuật tame bruk pala drak, tal urak ini jien mek tame di sa-ai Sắn tuk halei jeng tani tanat. Langiu di nan, sa-ai daok blei măng tây xanh pablei veik ka dom đại lý prong di bal raya Hồ Chí Minh. Mai meng nan, sa-ai pablei hu măng tây xanh, Khik tani tanat labik pablei ka dom urang dalam tổ saong dom sang urang nong, daong ka dom urang nan hu jien mek tame. Yaok thun, sang sa-ai mek jien tame meng bruk pala drak saong raong limo palimek jaik 420 triệu đồng.

Sa-ai Sắn brei thau: Phun măng tây tamuh siam di taneh pasaoh, tambok saong hu ralo dinh dưỡng, njaom tathuak aia siam. Piah hu măng tây pablei yaok harei, urang pala brei bhian pruh ia saong buh khak ka nyu lagaih.

Bhian di nyu yaok 3 bilan ye buh khak sa mbang, khak trùn quế atau khak van ro ủ hoai hu pabak khak lân. Tuk phun tabiak rabung sit akaok meti, mikva drei mboh phun cakrok patagok siam, đường kính gha jaik 1cm, hala salih tapa sambo hijao jhuk ye khik veik 3 phun praong khang kajap angaok sa mbu, cakak klak phun hu halak, phun mbleing jalieh, phun taha limin saong phun sit tamuh tabiak di gha jaik 50cm piah lahơi angin. Caoh taneh ngak hacih hareik blaoh buh khak pachreih meng khak NPK, pok haluk glaong 5cm piah khik gha, pruh jru pacang caga bimao saong halak halin.

Lingiu bruk buh khak njauk, lagaih ye aia pruh nan lac sa bruk praog ba tal năng suất rabung ralo atau takik. Độ ẩm di taneh pala phun măng tây tuk halei jeng khik hu dalam jaik 60-70% nan lac siam di abih. Meyah pandiak khang, njauk  pruh 2 mbang dalam harei saong njauk pruh di tuk page mesup hadei di tuk kaoh mek rabung blaoh atau di tuk biar harei li-an.

Kadha Urang ngak hamu caong thau adit ini tal ini likau padheih. Kadha ini kayua Rayo sap ndom VN pambuak haong pasak Pachreih nong pakat negar peih ngak.