Pathau mikva ! bruk pala rong nho di dom sang bhapbini daok tapeng tasik Đầm Nại, huyen Ninh Hải, tỉnh Ninh Thuan ba mai kein laba kinh te glaong. Ngan saong jien buh tame akaok mereip bair, meda pandar dom danao, đìa klak saoh piah raong pala, phun rong nho mbuan pasang iek saong hu yaom kinh te biak praong piah pablei tabiak taneh ia lingiu, rilo sang bhapbini hu yam tagok ngak meda meng bruk ini. Kein laba kinh te meng pala rong nho glaong jang 2 tal 3 mbang duk saong raong pala dom janih kaya ikan dalam ia karei.

Bruk pala rong nho ba mai kinh te glaong

Huyen Ninh Hai hu maong lac pasak di phun rong nho. Urak ini, hu 6 sang pala iek dahlau di taneh praong 15ha, akaok mereip brei mboh hu kein laba kinh te. Dalam nan meda ndom tal bruk pala rong nho di sang saai Trần Hùng daok di ban sit Khánh Hải, sa dalam dom sang raong pala biak kein laba. Tok 4 ha pala rong nho, yaok harei mek hu labaih 60 kg rong that, pablei tabiak darak pasal meng yaom jaik 50 rabau dong sa ký, tui nan yaok thun sang mek jien tame hu labaih 1 tỷ đồng.

Ông Nguyễn Văn Thạch, urang jakar kinh te – ke hoach ban sit Khánh Hải brei thau, rong nho meda pala tapak trun đáy tasik, đáy danao atau pala rong tuan dalam dom kadung lưới, tuan lơ lửng dalam ia tasik. Langiu di nan, hu dom libik daok pala rong dalam bể, danao ngak meng xi măng hu padang ia tasik; dalam nan, bruk pala di đáy hu jien buh tame bair, meda pandar dom danao raong di dom libik tapeng tasik, vịnh takik gaok angin, ribuk.

Tui danao praong atau sit, dom chất đáy, halau ia, jalan ia harei…jien buh tame akaok mereip ka pajaih, ramik pasiam alam moi truong saong vat tư ka sa danao ( 3000 m2) meng 50 trieu tal 70 trieu dong. Tui kuhria, 1000 m2 danao raong njauk cấy jaik 1 tấn rong lac ginup, kayua cấy lipih hu labik ka rong nho cakrok, praong jang bình thường.

Nhiet dộ lagaih piah phun rong nho cakrok siam abih lac meng 20 tal 280 độ C. Meda pandar lưới pacang sambo màu sup piah pasiam độ hadah ia  harei atau pasiam nhiet do meng bruk patagokt ia danao glaong jang. Dalam alam moi truong ia độ PH meng 7 meteh tal 8, độ mbak meng 24 tal 32 phần rabau saong rilo chat dinh dưỡng ye rong cakrok siam, cấy pajaih jaik meteh bilan lac paik mek hu.

Tuk paik mek, mek karei gah gar dang, kakak jeng đoạn katut meng 7 – 10 cm dahlau tuk ba tame bể tẩy hlang ia nerak, blaoh ba tame mac ly tâm ngak thu ia bloh tame kadung, meda khik piah diuk hu labaih 10 harei. Nang suat trung binh jaik 10 tan sa sào sa thun.

    langiu di nan, rong nho meda ngak brei pasiam chat luong alam moi truong raong pala kaya ikan dalam ia kayua nyu cakrok samal, hấp thu dinh dưỡng khang saong meda pala cấy ghép, raong pablak saong hadang,, ikan…ba jien tame rilo jang meng dua tal klau mbang duk saong raong pala sa janih kaya ikan.

 Kadha „ urang ngak hamu caong thau“ tal ini likau abih. Kadha kayua rayo sap ndom VN pambuak bruk saong pasak pachreih nong negar peih ngak.