Bruk pala trong ndaiy mbi

     Traong ndaiy mbi (Cherry Tomato) lac janih sit di trong ndaiy bhian mbang. Baoh vil atau atah, sambo màu bhong biak gheih. Nyu mesam min yamen jang trong ndaiy bhian mbang. Trong ndaiy Chery yaom lac baok sit, min mbuan pala, pala hu rilo bilan dalam thun, baoh rilo saong yaom pablei bhian glaong jang 2 tal 3 mbang dut saong trong ndaiy bhian mbang yau nan ye kein laba biak glaong.

Bilan pala:

-Tukvak cakrok meng 90 – 100 harei, meda pala hu 3 vụ dalam thun:

– Vụ xuân-hè: trun pajaih bilan 2 tal 3; pala bilan 3 tal 4; paik baoh bilan 5 tal 6.

– Vụ avar: trun pajaih bilan 7; pala bilan 8; paik baoh bilan 9-10..

– Vụ chính: trun pajaih meng 20-25/9; pala meng harei 18-22/10; paik baoh bilan  12-1.

– Vụ muộn: trun pajaih bilan 10; pala bilan 11; paik baoh bilan 2 tal 3.

-Meda trun pajaih tame bầu, tame khay xốp atau angaok ro pabam blaoh buac nao pala hadei di 20 tal 22 harei harei tuk phun hu 3 tal 5 hala biak khang, oh hu halak halin.

-Tagok ro praong 90-100cm, glaong 20-25cm, jalan ro praong 30cm. Angaok ro pala talei ini atah talei daih 70cm, phun atah di phun 35-40cm, sumu saong mật độ 1.000-1.100 phun sa sào Bắc bộ.

-Buh halok ka 1 sào Bắc bộ meng 500-700kg khak athur hoai mục + 15-17kg supe lân + 2,5-3 kg đạm urę. Srau dom janih khak nan blaoh buh tame lubang, lam takik haluk dahlau si pala phun piah plaih saluah gha.

Buh pachreih njauk parabha jeng 4 mbang:

-Mbang 1 hadei di tuk pala 7 tal 10 harei, pruh 2kg đạm ure srau saong ia khak athur lai loãng.

-Mbang dua hadei di tuk pala 20 tal 25 harei, buh 3 kg đạm ure saong 3 kg kali. Buh atah di ghot 10cm, buh blaoh caoh haluk glaong pacang khak pambuak saong ngak hareik.

-Mbang 3 hadei di tuk pala 40 harei ( tuk phun hu tabiak bingu rilo), buh 4kg đạm urê + 3kg Kali, drak atah di got 10 cm, pambuak saong xới hasit haluk pabak tame got.

-mbang 4 hadei di tuk pala 55-60 harei, buh 3kg đạm urê + 3kg kali.

-Hadei di yaok mbang paik baok njauk ngak pasaoh haluk saong pruh pabak meng khak đạm, kali saong dom janih khak tapa hala.

Ngak mejam: Mejam akhar A ngan saong 3 nẹp ngang, glaong 1,6 m tal 1,7m, kak phun meng talei lamin rah tui jalan dang brei ka phun sro kajan tagok mejam.

– Cakak dhar: kakak klak dhar sit saong hala taha brei ka phun lahei. Yaok phun tok caik veik 1 phun praong saong dua dhar pakakt 1 daok jiak ala chùm bingu ka sa, hadei di nan caik ka phun tabiak rilo dhar meda brei rilo bingu, ndam baoh rilo mbang.

       Njauk caik hatai pruh ginup ẩm ka trong nde, oh caik ka hamu gaok ia dauk atau độ ẩm biak praong. Bhian duah mboh saong pacang caga halak halin drak samal ka trong ndaiy.

 -Paik baoh:  Maong tui bruk pandar: mbang metah atau tame klaok chế biến bo paik tui caong khin di urang blei. Paik dhan tangin di var pagaiy atau bair harei li-an./..