Pathau mikva urang nong ! Pandiak bhang jeng daok rah tabiak di Ninh Thuan dalam dom harei tapa ngak ka dom sang raong glang, pala drak gaok kan kandah. Lac  anek athur daok hu dalam thu lagu, min yaok ratuh drei pabo di Ninh Thuan nyu metai kayua kurang pandap mbang saong ia menyum. Mikva njauk patagok bruk khik piah, ngak pandap mbang jeng ye dom phế phẩm di bruk ngak nong; brei ka anek athur mbang pandap mbang tinh, pabak chất khoáng piah paglaong pren pacang caga ruak...Nan lac panuac kakei di gah ngak nong. Dalam kadha “ urang ngak hamu caong thau harei ini, kol dahlak hu kadha vak yaih khan ka bruk pasang iek athur bialn pandiak bhang di mikva urang nong tỉnh Ninh Thuận 

         Tui kuhria mboh di Chi cục Thú y tỉnh Ninh Thuận, abih tih tapol athur urak ini di tỉnh hu labaih 273.000 drei kubao, limo, pabe, pabo. Dalam nan bruk lavang lavaiy di dom tapol dalam bhum pandiak bhang lac labaih 10%, dom athur metai tal urak ini mboh jaik 1.400 drei.

        Ông Trương Khắc Trí, akaok Chi Cục Thú y tỉnh Ninh Thuận brei thau, piah caga pandiak bhang, meng akaok bilan 3, Chi cục hu peih bruk klauk caga mbang 1 ka athur, menuk ada  25.000 liều vacxin saloah cambuai tapaok kakau; 600.000 liều kum menuk ada, 30.000 liều khử trùng ka athur bhum bhapbini bangsa bhum ceik. Bruk khik caga pandap mbang, ia menyum ka tapol athur jeng hu pataom tame langyah :  Mikva paglaong khik piah, ngak pandap mbang jeng ye dom phế phẩm di ngak nong,  blaoh brei mbang pandap mbang tinh, pabak chất khoáng piah paglaong pren pacang caga ruak. Abih di nyu nan lac dalam tukvak ini bilan đông xuân daok yuak, jeng kakei dom sang yuak blaoh oh cuh nerang, pong atau pruh dom jru ngak khuah  hareik piah caik ka athur mbang dalam tukvak tal.

       Piah lagaih ka bruk glang iek tapol athur, Chi cục thú y tỉnh kakei mikva njauk neh tapol tui yaok nyaom thun. Dom drei athur taha, athur daok raong anek atau anek daok sit, takik peih palao  saong kareik karei di sang piah pasang iek siam. Abih di nyu nan lac, jhui raong athur di dom labik công nghiệp, hóa chất atau labik ia nerak atau ia danao kandaong, mbuan ba tal ruak ka athur raong : Kol dahlak kakei mikva dalm tuk pandiak bhang ini ia menyum kurang, yau nan ye njauk raong palao di tuk pagaiy, meng 6 tuk pagaiy saong ba mai sang di tuk 10 jala. Tal var bair harei, raong palao meng tuk 3 tal tuk 6 biar harei ba tame var. Abih di nyu nan lac dalam tukvak ini jhui brei nao mbang biak atah, mbuan ngak brei lihik ia, lihik khoáng,  mebhuk pandiak atau cảm pandiak. Kol dahlak jeng peih bruk klauk caga sớm saong kakei mikva paglaong bruk  tiêu độc khử trùng sa adit sa mbang. Urak ini jru tiêu độc khử trùng kol dahlak daok caga piah brei ka dom puk palei tuk caong khin piah peih bruk pacang caga jit ruak.

      Mikva raong pabo saong athur sangka ngak njauk tui dom panuac kakei di gah ngak nong piah trun takik khat lihik./.

Thúy Linh.