Taphia bruk ngak hamu ngak apuh, raong glang... bhap bani urang Mông bhum glaong Sa Pa, tỉnh Lào Cai hu dom bruk ngak meng tangin, abih di nyu lac bruk pandar talei lanh piah menyim jih dalah. Mai tal Sa Pa, tuai damuai biak takre haong bruk ngak meng tangin ini. Daa mikva saong taong abih gauk duah thau tapa kadha vak di Thanh Thủy, daok pak bhum Tây Bắc.

Tuk nao du lịch pak dom puk palei pak Sa Pa, tuai damuai dalam saong langiu negar mboh biak takre dom blah khan ao, hadah tanjak sambo màu hu ngak meng palak tangin siam gheih di urang kamei Mông. Taong abih dom công đoạn meng pambuak pagam lanh jeng talei menyim jeng jih dalah jeng khan bai, njaom sambo màu, hadei di nan jik pet jeng dom bingu la siam gheih piah ngak jeng dom blah khan ao, hu ngak meng tangin abih.

Khan bai hu ngak meng talei lanh tapa ralo công đoạn meng neh, pagol,  pambu angin blaoh ba nao riak tuk hu menyim jeng thảm hadei nan ba nao tram dalam aia chàm piah hu sambo màu nâu, tram dalam aia di dom janih phun hu katak bhong bo urang Mông iew lac phun Man Chàng nan ye hu sambo màu nâu bhong tự nhiên biak gheih. Kanduh phun lanh hu neh tabiak jeng rak sit saong pagam haong gauk biak gheih tangin piah juai caik veik gol di labik pambuak. Ini lac bruk caong khin hu kiên trì, nhẫn nại. Bingu la hu jik meng tangin di urang Mông yaom lac oh đều, oh hu gheih pluh nét yau pluh di jik mac, min vẻ đẹp mộc mạc đơn sơ di nyu hu ngak jeng janih duyên di pandap. Sa-ai Hoàng Hải Yến, urang tuai mai meng Hà Nội brei thau: Dahlak nao darak Sa Pa biak ralo mbang saong hu mboh pak ini hu pablei dom blah khan bai meng jih dalah hu menyim meng mac saong jeng hu mboh ba meng labik karei mai tra. Yau nan min hadei di tuk mong iek, blei saong pandar ye dahlak jeng mboh takre pandap do mikva menyim pak ini jang kayau nyu hu janih mộc mạc, bruk tỉ mỷ saong janih ilamo di bhap bani labik ini.

Ame pato anek bac, rai dahlau pato veik ka rai hadei, yau nan oh thei thau bruk se lanh menyim khan bai pambuak pagam haong urang Mông meng tuk halei, tok thau lac dom urang kamei umo 15, 16 thun hu thau cambaih haong bruk ini yaom lac dom công đoạn kan di abih. Dalam dom puk palei di urang Mông, sang halei jeng hu daneng menyim jih dalah saong anek kamei thei jeng thau se lanh, menyim khan bai, jik pet. Urang kamei Mông yaom lac nao pak halei ngak hagait, meyah laneng lanoi tangin daok saoh gilac pambuak marai, jik pet. Yaok janih pandap jih dalah ndung bak thaik binguk, hatung hatai tari tareng di urang kamei bangsa Mông. Sa-ai Lý Thị Do, daok di xã Lao Chải, huyện Sa Pa lac: Piah ngak tabiak sa janih pandap gheih ye dahlau abih njauk palih ruah hu chất liệu vải mekre. Akaok mereip nan lac njauk hu blah khan bai biak  vuông ye meng jik hu hình vuông saong ghei mekre. Dom sambo màu chủ đạo di urang Mông nan lac sambo màu chàm, màu jhuk saong hijao phun kayau.

Yau nan min bruk ngak meng kan ini daok dang anak bruk meriak gauk bahrau kayua bruk cakrok khang di nền kinh tế thị trường, tamuh ralo pandap gam sa janih hu ngak meng ilamu bahrau. Kayua yau nan ye, bruk khik ramik saong patagok yaom ilamo meng kan daok hu karja palei sangka, daong ka bhap bani gam khik ramik hu janih ilamo siam gheih, gam paglaong hu kinh tế meng bruk ngak meng kan di bhap bani. Ong Hứa Tân Hưng, Phaok Bí thư Huyện ủy Sa Pa, tỉnh Lào Cai brei thau: Meng blaoh khaol dahlak hu jao ka phòng khik iek lý du lịch di hyện patui veik ba tabiak dom đề án ngak habar piah meyaih khan dom thaik binguk ka bruk ngak meng kan di mikva, asal ilamo saong thaik binguk rivang ma-in du lịch puk palei pak Sa Pa, ngak habar khẳng định hu asal biak karei di bhap bani bhum glaong.

Piah khik ramik bruk ngak meng kan di puk palei saong ngak ka nyu jeng bruk duah jien tame ka mikva, jaik abih dom xã meda patgaok hu bruk  du lịch pak Sa Pa hu mong ini yau sa dalam dom pren khang pachreih hu ralo tuai damuai mai haong puk palei. Biak ralo  bruk du lịch home stay hu mikva peih ngak gam tui nan lac dom janih pandap jih dalah hu parang pablei, taphia di nan dom công xưởng sit sot hu ginup abih công đoạn di bruk se lanh menyim jih dalah hu peih ngak pak yaok baoh sang saong hatai caong khin meyaih khan tal taong abih tuai damuai bruk ngak meng kan di bangsa drei./.