Dalikan tet asak tra 2016 : 

Bui hatai  raok tet atah palei 

******* 

# Pathau mikva saong grauk yut !

Kayua rilo makna, tukvak tapa, rilo urang Cam di rilo tỉnh, ban meng Ninh Thuận, Bình Thuận tal An Giang, Tây Ninh …nao tame dom tỉnh Đông Nam bộ, rilo jang lac ban raya Hồ Chí Minh piah ngak bruk saong bac megru. Hu dom urang jak jeng, hu bruk ngak glaong di puk palei daok diukrai saong hu dom urang jeng daok lac anek saih, sinh vien. Kayua đặc thù di bruk ngak, jalan meng ban raya HCM nao palei biak atah, yau nan ye rilo sang, sinh vien urang Cam pak ini oh hu dieu kien nao palei mbang tet. .

-Di dom harei tet mai, xuân tal, di ban raya HCM – labik phố thị phồn hoa , min pak halei nan dalam hatai yaok urang anek Cam tuk halei jeng hu rilo cảm xúc, pauan sang, pauan palei pala. Tapa hatai di dom urang daok di palei saong gauk, jakar gam ngak bruk, dom ayut di baok sang chung, palei negar ka dua di drei, bruk pauan palei pala oh daok tra saong dom urang ini daok sang gauk raok harei siam mekre. Nan jeng lac asal kadha di dalikan papar sap “ Ấm hatai raok tết atah palei” di Thúy Linh – urang vak di rayo sap ndom VN daok di ban raya HCM :

Daok urak ini, daa mikva saong grauk yut pang dalikan di dom biên tập viên ala ini :

- Muosa Phương trong vai Tấn Thịnh

- Hanipha – vai Thanh Tâm ( vợ anh Thịnh) Diuk saai Thịnh

          - Thụy Sỹ - vai Tấn Tài  ( bạn anh Thịnh) Ayut saai Thịnh

 - Thúy Linh - vai An Bình ( sinh viên )

-Diuk pasang saai Tấn Thịnh tame ngak bruk di ban raya Hồ Chí Minh di thun 2000. Saai Tấn Thịnh lac sa urang luật sư naih joi di Ninh Thuận, gam hu bac daa gam hu đức yau nan ye Tòa án bhapbini tối cao ba tagok ngak thẩm phán Tòa án bhapbini tối cao – Jabat ngak bruk di gah meraong. Diuk saai lac saai Thanh Tâm ngak bruk di sang. Diuk pasang saai Tấn Thịnh saong Thanh tâm hu dua urang anek, anek praong bac tamat blaoh sang bac Đại học saong daok ngak bruk di sa công ty ia langiu di ban raya Hồ Chí Minh , anek kamei taluic lac sinh vien ka 4 sang bac Đại học luật ban raya Hồ Chí Minh. Kayua tukvak ngak bruk di saai saong bruk bac di dom urang anek oh greih gauk yau nan ye sang oh rai ramik hu tukvak padheih tết piah nao palei pataom gaok sang di palei, puk palei. Tết thun ini, dua saai biai bruk pataom adei saai urang Cam daok diukrai di ban raya nao sang drei raok thun barau :

-Tấn Thịnh : Amaik nyu saong dom urang anek mai daok di ini, kol drei biai bruk padheih tết hasit.

-Diuk : Pô, mai di ini lac dom anek

-Tấn Thịnh : hỪ, thun ini kol drei jeng mbang tết dalam ini, amaik nyu kuhria caga hasit pandap piah payua ka amaik ame saong takik jien lì xì ka dom urang tao daok di palei ye dom thun dahlau nyeh.

-Diuk : Po. Adei thau paje. Ndom biak nao, atah palei suai lavik paje jeng mboh pauan pauan. Saong abih di nyu nan lac di harei ini meng hu ginup dom urang dalam sang.

-Tấn Thịnh :  Saai jeng yau nan, oh karei hagaiy adei lac. Jeng 3, 4 mùa tết paje, sang drei oh nao palei mbang tết.

-Tấn Thịnh : Dom urang dalam sang drei, yaok urang yaok bruk, hu mbaok urang ini lac lihik urang thiah. Oh meda pataom ginup urang piah nao palei hu. Loi maik adei, ini jeng lac puk palei ka dua di drei paje, dom urang dalam ini mbang tet yau habal lac sang drei jeng ngak yau nan. Bruk praong lac hu salao lisaiy paling ka amuk kei.

-Diuk : Pô, bo thun ini habal saai? Njauk nao dahlau yuh tết dom bậc tiền bối di saai lei ?

-Tấn Thịnh : njauk hu nyeh adei. Ngak habal bo avar hu. “ tết gru “ lac adat siam mekre di bangsa drei meng rabau thun ini paje adei lei. Oh meda cei gru, nai gru di saai bo daok tadhau yuh tết cai gru, nai gru di dom urang anek drei veik,  adei.

-Diuk: Adei mboh yaok thun, adei saai palei Cam di Sài Gòn ini oh nao palei mbang tết hu bhian pataom mbaok gauk harei 30 tết saong raook gia thừa. hu Thau lac rik patom jien saong gauk lac saai. Thun ini, kol drei daa dom urang nan mai sang drei, saai mboh habal ?

-Tấn Thịnh : Adei ndom njauk lac. Urang Cam drei diukrai di ban raya HCM ini jeng rilo, oh njauk thei jeng hu nao palei mbang tết. Jeng mbang tết atah palei ye sang drei yau ini ini.

-Tấn Thịnh : Dahlau di abih adei lo kuhria caga pandap mbang, menyum, rami ramik sang danaok tết nyeh. Saai meda ieu phone tanhi saong daai dom urang nan mai sang drei mbang tết.

-Diuk : Pô, saai !

-ndom biai saong diuk blaoh, saai Tấn Thịnh mek phone ieu ka ayut drei lac saai Tấn Tài . Saai Tấn Tài lac ayut mein randap di Tấn Thịnh, saai lac sa kế toán trưởng Siêu Thị Lotte Mart di quận 7, ban raya Hồ Chí Minh. Saai Tấn Tài daok di palei Bắc Bình, tỉnh Bình Thuận saong tame ngak bruk di ban raya Hồ Chí Minh meng thun 2001.

      Chuông điện thoại reo….

-Tấn Tài : alo, adei pang ini saai   

-Tấn Thịnh : alo, padheih tết oh ka paje adei? 

-Tấn Tài : pô, adei barau mai tal sang .

-Tấn Tài : hu bruk hagait halei saai ?

-Tấn Thịnh : Hu, saai tanhi ka tết nhất habal paje min.

-Tấn Tài : adei jeng si ieu phone ka saai. Sang adei thun ini mbang tết dalam Sài Gòn, oh nao palei mbang tết. Min, jeng mboh duh hatai lô, yaok sa thun oh nao hu paje, tết jeng oh nao hu veik.

-Tấn Thịnh : Saai kuhria yau ini, yaok thun bhian lac harei 30 tết, urang Cam bhian pataom gauk tadhau yuh tết di quán nhậu. Njauk lac, adei saai drei tapa sang saai, ấm cúng jang oh njauk srun sir ye di quán.

-Tấn Tài : Pô. Bruk ini jeng gheih lac saai .

-Tấn Thịnh : hừ, yau nan adei liên lạc saong dom adei saai nan ka saai nyeh.

-Tấn Tài : Pô, adei njauk ndom veik.

                        Harei 30 tết, tuk sang saai Thịnh rami ramik tani tanat, ginup dom pandap mbang menyum lac ….

-Tấn tài : Salam abih sang drei, tadhau yuh thun barau siam mekre  

-Diuk : Salam saai Tài, daa saai saong dom ayut tame sang

-Tấn Tài : likau khan saong dua saai, ini lac adei An Bình, adei daok talei trọ saong dahlak. Adei angan lac Saliyah daok di An Giang , adei ini lac sinh viên khoa sư phạm Sử, sang bac Đại học sư phạm Sài Gòn.  Daok dom ayut veik, 30 minit tra mai hadei .

-An Bình :  Pô, adei likau salam saai

-Diuk : Dom urang drei gam daok di bhan, gam mbang gam ndom biai.

-Diuk : lac sinh viên, adei jeng oh nao palei mbang tết saong sang oh?

-An Bình : pô, tuk akaok mereip adei jeng kuhria yau nan. Min, lịch pakacah học kỳ jaik tết rilo, taphia nan jeng kayua lo blei akhar ao tết yau nan ye oh blei hu vé radaih.

-Tấn Thịnh : Adei daok bac bo blei akhar ao piah ngak hagaiyt?

-An Bình : Pô. Adei pablei ao khar di angaok mạng, ngak thêm duah jien bayan jien trọ saong học phí, saai. Sang adei kan kandah, rilo adei saai, bo dalam sang daok caong gimbak di dom paok jien pablei salih di amaik ame. Anit amaik ame daok atah glaih glan, camereip kuhria ngak thử min, min dak harei dak mboh ngak hu yau nan ye adei ngak hamiet, sa bilan jeng mek hu 1 tal 2 triệu đồng ginup jien ka sinh hoạt di drei.

-An Bình : Pablei pandap di angaok mạng oh lihik rilo tukvak, gam oh ngak kan kandah tal bruk bac gam hu jien mek tame.

-Tấn Tài : Blei vé radaih jeng lac sa bruk huyen akaok lac. Tukvak ini, rilo urang pablei vé radaih apui, radaih ja. Oh lac yau nan, yaom vé harei têt tagok meng 10 tal 20% duk saong harei thường. Yaom vé glaong yau nan paje bo oh lac blei hu vé.

-Tấn Thịnh : ( kandek dalah) glaih glan yau nan lac ?

-An Bình : Njauk paje, saai !

-An Bình : Dom urang ayut adei, caong blei hu vé tết njauk đặt 1 bilan meteh meng hu.

-Tấn Tài : ha ha. Bruk ini saai thau rilo jang ini. 2 thun dahlau, adei blei ka diuk saong anek nao palei meng radaih apui. Bo saai thau lei, đặt vé labaih 1 bilan meteh meng hu vé lac saai

-Tấn tài : Ndom biak nao, kinh tế daok kan kandah paje, dom harei tết ini kham merat nao ngak thêm, ngak tagok ca meda hu jien bilan, thưởng glaong dua tal 3 mbang harei thường. Ka dua veik lac, kaoh jien vé radaih apui, vé radaih nao palei drei meda blei ka anek hu sa sruh radaih jhuak atau kak jien bọc phí ka dom urang anek.

-An Bình : Tukvak ini jeng lac pandap panda, ao akhar dom công ty jhik tuh pnadap, yaom lap. Tuk vak ini blei pataom pandap, tapa tết pablei duah takik jien laba piah nap jien học phí.

-An Bình : Sang bac adei jeng daok tagok jien học phí nan saai, tagok dom ratuh rabau oh njauk lac takik nan .

-Tấn Thịnh : Dom adei daok ranaih umo bo sahaneg ka bruk ngak, bac megru gheih yau nan biak siam paje. Bruk ngak, jalan bac megru kol drei daok atah saong caong kandah rilo, kol drei njauk thau taduan mek cơ hội, yaom lac daok di labik halei, raidiuk yau habal. Rilo adei saai Cam drei tame Sài Gòn atau nao tal dom tỉnh karei ngak bruk, thei thei jeng caong khin ka raidiuk siam mekre, laneng lanoi.

-Tấn Thịnh : Njauk yau ini maik, tết mai xuân tal, sang atau palei negar thei jeng hu. Abih di nyu nan lac di dom harei ini, thei thei jeng caong khin drak samal nao pataom gaok dom urang dalam sang taphia salao lisei harei tết. Min, raidiuk yau nan paje, hu bruk ini lac lihik bruk karei. Tết di palei hu bruk gheih di palei, tết Sài Gòn hu bruk gheih di Sài Gòn. Oh hu mbang tết di palei , min harei ini kol drei hu daok saong gauk mbang sa harei tết ấm cúng di Sài Gòn – palei negar ka dua. Ini lac bruk thiêng thiêng, gheih paje.

-Tấn Tài : Saai ndom njauk paje.

-An Bình : Njauk paje saai.

-Hadei mbang ndom biai di dom urang lac njauk tuk nan, đồng hồ tuan di angaok tường tacei 0 tuk. Di mblang langiu, di sa labik pasak, sap pháo bingu patuh giòn, dom jalan hadah rilo sambo màu par tagok lingik…tukvak giao thừa mai paje.

-Tấn Thịnh : tapa thun barau, daa adei saai gam pok canan, urak ini adei saai kol drei kụng li .

-Tấn Tài : Kol drei gam pok li tagok lei .

An Bình : 1,2,3... Zô Zô… Vợ : Zô zô…

Thịnh, Tài, Tâm, Bình : Tadhau yuh thun barau

-Tấn Thịnh : Peih akaok thun barau Bính Thân, likau tadhau yuh dom urang drei kajap karo, haniem phuan. Tadhau yuh ka abih kol drei, sa harei oh atah hu raidiuk tani tanat, kaya meda. Tadhau yuh harei hadei siam mekre mai ka urang Cam kol drei di ban raya ini saong gam palei pala.

- Dẫn: Mikva saong grauk yut uranam ! Dalikan papar sap tết Bính Thân 2016 kayua Thúy Linh – Rayo sap ndom VN daok di ban raya HCM vak tal ini likau padheih. Ndua dhar phuan mikva saong grauk yut sangka tui pang danakdak. Likau tadhau yuh mikva saong grauk yut sa thun barau caong hagait hu yau nan. Likau salam saong tagun gaok veik!