Dom kadha brei thau lac ruak mụn nhọt, chàm sữa, ban đỏ saong jalan pacnag caga

 Mụn nhọt lac sa dalam dom janih ruak lingiu klik bhian mboh di uranaih. Lac bruk viêm taong abih nang lông saong labik jaik taphia nan, bhian kayua tụ cầu ba tal. Tuk camereip mboh bhong brah bloh pandiak pandik, bloh nyu pacah tabiak laneh, ngak jeng sẹo. Mụn nhọt meda tagok di rilo labik angaok rup pabhap, pandik rilo ngak ka uranaih haiy saong takik mbang, takik ndih.

Dom uraniah lavang lavaih, oh ginup pren pacang vi khuẩn meda tagok mụn nhọt gam gam, baoh ini abih nao tal baoh karei tagok, hu tuk nyu ba tal dom biến chứng nguy hiểm yauviêm thận cấp, nhiễm khuẩn huyết.... Mụn nhọt nyu tagok di dom labik yau angaok cambuai, angaok dhung meda ba tal dom biến chứng trak yau viêm tắc tĩnh mạch xoang hang, ngak kan kandah tal pren yava uraniah ruak.

Piah daong ka uraniah trun takik mụn nhọt angaok rup, urang amaik njauk:

- brei uraniah menei gam gam, abih di nyu nan lac bilan pandiak. Menei ka uraniah meng ia hacih, mek khan li-min sah klik, plaih ngak ka nyu saluah.

- jhuai pandar rilo baoh yamen, ia saradang. Rilo janih baoh bingi yau baoh menaih, panat, pa-ok, darang, durian, baoh kandiuk, chôm chôm… min nyu hu rilo nhiệt lượng.

- dom mun nhọt tagok di cambuai, di dhung jhuai iak; njauk samar nao iek ruak piah pacang biến chứng.

Ruak krak ia tasau: bhian mboh di uranaih praong meng 3 bilan tagok. Tuk camereip ruak hu dom baoh ia sit di dua gah mbaok bloh pambak tal kang, tal dhei. Nyu samar pacah ngak brei klik bhong meriah saong hu ia. Meyah oh khik hacih sa-at, uraniah mbuan njauk nhiễm khuẩn, mbuan hu kakah, klik uraniah nyu bhong meriah jang, uraniah mboh katal kan daok.

Makna ba tal ruak krak ia tasau di uraniah biak rilo, kan mboh hu, urang bhian lac kayua “di truyền” ba tal ruak ini.

Jalan pacang caga:

- njauk rao hacih sa-at mbaok, cambuai ka uraniah hadei di tuk mbang atau mum.

Brei uraniah mbang menyum yau yaok harei, takik brei mbang dom janih pandap ngak brei ruak krak ia tasau di uraniah nyu trak jang (yau ye baoh menuk ada, limek động vật, ikan hadang, tung pruac menuk ada …)

- Pandar ia jru ngak li-an klik piah menei ka uraniah yau ye cetaphil, Physiogel, Oilatum.

- Jhui caik ka uraniah grao: cakak kakau tangin, kakau takai piah plaih ka uraniah grao ngak laka klik.

- Sang danaok laneng lahei, oh hu sauk pakao, oh hu menyek mbau, oh hu athur raong.

 Ruak ban đỏ  lac ruak kayua siêu vi angan Paramyxovirus influenzae, bhian mboh di uraniah umo nao bac nhà trẻ saong tiểu học. Ruak njom mbak tui jalan suak yava. Uraniah njauk ruak ini bhian pandiak hasit, pandik tarakaong, pandik akaok, pandik tian saong brah takuai. Meng 1 tal 4 harei hadei, angaok rup uraniah mboh dom labik meriah bhong, bloh nyu pambak tal tangin, takai, tal abih rup. Tukvak njauk ruak bhian dui atah meng 7-14 harei, meyah iek ruak meng jru kháng sinh, ruak ini bhian dhit dalam 1 adit, min abih rilo adit hadei, amiđan saong dom labik brah meng siam veik.

Tuk dom uraniah mboh yau ruak ban đỏ, amaik njauk caik ka anek padeih padei, brei menyum ginup ia saong jru patrun pandik. Dalam raidiuk yaok harei, oh hu jalan ngak halei piah plaih nhiễm trùng ba tal ban đỏ. Tuk uraniah njauk ruak daok di sang, siam di abih njauk brei uraniah pandar karei dom pandap piah mbang, menyum… saong brei rao dom pandap nan dalam ia sabon pandiak. Rao tangin gam gam meyah iek glang uraniah ruak.

Klik uraniah bhian limin saong mbuan dị ứng, nan ye urang ngak amaik brei thau iek glang, khak hacih sa-at. Meyah mboh ruak livik harei oh abih, njauk ba anek nao bác sĩ, jhui eng drei nao blei jru.

Piah pacang caga dom ruak ini, mikva njauk plaih dom jalan dauk ia. Tuk ngak bruk njauk gaok ia atau gaok hajan, njauk caga ao hajan atau dom janih pandap khik caga karei karei.

Meyah gaok hajan, ia dauk, njauk uak thu, khik hacih. Tuk klik katal, saluah, laka, lac labik vi khuẩn nyu mbang tame ngak jeng dom mụn mủ angaok klaik njauk rao hacih meng cồn nhẹ, ia hacih saong nao tal gru jru chip.

Lingiu bruk pacang caga dom ruak nan, mikva njauk caik hatai sangka tal dom janih ruak karei bhian mboh dalam bilan hajan yau ye: pandiak tagok mban, nhiễm trùng darah, nhiễm trùng ia, ruak aih craoh, ruak trùng xoắn móc câu… Meng di nan, drei hu jalan khik caga pren yava ka drei tuk bilan hajan daok tal mai.