Pandik ruột thừa atau viêm ruột thừa, lac sa ruak bhian mboh di menuac, min bhian mong lac sit sot song takik hu sangka. Ruak sahaneng lac sit sot min nyu meda ngak ka urang var drei, mbuan metai nan ye hu panuac kakei brei caik hatai sangka ala ni lac dom triệu chứng di ruak pandik ruột thừa njauk caik hatai piah iek ruak chip.

      Ruak pandik ruột thừa nan nyu yau habar  

    Ruột thừa lac sa kadung, sa tuk biak sit, gah dalam huan blo tabiak yau sa drei ula pui atah 5 – 15 cm song dok di akaok pruac. Ruột thừa oh hu vai trò hagait ka rup pabhap min meyah viêm pandik nyu oh siam tal pren yava.  

Pandik ruột thửa lac ruột thừa nyu viêm kayua sa candiak khak khang gar di ruột thừa ngak viêm nhiễm song tắc ruột thừa. Langiu di nan , dok hu rilo makna karei yau kayua chấn thương jeng ngak pandik ruột thừa. Ruak ni urang halei jeng meda gaok min bhian mboh di umo meng 11 – 20 thun.

      Dom triệu chứng di ruak pandik ruột thừa

     Pandik lac bhian mboh rilo di abih. Camereip, nyu pandik di labik taom dar pasak, labik thượng vị, nyu pandik mbiah song dui atah yau nan ye mbuan nhầm lẫn. Hadei di nan tuk ruak trak ye pandiak khang jang di labik gah hanuak di tain, tuk kateik (gaok) tangin tame mboh pandik khang jang. Tuk patuh, phan, atau nao mai mboh pandik

       -  Mbuan khin ta-ok

       -  Pandiak hasit kayua ruột thừa nyu viêm

       -  Rối loạn tiêu hóa, kayua aih crah song táo bón, oh xì hơi hu

       -  Lah mbang, mbang oh bingi cambuai

      - Brah di gah la tain

      -  Eng drei tui iek ruak trak atau hajual

     Iek tui triệu chứng piah tong yaom ruak pandik viêm ruột thừa trak atau hanjul. Drei meda mek tangin kateik (gaok) tagok tain song di gah hanuak piah tui iek. Meyah tain lamin, kateik tame mboh pandik, rup oh pandiak song oh pandiak ye ruak dok hanjual. Dok meyah tuk kateik (gaok) mboh tain catang, pandik khang gam pandiak glong lac ruak trak, meda hu laneh, bruk atau haluh pruac biak nguy hiểm.

    Ruak pandik viêm ruột thừa, meyah oh iek ruak meda ba tal dom biến chứng kan kandah yau haluh ruột thừa, gar pruac, nhiễm trùng huyết song meda ba tal metai. Kayua yau nan ye, tuk mboh dom triệu chứng di ruak, urang ruak samar nao iek ruak chip./.