Dom mbang hajan gam gam ngak ka dom boh sang di hẻm 111, jalan Cách mạng tháng Tám,  di phường An Hòa, quận Ninh Kiều duh hatai kayua ia cống mbau bruk, dauk dalam nduac tame sang, ngak kan kandah tal bruk mbang ngui dok dang. Hẻm 111 dok di pasak ban Cần Thơ, lac sa dalam 2 hẻm  di phường An Hòa oh ka hu ngak dalam tuk tong abih dom hẻm karei daok taom dar nan hu pok glong bloh. Bilan hajan tal,  hẻm jeng labik ia  nduac mai di abih  khu vực. Hẻm hu  mban khik ramik  dự án nâng cấp  đô thị ban ba tame tuk vak 2 di dự án 2, tui kuhria hu ngak dalam thun 2016.  Kayua suai hu ngak  nan ye di taong abih dom mbang họp dân, họp cử tri, dom boh sang labik ni jeng pok panuac caong. 

Saai Phạm Minh Dũng – po sang 111/6, Cách mạng tháng Tám lac:

Hajan trun ye labik ni nyu dauk abih. Ginum biai rilo mbang ye, bhap bini di labik ni urang pachreih tui abih, 2 thun ni mai oh ka mboh hagait. Bilan ni tapa bilan deih,sanya bilan sa tal bilan 7, bloh bilan 8 tal luac thun, tapa akaok thun, jeng oh ka mboh ngak hagait. Hu pandiak nyu mbau bruk., dok hajan trun nyu dauk, radeih pandam jamriak

Dự án nâng cấp đô thị bhum taneran krong CL – Tiểu dự án ban Cần Thơ (dự án 2) pataom tame bruk nâng cấp dom jalan hẻm song pasiam veik jalan tathuak ia  4 quận dalam ban lac: Cái Răng, Ninh Kiều, Bình Thủy song  Ô Môn. Dự án hu peih ngak dalam 5 thun (meng 2012 tal  2017) kayua gilang pariak dunya dong, ngan saong yaom jien buh tame ngak abih tih labaih  1.800 tỉ đồng; dalam nan phun jien  ODA  labaih 1.400- tỉ đồng song phun jien đối ứng  labaih 420 tỉ đồng. Urak ni dự án hu ngak salah bloh bruk  nâng cấp, peih prong rilo hẻm, jalan mbak nao mai song dom labik karei  yau mblang bein, jlaan tathuak ia ... dong pasiam mbaok meta đô thị, pabak ka bruk patagok  kinh tế - xã hội song paglaong rai duik di bhap bini. Langiu di nan, dalam tuk ngak, ban patak patom hu rilo phun jien piah ba tame padang ngak pabak ka yaok pluh sang bac , bilai y tế, mblang bein song dom jalan hẻm karei njauk pok paglaong.

Ong  Huỳnh Thanh Sử - Giám đốc Ban khik ramik  Dự án ODA ban  Cần Thơ brei thau: dự án 2 ngak hu bloh labaih 100 hẻm hu  phê duyệt chính thức song labaih 30 con hẻm pabak hu ba tame pandar. Dalam tuk vak 2, phát sinh dom hẻm njauk nâng cấp. Min meng kreih thun 2016 tal urak ni, rilo labik dok suai hu ngak, dom  jalan hẻm oh peih bruk padang ngak hu kayua dok cang phun jien pabak mengTrung ương. Ong Huỳnh Thanh Sử daok brei thau lac:

Dalam tuk vak 2 khol hulin pabak labaih 20 jalan hẻm. Tuk vak tapa, kayua kurang phun  jien, oh ka ngak hu. Harei 15/5, bahrau hu phun jien. Khol hulin daok patui ngak dom hẻm ni dalam bilan 6, bilan  7 song meda ngak salah bloh di puac thun ni .

Yau nan, dalam dom bilan anak tal, dom công trình nâng cấp đô thị di ban  Cần Thơ dalam dự án 2 oh ka ngak,  hu jhul samar bruk padang ngak, dalam nan hu  20 hẻm nội ô dok dauk ia jeng hu ngak , piah ngak salah bloh dahlau di harei 31/12 thun ni. Bhap bini dalam ban  Cần Thơ dok maong akaok dom pakat, dom gah samar peih bruk padang ngak dom piah mik va takik kan kandah tuk bilan hajan tal./.