Chreih chrai darak pasar tapuk hè ka uranaih

Hè thun ini, dom sang xuất bản, labik ngak tapuk hu ba tbiak darak pasal rilo ấn phẩm brei ka uraniah. Kadha vak di urang vak Phương Thúy:

Darak pasal tapuk bilan hè 2016 caik ka umo meng 6-15 thun hu biak rilo janih. Ngan saong tapuk văn học, dom baoh tapuk ndih dalam hatian uranaih rilo rairah, urak ini hu yaih khan veik tui jalan ngak barau. Nan lac bộ "panuac pandit bhapbini Việt Nam" hu dua  tập di Vũ Ngọc Phan, phiên bản "Kính vạn hoa" 18 tập di urang vak văn Nguyễn Nhật Ánh. Rilo ấn phẩm văn học meng kan di taneh ia langiu jeng hu yaih khan dalam tuk ini, peih tabiak rilo jalan tiếp cận barau ka dom adei. Njauk caik hatai nan lac baoh tapuk "Dom tác phẩm di Sếch-pia" (Shakespeare) ngan saong bruk minh họa rup cih sambo màu, daong ka dom adei meda puac saong thau  Sếch-pia (Shakespeare) tui rilo jalan karei di gauk. Gah tapuk thaot binguk hu rilo ấn phẩm sinh động ka asal kadha saong hình thức ye : bộ truyện bui sambai “ mein bui sambai gam Yu Yu" di Nhà xuất bản Trẻ, tuyển tập "Tranh truyện mengkan dua-dua sap Việt Nam", "Cuộc phiêu lưu di pabe anek Ma-To" (NXB Kim Đồng)... Amuk Vũ Quỳnh Liên, Tổng Biên tập, Phó Giám đốc Nhà xuất bản Kim Đồng brei thau :Nhà xuất bản tuk halei jeng caong duah dom đề tài, dom chủ đề barau ka dom adei uranaih saong khik hu tiêu chí "chân-thiện-mỹ" di dom tác phẩm brei ka uraniah. Kol drei mboh dom tác phẩm hu lang meng taneh ia langiu rilo adei duah puac kayua nyu gheih, nyu mekre, dom dalikan hu rilo chi tiết barau, lạ.

"Bilan hè thông thái" lac janih tapuk khoa học Kim Đồng ngan saong rilo đề tài barau, pataom tame dom tapuk kĩ năng saong brei thau kiến thức caik ka amaik ame saong umo thun barau praong. Tapuk triết học, nhập môn triết học "Sahneng kuhria yau sa urang thông thái", "Sahneng kuhria yau sa triết gia" daong urang puac daok ranaih ngak randap saong dom jalan sahneng dalam raidiuk. Nhà xuất bản Trẻ  patabiak labaih 100 baok tamuh thiếu nhi dalam tuk hè 2016. Njauk ndom tal : "dahlak sahaneg hagait tuk daok ranaih” caik ka dom adei umo meng 6 tal10 tuổi, pachreih dom adei vak tabiak dom hatai sahaneng, dom caong khin di drei; dua bộ tapuk “ daong adei ngak po cảm xúc" saong "pato pakai trí tưởng tượng ka uranaih" ba dom adei mai jaik raidiuk jang saong paglaong hatai sahneng. Nhà sách Long Minh hu padang mblang mein bilan hè ka dom adei tapa bộ tapuk tích hợp dom môn Khoa học-Công nghệ…gam saong rilo ilo danakdak thực hành, ứng dụng.

Saai Bùi Thị Thu Hồng, daok di quận Nam Từ Liêm, Hà Nội brei thau: sang pilih ruah dahlau dom tapuk kĩ năng sống kayua oh lac dom urang anek bo amaik ame jeng hu rilo cơ hội bac megru meng tapuk piah ndom biai saong anek :Sang dahlak bhian tacei dom anek tame dom baok tapuk hu tính chất pato pakai, pagap ye dalikan sit, kadha bac praong. Dom janih tapuk nan biak hu yaom kayua tapa nan, dom anek bac megru hu rilo ka rup drei bo amaik ame oh hu tuk piah pato anek. Rilo tuk anek puac, anek khan veik dom kadha dalam raidiuk, ngan saong kadha ini njauk langyah yau habal. Nan lac dom alamu anek bac megru hu tapa tapuk .

Oh lac xuất bản tapuk, Nhà xuất bản Trẻ daok ieu “ urang Viêt vak ka uranaih Việt" tuk tapuk thiếu nhi di taneh ia langiu daok kateik lihik tapuk Việt. Ông Nguyễn Minh Nhựt, Giám đốc Nhà xuất bản Trẻ ndom lac : vak tapuk ka uranaih oh mbuan, min oh lac yau nan bo kol drei caik ka darak pasal bak abih tapuk thiếu nhi taneh ia langiu : Kol drei oh njauk ndom lac kol drei lang sap siam tapuk ka uranaih di taneh ia langi mai ka uranaih Việt lac ngak blaoh bruk, kayua oh hu sa urang halei meda salih hu dom urang Việt ngak tapuk ka uranih Việt. Sa taneh ia hu 90 triệu menuac yau kol drei bo oh hu urang vak ka uranaih Việt, oh hu tapuk ka uranaih Việt, lac sa bruk oh bình thường. Kol dahlak mboh lac bruk ngak tapuk ka uranaih Việt Nam lac sa binah trách nhiệm di kol dahlak .

Oh lac xuất bản rilo ấn phẩm, dom labik ngak tapuk daok peih rilo danakdak taom gaok tác giả saong urang puac, ngak jeng mblang mein siam lagaih ka dom adei dalam bilan hè ini, abih di nyu nan lac harei pataom tapuk brei ka uranaih. Ini jeng lac labik piah dom adei duah dom ấn phẩm siam saong ngak ka dom harei hè jeng bilan mein bui sambai, chreih chrai./. 

Thúy Linh