Di dom xã dalam huyện Thoại Sơn, tỉnh An Giang, dom thun jaik ini meng salih phun pala njauk saong taneh riya di puk palei, yau nan ye rilo sang urang nong oh lac tabiak truh kathaot bo jien mek tame di mikva dak harei dak rilo jang.

    Dalam dom mo hinh bo urang nong dalam bhum peih ngak, ba mai kein laba kinh te glaong hu mo hinh pala ralo janih phun mbang baoh di sa taneh pala daok hu pambak praong.

    Sang ông Huỳnh Văn Qưới, palei Phú Thiện, ban sit Phú Hòa, huyện Thoại Sơn, tinh An Giang nao dahlau dalam bruk pala kruac aik bingu tím pablak saong phun mbang baoh karei. Meng 4 công taneh, pala 600 gôc kruac aik bingu tím, hadei di sa thun pasang iek, mbang akoak mereip mek hu 2 tấn, pablei ka urang blei di beir yaom meng 16.000 đồng/ sa kg – 20. 000 đồng/ sa kg, laba hu labaih 100 triệu đồng.

     Sang ông Phan Thành Tài, palei Bắc Thạnh, xã Thoại Giang ba 11 công taneh ngak padai takik kein laba salih tapa pala quýt saradang, tapa 3 thun hadei di rilo mbang paik baoh, jien mek tame hu labaih 100 triệu đồng sa thun.

   Langiu di pala phun mbang baoh, pala bimao pong dalam sang meng công nghệ glaong, an toàn hacih saat lac mo hinh oh lac hu jien mek tame, bo daok rik daong ba brei bruk ngak ka rilo urang ngak di palei pala di xã Vĩnh Trạch, huyện Thoại Sơn. Mô hình ini siam di labik lac biak lagaih saong dom sang oh hu atau hu takik taneh pala drak. Ngak mo hinh ini gam pandar hu pong hadei di tuk yuak padai, gam ngak brei hacih saat hamu saong hu nguyen lieu piah pala bimao.

    Dahlau thiah ngak tui mengkan, bhapbini labik ini biam ủ pông langiu langik, tuk pala bimao njauk maong lingik pandiak atau hajan piah buh pong angaok mbaok ka njauk. Phun bimao oh tabiak samu gauk atau sậm jhuk. Jaik di ini pasak pachreih nong huyện Thoại Sơn hu pato ilamu pala bimao pong dalam sang ba mai kein laba, bimao siam, chất lượng pabak hatai urang blei. Sang ông Nguyễn Thanh Tùng daok di palei Trung Bình Nhì, xã Vĩnh Trạch dahlau thiah, hadei di tuk yuak padai bhian klak rilo pông langiu hamu. Urak ini, mboh mo hinh pala bimao pong dalam sang hu rilo menuac ngak, ông Tùng hu pandar pông jaik 1000kgcaik angoaok 8 kệ dalam sang, abih tih jaik 200 m2 pala bimao.

    Tui ông Tùng, bimao pong mbuan pala, samal kaoh pablei, meng 5 vụ sa thun, ông laba hu meng 100 triệu đồng – 120 triệu đồng sa thun.