Sai Nguyễn Duy Tuấn, daok di xã Hòa Khương, huyện Hòa Vang, ban  Đà Nẵng lac urang nao dahlau ba pajaih pabui chất lượng glong blei meng Mỹ mai rong. Var ro rong pabui di saai Nguyễn Duy Tuấn hu ngak meng hệ thống ngak liar  công nghiệp, điều khiển nhiệt độ var ro, máng mbang song ia menyum tự động; khak, nerak hu xử lý meng công nghệ khí sinh học. Meng nan, pren yava di pabui  hu khik siam, patrun hu jit ruak. Urak ni, labaih 50 drei pabui binai pajaih dalam var di saai Tuấn, yaok drei trak meng 3 tal 4 tạ. Tui saai Tuấn, yaok drei pabui pablei tabiak darak pasa yaom meng 6 tal 10 triệu đồng. Hadei di tuk kaoh abih jien pah urang ngak, yaok thun Nguyễn Duy Tuấn laba hu labaih 500 triệu đồng:

Pandar  công nghệ glong rong pabui hu kein laba jang, môi trường saat, pabui takik ruak jang. Đà Nẵng hu darak pasa prong nan ye oh huac bruk pablei tabiak. Pandar công nghệ  glong drei oh huac nerak môi trường. Dut song ngak padai liba jang 10 mbang. Dok pok panuac likau dự án bahrau 1200 drei pabui binai song 12 ribau pabui ralo tui Nghị định 210 di rajaei, ban ĐN urak ini meng mbaoh tangin brei adat ngak.

 Jeng di xã Hòa Khương, huyện Hòa Vang, ong po dok ranaih umo di Cơ sở pala njam hacih saat  Tâm An Nguyễn Hữu Thịnh jeng pala njam tui jalan ngak bahrau dalam nhà lưới, ia pruh tự động. Jalan ngak ni patak patom hu jien pah menuac ngak, daok khak saong ia pruh mbiah, ginup, nan ye  năng suất phun pala mek hu kein liba glong. Urak ni,Nguyễn Hữu Thịnh hu labaih  3 ha njam dom janih, sản lượng pablei tabiak darak pasa 1 tấn sa harei, ba bruk ngak ka yaok pluh urang ngan song yaom jien bilan labaih 6 triệu đồng/sa urang. Ong Nguyễn Kế Hiệp, Phó Akaok Ubbhap bini xã Hòa Khương, huyện Hòa Vang, ban  Đà Nẵng brei thau, ban hu dong ka dom boh sang sản xuất hu taneh prong labaih 3 hécta dom ilamu rong glang, pala drak, abih di nyu nan lac phun jien. Tal urak ni, di xã Hòa Khương, huyện Hòa Vang hu dom bruk ngak nong ba mai kein liba kinh tế glong:

(Huyện, ban hu dong ka dom boh sang ngak prong labaih 3 ha ngak jalan pruh ia pabak ka bruk pala dra, trun takik pren ngak, trun phun jien buh tame piah ba mai kein liba ka nông trại pala njam hacih saat. Anak tal brei peih prong jang, ba dom mblang taneh dahlau deih pala ngak bình thường salih tapa sang lưới công nghệ glong, piah hu kein liba jang.

        Thun 2012, peih ngak dự án “patagok chất lượng, hacih saat pandap ngak nong song tagok danak dak  khí sinh học”, Sở ngak nong song patagok palei pala ban Đà Nẵng hu buh jien tabiak, padang ngak di huyện Hòa Vang 4 bhum pala njam chuyên canh, bhum pala njam hacih saat lac: Túy Loan, Thạch Nham Tây, Cẩm Nê- Yến Nê song  Phú Sơn Nam ngan song taneh praong abih tih jiak 70 ha. Dom bhum pala njam hu ngak tui jalan siam mekre, pala ngak dalam sang lưới, pandar màng phủ nông nghiệp, takik pandar khak hóa học, jru khik caga phun pala, saong ngak tui jalan pametai halak sinh học... meng nan hu chứng nhận ngak tui tanut VietGap. Yaok thun,  gah ngak nong  Đà Nẵng dok buh tabiak meng  300 tal 500 triệu đồng, dong ka dom boh sang pandar  công nghệ glong dalam bruk ngak nong.

Huyện Hòa Vang, ban  Đà Nẵng dok padang ngak Danak dak jhul khang bruk pandar công nghệ  glong tame bruk pala drak, piah tagok năng suất, chất lượng pandap pabak ka  đô thị”. Tui nan, kham merat yaok thun hu meng 10% tal 20%  mblang taneh pala chuyên canh hu pandar  công nghệ glong,  hu meng  2 tal  3 nhãn hiệu song angan pandap hu padang tagok yaok thun. Anak tal, huyện Hòa Vang meda padang ngak dom cơ sở dịch vụ pabak ka bruk patagok ngak nong công nghệ glong piah ka urang nong hu mbang tui dom sarak dong ba./.