Dalam tuk bruk kinh tế daok gaok ralo kan kandah, thun 2014, du lịch ban sit Đà Nẵng jeng daok chreih chrai saong lac sa dalam dom labik hadah angaok bản đồ du lịch VN. Abih di nyu nan lac, dom hiệp hội du lịch, blah web hu angan je hu palih ruah ban sit in, lac labik  pachreih urang nao tal. Ini gam lac bruk bui sambai min jeng lac thách thức oh sit ngan saong du lịch ban sit  Đà Nẵng. Kadha vak di Thành Long, urang vak di rayo sap ndom VN daok di bhum kreih negar.

          Thun 2014, gah du lịch ban sit Đà Nẵng mek hu dom jak jeng praong tuk rilo labik padeih padai yau Furama Resort, Fusion Maia Resort, Pullman Danang Beach Resort, Intercontinental Danang Sun Peninsula Resort… gam gam mek hu dom giải thưởng dunya. Bahrau di abih, blah web hu angan je di Mỹ - TripAdvisor palih ruah Đà Nẵng lac labik dang akaok dalam top 10 labik barau brok tagok hu yaom abih di dunya. Tapa nan brei mboh bruk kham merat di dom doanh nghiệp du lịch jeng yau karja ban sit dalam bruk paglaong chất lượng du lịch, co sở hạ tầng mek hu tanut chuẩn dunya. GS.TS Kate Sullivan, Giảng viên khoa Du lịch sang bac Đại học Sanjose (Hoa Kỳ) ndom lac:

“Dahlak biak takre Đà Nẵng saong dahlak saneng lac Đà Nẵng mek hu angan ini, lac sa bruk hadah mbaok meta saong piah pachreih hu ralo tuai damuai du lịch jang gac dalam dom thun tal. Min, dahlak saneng lac Đà Nẵng njauk caik hataibrei patagok bruk giải trí melam brei ka yaok urang yaok umo. Saong dahalak saneng lac kol drei brei patagok rilo jang gah yaih khan, brei thau. Dahlak jia lac Đà Nẵng  sẵn sàng taduan mek giải thưởng ini saongdaok  yam tame tukvak barau”.

Ong Lê Tuấn Anh, akaok vụ darak pasar, tổng cục du lịch ndom lac, bruk pilih ruah ini, lac thách thức ngan saong Đà Nẵng, brei ngak yau habar ka tuai damuai mai tal Đà Nẵng oh thất vọng. Tui ong Lê Tuấn Anh, ban sit Đà Nẵng brei hu jalan ngak cambaih laih saong khang kajap jang:

 “Gah tổng cục du lịch, oh lac urak ini bo dalam tukvak tapa, tổng cục du lịch hu pambuak bruk biak khang kajap saong dom sở ilamu TT saong DL, dalam nan hu Đà Nẵng yaih khan labik mai tal pakat negar saong ĐN nan lac sa dalam dom labik mai tal hadah krah. Kol dahlak mboh lac ĐN hu biak ralo labik meda pachreih hu tuai damuai. Kol drei brei ndom tal 2 janih nan lac du lịch tasik pulao, janih du lịch padeih padei. Saong dalam tukvak anak tal, kol drei jeng pataom tame ngak piah ĐN jeng labik mai tal ka bruk du lịch MICE”.

 Thun 2014, dalam taneh ia taduan jaik 8 triệu tuai negar langiu, dalam nan ĐN hu jaik 1 triệu mbang tuai mai rivang, me-in. Tapa nan nyu oh ka njauk haong pren khang, kein lagaih di ban tasik bhum kreih negar. Anak meta mboh lac, urak ini ĐN yau sa labik trung chuyển du lịch ka dom labik nao tal nan lac Huế saong Hội An. Kayua yau nan ye, gah du lịch ĐN daok pataom tame yaih khan piah ka tuai damuai thau cambaih laih jang ka pren khang du lịch di ban sit. Ong Ngô Quang Vinh, Giám đốc Sở ilamu Thể thao saong Du lịch ban sit Đà Nẵng brei thau: thun 2015, ban sit ĐN patui bruk buh jien tame ngak jeng dom labik du lịch barau hu pren merak gauk khang:

 “Thun 2015 kol dahlak  pataom tame ngak dom bruk praong. Ka sa  brei jhul pakhang bruk pathau khan, yaih khan, brei ngak ka urang caik hatai jang duk saong dom thun dahlau. Peih ngak dom bruk praong, ieu pataom khang jang piah ngak ka urang caik hatai jang kayua kol drei brei pambuak hu angan je bo TripAdvisor barau palih ruah. Đà Nẵng daok kurang ye brei ngak ka pahu dom labik pablei salih, me-in sambai, darak melam”.       

Jak jeng di Đà Nẵng oh lac angan je saoh bo daok lac bruk đầu tư ka harei hadei. Mek hu angan je biak kan min khik kajap labik hadah di du lịch VN lac bruk kan kandah jang biak ralo./.