Daok tame bilan du lịch, dom mblang tasik di Đà Nẵng rah tui jalan Hoàng Sa, Võ Nguyên Giáp, Nguyễn Tất Thành…. tuk halei jeng bak tuai  du lịch. Kapul cứu hộ, khik iek mblang tasik bhian nao pasang iek, khik caga siam mekre ka tuai damuai. Dalam tuk nan, ralo tuai du lịch takik caik hatai sangka khik iek drap ar di drei. Sa urang tuai brei thau, dalam tuk trun menei di mblang tasik Mỹ Khê, ong caik kadung, dalam nan hu phone tangin, bóp jien, jamriak thaot… gah angaok oh hu thei khik iek, tal tuk tagok ye meng thau kadung di drei lahik: Meyah drei sangka jang ye payua di labik khik pandap blaoh trun menei nan ka meng sahanag hatai jang, daok drei caik angaok thu ye lac kayua drei. Njauk di nyu juai ba dom pandap sit jien tuk tabiak tasik. Yau nan tuk trun menei drei sahanag hatai jang saong bui sambai jang ka mbang nao ma-in di drei. 

Ong Nguyễn Hồng Vân, Đội trưởng Đội khik iek trật tự du lịch mBan Khik iek pulao kaoh Sơn Trà saong dom mblang tasik Đà Nẵng brei thau, dom labik  menei jeng hu labik khik iek pandap ka tuai nao menei tasik. Đội khik iek trật tự ngak bruk gam gam meng page mesup mbiah tal 22 tuk melam. Min tuai du lịch saong bhap bani mai menei tasik biak ralo, kapul takik menuac, kol jhak nyu cang sơ hở co klaik drap ar di tuai damuai. Tui ong Nguyễn Hồng Vân, mBan khik iek hu pagam camera tui iek, padang jalan talei phon pandiak piah taduan panuac khan di tuai damuai; taphia di nan jak ba bhap bani, tuai damuai tuk trun menei tasik ye njauk khik iek drap ar di drei atau ba payua di dom labik khik iek: Bruk khik iek drap ar tuai damuai jeng chủ quan, oh ba payua  di dom labik kinh doanh dịch vụ  atau di dom labik khik radaih hu khik pandap, kol jhak nyu tui takai blaoh klaik mek. Urak ini drei tui iek, mboh thei caik pandap bo oh hu thei khik iek ye pahadar urang tagok ba  pandap tame payua, min tuai ralo nan ye oh mong iek hu abih.

Thượng tá Phan Thanh Mẫn, urang pan akaok Công an quận Sơn Trà bal Đà Nẵng brei thau, meng harei peih Lễ hội pháo bingu dunya Đà Nẵng, tui bruk tuai  mai ralo, kol jhak nyu móc túi, co klaik pandap di tuai damuai. Bahrau ini, Công an quận Sơn Trà mek hu sa kapul 8 uranaih móc túi, co klaik pandap di tuai  du lịch angaok pulao Sơn Trà. Cang tuk melam, takik manuac, kol nyu hu 7 mbang co klaik drap ar. Công an 2 quận Sơn Trà saong Ngũ Hành Sơn hu pambuak gauk cap mek sa urang co klaik kadung di 2 tuai negar langiu di mblang tasik T20. Ong  brei thau: Urang negar langiu mai bal Đà Nẵng bhian hu hatai saneng lac bal ini sron mbon, bal ini biak siam mekre nan ye dom urang tuai ini oh sangka. Khaol dahlak hu mong iek, ngak cambaih dom chuyên án co klaik drap ar di urang negar langiu. Khaol dahlak pathau khan tal dom labik hu tuai ndih veik paglaong hatai sangka ka tuai negar langiu, tuk nao tabiak jalan juei ba tui ralo drap ar, ameh pariak hu yaom glaong. Taphia di nan, dom labik atah, dom labik jua lange yau pulao kaoh Sơn Trà ye takik nao sa drei, piah ka kol jhak oh hu cơ hội phạm tội.

Ong Huỳnh Đức Thơ, akaok UB bhap bani bal Đà Nẵng brei thau bruk tuai  du lịch njauk co klaik,  móc túi, trấn lột ngak jhak tal angan je Đà Nẵng. Urak ini, dalam bal hu mboh ralo kapul nyaom pandar phao ndao piah đe dọa, uy hiếp, meblah gauk mek mối piah pablei dom janih pandap thu, pandap lưu niệm ka tuai  du lịch. Dom kapul nyaom ini bhian pataom gauk di dom labik tham quan, khách sạn, tuk hu tuai mai ye katung dui, ba mối mai tal dom nhà hàng, cửa hàng di drei piah pablei pandap thu, pandap lưu niệm. Ong Huỳnh Đức Thơ, akoak UB bhap bani bal Đà Nẵng pandar Công an, Sở Du lịch pambuak haong karja puk palei hu jalan pacang cakak bruk pablei salih tui jalan chụp giật, ngak jhak tal thaik binguk di bal. Ong ndom lac: Dom kapul nyaom xã hội đen daok merak gauk, pablei salih ép phe gauk; ngak yaom, tagok yaom, kateik greik tuai damuai. Công an njauk  pakhang bruk pasiam veik, tuk halei jeng hu lực lượng pak nan, juai caik rah tabiak bruk yau nan. Tuk nyu cakrok tagok ye kan palahik hu. Kapul nyaom nan tuk nyu khang tagok ye nyu cấu kết  haong chính quyền, dom ong hu chức năng, hu gam công an ye oh langyah hu)./.