Yau rilo boh sang urang nong karei karei dok di Tổ dân phố 4, ban sit  Ea Kar, huyện Ea Kar, dahlau deih, sang ong Huỳnh Minh Dương pala sa janih café. Thun 2010, ong Dương hu gilang pariak ngak nong song patagok palei pala dhar Ea Kar  brei mesraiy phun jien patagok bruk pala drak. Ong Dương kuhria mboh lac, di angaok taneh prong 5 sào di sang ong, meyah pala sa janih café ye jien mek tame oh hu hadom. Nan ye, ong Dương khang hatai ba meteh taneh tapa ngak trang trại rong menuk meboh. Meng tacei pato di urang jakar di gilsng pariak, ong Dương kuhria bruk padang ngak trang trại rong meng 15 tal 17  ribau drei menuk meboh, meng nan ba tabiak dom bruk njauk ngak, saong yaom phun jien piah ngak. Tapa nan, gilang pariak ngak nong song patagok palei pala huyện Ea Kar hu brei ka ong Dương mesraiy 3 tỷ đồng piah patagok bruk ngak mbang. Ong Huỳnh Minh Dương brei thau:

Meng jien liba, jien mesraiy jien di gilang pariak song patak patom lavik harei, urak ni drei bayar hu sre di gilang pariak labaih 2 tỷ meteh song peih prong bruk ngak mbang tagok 15 ribau drei, song tui kuhria thun anak tal meda peih prong jang 5 ribau drei menuk meboh song kram eng 10 ribau drei menuk anek tra.

          Dreih yau nan, sang saai Lê Nhật Trường, dok di  xã Chư Huê, huyện Ea Kar jeng pala sa janih café di angaok taneh prong 1ha meteh. Hadei di tuk hu gilang pariak ngak nong song patagok palei pala dhar Ea Kar brei mesraiy 600 triệu đồng, saai Trường ba phun amriak kalu tame pala pablah song bein café. Jang yau ong Dương, kayua jien mesraiy nan ye saai njauk sahneng kuhria, duah dom jalan ngak mbang kein lagaih, patrun patakik khat lihik. Nan ye saai oh padeih duah thau, bac megru, ba dom ilamu bahrau tame bruk iek glang bein am riak kalu. Urak ni , bein amriak kalu di saai tamuh siam, bilan paik asar meng bloh, bein am riak kalu di sang saai mek hu 4 tấn asar, duah hu labaih 700 triệu đồng. Saai Nhật Trường brei thau:

Hu phun jien ye, min oh ginup nan ye mesraiy hasit sarak piah buh tame ngak. Nyim sraiy ye kham ngak bayar veik.  

          Ong Dương, saai Trường tok lac 2 dalam labaih 6 ribau boh sang mesraiy phun jien di gilang pariak ngak nong song patagok palei pala huyện Ea Kar piah patagok bruk ngak mbang. Urak ni, jien brei mesraiy ka gah ngak nong di gilang pariak lac 650 tỷ đ6òng song urang oh bayar hu sraiy oh ka tal 1% kayua ngak catang dalam bruk pasang iek, taong yaom song jalan brei mesraiy. Saai Hà Anh Tuấn, urang jakar brei mesraiy di gilang pariak ngak nong song patagok palei pala dhar Ea Kar brei thau: 

          Urang jakar brei mesraiy bhian taom gaok urang mesraiy piah thau cambaih ka bruk ngak mbang KT, bruk khin phun jien jang yau dom kan kandah di urang dalam tuk vak pandar phun jien di gilang pariak piah hu jalan langyah, meda tagok phun jien ka urang mesraiy.

          Tukvak tapa, gam song bruk patrun jien liba, gah ngak nong palei pala dok hu rilo ưu đãi karei tapa nghị định 41 di rajaei ka bruk brei mesraiy piah patagok bruk ngak nong palei pala song yaom jien liba meng 6,5-8%; quyết định 68 ka bruk dong patrun patakik khat lihik hadei di tuk thu hoạch song yaom liba beir di abih dalam dom danak dak dong brei saong urang nong oh bayar liba dalam 2 thun camereip. Gam song nan lac pok jien mesraiy di dom gilang pariak brei ka bruk pala veik café dok peih tabiak jalan siam lagaih ka urang nong song DN di Đac Lac mesraiy hu phun jien yaom liba lap. . Ông Tăng Hải Châu, Phó akaok gilang pariak karja VN dhar  tỉnh Đắc Lắc brei thau:

Meyah dahlau deih, tok hu gilang pariak ngak nong brei mesraiy ngak nong palei pala, ye urak ni jaik abih dom gilang pariak dalam tỉnh jeng hu brei mesraiy saong hu biak rilo gilang pariak thương mại cổ phần dok pamaong tal gah ngak nong palei meng bruk peih mạng lưới song jhul khang bruk brei sre di labik ni,  nan ye jien brei mesraiy ka gah ngak nong palei pala dom thun jiak di ni biak glong.

          6 bilan akaok thun ni, phun jien brei mesraiy ka gah ngak nong palei pala di dom glang pariak dalam  tỉnh ĐL labaih 21 tỷ đồng, tagok 41%, abih tihong abih phun jien brei nyim song tagok 13,3% dut song tuk vak ni thun dahlau hu labaih 328 ribau urang mesraiy phun jien.

          Jalan patagok bruk ngak mbang, pala drak, bruk ngak harak gar, jien liba lac dom suh sah di DN, urang nong di tỉnh ĐL mesraiy jien di gilang pariak. Min dom suh sah ini langyah talaih tuk dak harei dak hu rilo urang nong mesraiy hu phun jien di gilang pariak piah patagok bruk ngak mbang pablei salih, tabiak truh kan kathaot song yam taok ngak kaya meda meng dom kaya nong angaok bhum palei di drei. Phun jien ni, hu rik dong tame bruk salih bahrau song patagok KT di bhum palei pala Đắc Lắc./.