Ba drei tame ragu cồng chiêng chreih chai, mikva buôn Kon Hring saong tuai damuai atah jaik biak bui sambai dalam ragam tamia xoang uan akaok padai bahrau. Ini lac adat hu mikva peih ngak di harei akaok meti di thun saong hu peih ngak yaok thun meng thun 1994 tal urak ini. Kadha praong di adat lac lễ chính, ngan haong panuac meroi di taha palei A Sơn yau lai tame sap cồng chiêng saong ragam tamia di dom likei dam kumei dara. Ong A Chá, Bí thư chi bộ buôn Kon Hring, xã Ea Hđing, brei thau ka makna di adat ini: adei di tuk yuak kuak blaoh ye mikva pataom gauk veik ginum biai, blaoh ngak pandap mbang, daa mikva dalam palei dalam buôn mai kakuh Yàng, lac ndua dhal phol po Yang po mebhang daong ka mikva pala drak njauk saong hu pren yava piah ngak mbang. Hadei di nan jeng pok likau dom pô yang brei tapa thun bahrau ngak mbang hu  kaya meda jang, pala drak njauk jang saong daong ka buôn palei anek kamuan khang kajap pren yava.

Hadei di lễ chính, taong abih bhap bani dalam palei dalam buôn Kon Hring ba gauk menyum bui tapen ceik tapai, mbang dom kaya bingi meng kan, daoh dom ragu daoh bhap bini, dom ragam tamia meng kan, ma-in dom kadha ma-in di bhap bani…, pambuak pakajap jang hatai gul pataom, uan raok sa thun bahrau, sa bilan pala drak bahrau trei sil./.