Đắk Lắk: Drah samal pabak tieu chi ka menyek di pang ngak palei pala barau

-Yaom lac hu menyek meng yaok pluh thun ini mai, min sang ông Mai Anh Tuấn jeng ye rilo sang urang bhapbini di palei 1, xã Chư Króa, huyện M’Đrăk, tỉnh Đắk  Lắk jeng oh ka sanang hatai kayua chất lượng điện năng bair. Makna lac kayua jalan talei klak, khut, ngak lihik điện năng rilo, dalam tuk bruk pandar điện rilo nan ye nguồn điện oh pabak ginup.  Ông Mai Anh Tuấn khan lac: “Tukvak pandar meng livik paje yau nan ye nyu klak, khut. Urak ini xã hội patagok, pandap pandar dalam sang rilo meng pandar menyek, pagap ye ia piah pruh phun kayau, yaok harei pandar tủ la ar, tivi, rayo  caset, karaoke. Raidiuk patagok njauk pandar menyek rilo yau nan ye jalan talei klak oh pabak ginup, dom sang daok atah menyek yếu oh pandar hu.

-Piah ramik pasiam bruk ini, thun ini dalam huyện M’Đrăk hu peih ngak 3 công trình menyek di palei pala piah pabak menyek tani tanat ka 500 sang bhapbini.

-Di huyện Ea Kar, gam saong dự án pabak menyek ka labaih 200 sang bangsa takik di buôn Sê Đăng, xã Ea Sar blaoh blai dahlau di tết nguyên đán thun ini, bruk ramik pasiam jalan menyek di palei pala hu gah điện lực sangka piah paglaong chất lượng điện năng dalam puk palei. Ông Trần Văn Dũng – Phó giám đốc Điện lực Ea Kar brei thau, jabat ini hu buh tame labaih 40 tỷ đồng piah padang 26 trạm biến áp, dui labaih 20km jalan talei hạ thế, taphia nan salih abih hệ thống đo đếm ka labaih 12 rabau sang pandar điện: “Kol Dahlak taduan mek di gah HTX Điện ia Ea Kar labaih 12.000 sang pandar điện. Urak ini kol dahlak duh ka mikva biak tani tanat tapa bruk ngak lac buh jien tame ramik pasiam jalan menyek biak khang, kol dahlak drak samal ramik pasiam tok dalam 6 bilan. Tui tiêu chí ka  4 di danakdak padang ngak palei pala barau ye kol dahlak pambuak bruk saong karja puk palei piah peih ngak, piah pabak dom tiêu chí di ini. Dalam sa bilan min, dalam tuk lingik oh siam lagaih, hajan ribuk min hu ba menyek mai samal ka trạm biến áp buôn Ea Cung, xã Chư Huê hu menyek pandar”.   

-Dalam dom harei puac thun ini, di dom palei 5, 6 saong 8 di xã Ea Hu, huyện Chư Kuin, bruk padang ngak palei pala barau daok chreih chrai tagok meng bruk ramik pasiam hệ thống điện hạ thế dalam xã. Mboh hu kein laba di puk palei saong kein laba ka drei, yau nan ye dom sang jeng njauk hatai yah caga, kaoh phun piah gah thi công peih jalan. Ông Nguyễn Kim May, Akaok uy mban bhapbini xã Ea Hu brei thau, xã hu 8 palei ye barau hu 5 palei hu jalan talei hạ áp saong trung áp mek hu chuẩn, daok veik 3 palei jeng daok pandar jalan menyek tạm saong pandar sa baoh đồng hồ tổng. Piah ngak hu chuẩn tiêu chí ka 4 dalam danakdak padang ngak palei pala barau, xã hu duyệt brei paok jien jaik 10 tỷ đồng.

-Urak ini, dalam tỉnh hu 116 dalam abih tih 152 xã ngak blaoh tiêu chí ka 4 ka menyek di danakdak palei pala barau. Tui mban rabha bruk padang ngak palei pala barau tỉnh Đắk Lắk, piah ka 36 xã daok veik ngak hu tiêu chí ka 4 ka menyek di palei pala barau, puk palei caong hu jaik 887 tỷ đồng. Dalam nan, kadung jien di Trung ương jaik 780 tỷ đồng, jien đối ứng 110 tỷ đồng. Ông Trương Công Hồng, Phó giám đốc sở Công thương, brei thau, tỉnh kham merat tal thun 2020, taong abih dom xã meda ngak blaoh tiêu chí ka 4 ka điện palei pala.

-Ông brei thau: piah ngak hu tiêu chí ka 4 ka menyek di tỉnh lac gah menyek gam saong uy mban bhapbini tỉnh meda buh jien đối ứng lac labaih 100 tỷ.  Daok jien di Trung ương brei tui danakdak 2081 lac labaih 700 tỷ tui phun jien trung hạn, meyah Thủ tướng brei hu ka tỉnh ye tukvak anak tal tỉnh meda ngak hu bruk lac tal thun 2020 ngak hu blaoh dom tiêu chí ka menyek./.