Thun 1992, saai Trượng Minh Huyến khin kumei, drap ar oh hu hagait langui di 3 sào taneh, kein liba oh glong, duik pasang saai nao ngak mbang pah piah duik rai. Meng kham merat ngak mbang, thau patak patom dalam bruk pandar cai, duik pasang saai blei hu 17 sào taneh.  Meng 2 ha taneh, saai ngak 2 vụ padai, sa vụ tangei lai. Saai bhian bac megru piah thau jalan ngak kaya meda ka boh sang. Saai hu ba ilamu kỷ thuật tame mblang hamu, khang hatai peih ngak mô hình “1njauk, 5 trun” pandar pajaih padai xác nhận, patrun pajaih tam drak, trun ia mbiah ginup, trun jru khik caga phun pala, trun khak drak, trun khat lihik hadei di tuk yuak padai, mboh padai yuak hu biak glong jang. Dom thun jiak di ni, yaom lac langik tasik oh siam lagaih min dalam 2 vụ padai đông xuân song vụ mùa meng bloh năng suất jeng hu meng 9 tạ yaok sào, tangei jeng hu labaih 8 tạ yaok sào. Jien mek tame meng padai, tangei yaok vụ labaih 20 triệu đồng.  

Meng jien saai patak pataom hu, thun 2008, saai Huyến khang hatai mesraiy pabak piah blei sa jamriak yuak - jan liên hợp. Tuk nan, jamriak yuak – jan liên hợp dok takik yau nan ye tuk tame bilan yuak, saai oh pabak ginup bruk yuak kuak di mik va. Bruk blei jamriak nan hu ba jien tame ka sa-ai oh lac takik. Meng nan sa-ai khang hatai peih prong bruk ngak mbang, blei jamriak li-ua…piah li-ua taneh drei saong li-ua pah ka mik va dok jiak nan. Meng bruk pala padai, tangei song dịch vụ ngak nong, yaok thun sang saai duah hu labaih 100 triệu đồng. Nan ye, thun 2013 saai padang hu sa boh sang praong yaom labaih 500 triệu đồng. Saai Trượng Minh Huyến khan lac

Băng tiếng Chăm:

Saai Huyến oh lac ngak kaya meda ka eng drei bo dok ba bruk ngak tani tanat ka 10 dam dara Chăm dalam palei. Hu ilamu dalam bruk ngak mbang pala drak, saai halan hataintacei veik ka mik va jalan ngak padai tui mô hình “1 njauk 5 trun”  hu kein laba. Saai Đổng Thị Kim Ngân,  urang jakar iek gah ngak nong xã Phước Hậu, huyện Ninh Phước, tỉnh Ninh Thuận ndom ka saai Trượng Minh Huyến yau ni

Băng tiếng Chăm:

Meng dom bruk ngak hu, ngak jeng, bahrau ini, boh sang saai Trượng Minh Huyến hu akaok UB bhap bini tỉnh Ninh Thuận pok brei harak meyaom lac điển hình tiến tiến, sa urang nong  nao dahlau dalam bruk  pakacah gauk ngak mbang pablei salih naih joi./.