Dalam lingik la ar bingi di bilan xuân, bản Phiêng Luông, xã Phỏng Lái urak ini mblo tabiak dom baoh sang tak tôn bhong, tôn hijao angaok dom mblang taneh praong, tapak. Dom baoh sang hu ngak tabhia gauk tui yaok lô. Jalan tame bản biak praong, laneng. Ia mbaok di bản hadah hadai, salih barau, dom jalan mbak, ia pandar, jalan điện hu buh jien tame ngak ginup.  

Dahlau dhiah, bản Phiêng Luông daok atah di pasak xã 11 km, hu labaih 40 sang bhapbini bangsa Mông daok. Bản daok di kreih labik dhaong, vil tom dar lac dom talei ceik nan ye meng thun 2014, tal bilan hajan lac meteh dom baoh sang bhapbini dalam bản saong labaih 100 ha tangei dauk ia; urang bhapbini njauk nao mai meng bè, raidiuk kan kandah rilo. Thun 2015, tỉnh Sơn La hu ba nao chip dom sang bhapbini tal bản Phiêng Luông barau atah di bản klak dom mbaik jalan, min libik ini nyu glaong jang. Piah ba urang bhapbini mai pak ini, huyện Thuận Châu hu peih bruk san nền taneh daok, daong yaok sang 20 triệu đồng jien ba sang danaok, gam saong nan pasiam cơ sở hạ tầng. Meng sa bản 5 oh, lac: oh hu menyek, oh hu jalan, oh hu sang bac, oh hu balai iek ruak, oh hu ia pandar, urak ini bản Phiêng Luông oh daok sang kathaot, sang halei jeng hu radaih patuh, hu tivi, uranaih puac tapuk hu menyek hadah.

Saai Mùa A Của, sa urang daok di bản Phiêng Luông lac: “Hu karja sangka brei libik daok, hu jalan nao mai, hu menyek mai bản, sang halei jeng chreih chrai. Hu tivi, mikva meda bac megru hu bruk ngak mbang di urang patagok kinh te, dak padang bản drei dak harei dak ginup meda jang.

          -Ông Mùa vả Dia, Bí thư chi bộ bản Phiêng Luông chreih chrai brei thau: meng jien daong panduan nao hu daong mikva tani tanat raidiuk, padang ngak sang danaok siam mekre, oh daok baoh sang taik tahak. Libik daok barau atah di libik klak oh hadom nan ye biak mbuan lagaih ka mikva nao mai pala drak di libik klak. Bui sambai di abih lac baoh jalan atah 3 mbaik tame bản hu ramik pasiam, peih praong, ô tô nao tal bản. Mikva oh daok abih rilo pren yava, jien xăng pajeng kaya nông nao pablei, oh gaok kateik yaom yau dahlau. Ông Mùa Vả Dia brei thau: Urak ini, bản hu 15 ha phun sa nhân, mek hu 6-7 tạ 1 ha; lingiu di nan daok patagok phun chanh leo, mơ mận, patagok tui jalan salih barau, duah dom pajaih hu yaom)

Dom sang bhapbini dalam bản urak ini oh lac thau pala tangei, ngak padai bo daok thau pandar alamu ky thuat, ba rilo pajaih phun pala barau tame pala drak. Dom apuh sa nhân hijao atah di meta maong yaok thun ba jien tame ka bản yaok tỷ đồng. Mikva daok hu raong pabui, menuk, pabak ka var huak di sang. Dalam bản oh daok sang kathaot. Oh daok having akaok kuhria bruk mbang, bruk cuk, urang bhapbini dalam bản patagok ilamu pachreih bac hu meng livik mai, taong abih dom adei tal thun nao bac jeng hu nao bac. Dom sang hu anek tal thun bac mẫu giáo, tan bac 1 jeng njauk hatai gauk rik brah, salih gauk nao tal sang bac tahanek lisei, gam gru pato khik iek dom adei. Bản Phiêng Luông hu labaih 10 adei daok tui bac di dom sang bac Đại học, cao đẳng; rilo adei daok bac dom tal trung cấp nghề. Ông Nguyễn Văn Báu, Bí thư đảng ủy xã Phỏng Lái, huyện Thuận Châu, Sơn La brei thau: Jalan ngak suai livik ka bản ini, lac jak ba urang bhapbini pala phun sa nhân, urak ini yaok sang hu 1 hecta, phun sa nhân brei jien mek tame tani tanat saong rik daong khik caga glai. Kol dahlak jeng daok pok panuac caong brei  apdang bản Phiêng Luông ini jeng bản điểm piah patagok du lich sinh thái kayua cảnh quang biak siam.

-Urang Mông bản Phiêng Luông tani tanat libik daok labik ngak mbang. Urang tari tarieng ngak mbang, jum pataom gauk dak apdang raidiuk trei sir, ginup meda jang./.