Daong dam dara ngak mbang, yam tagok ngak meda

     Meng paok jien 50 trieu dong kayua Quỹ khởi nghiệp di Kapul lien hiep dam dara VN tỉnh Bà Rịa Vũng Tàu daong, rilo urang đoàn, dam dara di puk palei hu padang mbang ngui, yam tagok ngak meda. Kadha vak di Hoàng Nhị angaok harak báo TTXVN :

         Tal urak ini, quỹ khởi nghiệp peih tabiak hu dua thun saong tuk camereip ba mai rilo kein laba. Saai Lê Thanh Tú, ấp Tân Lễ B, xã Châu Pha, huyện Tân Thành, tỉnh Bà Rịa-Vũng Tàu lac sa dalam dom urang đoàn, likei dam akaok mereip di tỉnh hu mesraiy phun jien ini. Dahlau thiah, jien mek tame di sang saai Tú lac meng pala phun kapah piah pablei ka dom sang pala amraih kalu. Ngan saong 7 sào taneh pala phun kapah, saai mboh hala papah lac pandap mbang ka pabe saong pabui glai. Kayua yau nan ye, saai Tú peih bruk raong athur ini piah paglaong jien mek tame. Hadei di tuk pasang iek dự án, quỹ khởi nghiệp hu brei ka saai Tú mesraiy 50 trieu đồng oh mek laba piah raong pabe. Meng paok jien ini, saai ngak var raong, blei hu 10 drei pabe binai saong sa drei pabe tano.

Hadei di sa thun, tapol pabe di sang saai Tú praong siam saong menek hu 10 drei pabe anek. Barau ini, saai pablei 10 drei pabe piah mek jien bayan ka quỹ. Jien daok veik saai blei 4 drei pabui glai mai raong. Saai Tú brei thau, ini lac phun jien biak quý ka dam dara di palei pala. Saai caong khin paok jien ini hu mai tal rilo dam dra di palei pala rilo jang piah dom urang nan meda patagok kinh te sang, tani tanat raidiuk pak di mbalng taneh palei drei.

      Oh lac daong phun jien tuk akaok mereip ka dam dara ngak mbang, quỹ khởi nghiệp daok daong jien ka dam dara hu blaoh mô hình ngak mbang min kurang phun jien. Hadei di sa tukvak pala lan hu kein laba, puac thun 2015, saai Trần Minh Hiếu, Bí thư Chi đoàn ấp An Lạc, xã An Nhứt, huyện Long Điền hu quỹ khởi nghiệp brei mesraiy 50 triệu đồng piah peih praong bruk pala drak. Meng paok jien ini, saai Hiếu blei 15.000 got cam meng Công ty xuất nhập khẩu lan pajaih di ban raya HCM. Dalam tuk tet Bính Thân 2016, saai Hiếu pablei hu 13.000 got lan saong mek tame hu 400 triệu đồng. Meng paok jien nan, saai Hiếu blei veik labaih 1.000 met vuong taneh peih praong bruk pala drak. Tal tukvak ini, bein lan di saai Hiếu hu 65 rabau got, jien mek tame yaok bilan 30 triệu đồng, ba bruk ngak gam gam ka dua urang ngak saong yaom jien mek tame labaih 4 triệu đồng sa bilan saong 17 urang ngak tui bilan saong yaom jien mek tame 150 rabau dong sa urang sa harei.

        Dalam bruk nao gam jalan saong dam dara patagok kinh te, Kapul lien hiep dam dara tỉnh Bà Rịa Vũng Tàu tuk halei jeng taduan mek hu bruk daong abih hatai meng kapul doanh nhân trẻ tỉnh, abih di nyu nan lac saai Nguyễn Văn Việt phaok akaok kapul Lien Hiep dam dara VN tỉnh, akaok kapul doanh nhân trẻ khóa 1, 2, hiệu trưởng sang bac Trung cấp chuyên nghiệp Bà Rịa. Hu taom gaok rilo dam dara di palei pala, saai Việt mboh, sa dalam dom kan kandah praong abih di dom urang nan tuk ngak mbang lac  kurang phun jien. Yau nan ye, hadei di tuk ginum biai njauk gauk saong kapul Liên hiệp dam dara VN tỉnh, saai Việt kaoh tabiak 500 triệu đồng meng phun jien nhàn rỗi di sang bac Trung cấp chuyên nghiệp Bà Rịa ba tame quỹ khởi nghiệp di kapul Liên hiệp dam dara VN tỉnh piah daong dam dara mesraiy jien oh mek laba, duh ka bruk ngak mbang pablei salih. Anak meta mboh lac, dom paok jien ini jeng hu dom urang đoàn dam dara pandar siam, hu kein laba, bayan njauk tukvak.

     Meng siam lagaih tuk akaok mereip bo phun jien quỹ khởi nghiệp ba mai ka dam dara, Kapul Liên hiệp dam dara VN tỉnh Bà Rịa Vũng Tàu caong khin hu rilo doanh nhân gam buh pren, rik daong dam dara patagok kinh tre meng kadung jien nhàn rỗi di yaok doanh nghiep, meng bruk klah rabha dom alamu, jalan ngak dự án, daong dam dara ngak mbang, rik daong tame bruk patagok kinh te di tỉnh Bà Rịa – Vũng Tàu./.

Thúy Linh