Bruk njauk ngak tuk uranaih juak gam daruai atau candaih klaok.

Mek jabol saong ia rau vir taom dar labik juak njauk. Mek cồn uak hacih gai nhíp bloh mek daruai tabiak. Rau veik sa mbang tra.

Meyah daruai khang saong kan mek, brei caik sa harei iek nyu tabiak eng halei oh.

Meyah uranaih juak njauk candaih klaok saong oh mbuan mek tabiak hu, njauk pandar khan hacih mbar labik juak njauk saong ba nao tal labik y tế.

Tangi sua bác sĩ iek njauk thaot phim halei oh yaom lac drei saneng candaih klaok nyu tabiak ye; bruk thaot phim meda brei mboh dom candaih klaok sit ngak brei nhiễm trùng.

Meyah daruai oh tabiak hadei di dom harei atau ngak brei uranaih pandik, labik daruai klauk nyu meriah atau hu laneh, brei nao tal bác sĩ piah mek nyu tabiak.

Bruk njauk ngak tuk chấn thương meta

Tuk uranaih pandik ralo, bhian sraiy ia meta, huac hadah atau maong iek mboh sabil hadei di tuk njauk paoh tame meta, brei caik tagok meta sa blah khan pasah saong la-an bloh ba nao chip tal labik y tế. Uranaih meda njauk gah langiu meta brei pandar jru tanjaoh meta atau jru limek tui tacei pato di bác sĩ saong meda siam veik dalam 48 tuk. Meyah njauk jru hóa chất tame meta, brei rau meng ia pandao saong ieu cấp cứu. 

Tui iek pandik saong dom bruk gah thị lực dalam dom adit hadei di tuk njauk chấn thương meta. Nyu meda lac dấu hiệu di laka mống meta kayua chấn thương atau vết thương daok dalam jang.

Bruk njuak ngak tuk njauk côn trùng atau darko dut

Meyah côn trùng caik veik danuac, mek takau tangin atau thẻ katak kuah tagok klik piah mek danuac tabiak bo oh ngak joh. Mek nhíp piah kandiuk danuac meda ngak brei nọc độc tathuak tabiak ralo jang.

Ieu cấp cứu meyah uranaih kan suak yava, patuk atau praih sap, tagok mề đay, brah cambuai atau dalah.

 Piah palahik katal, tauk sa candiah gạc la-an tagok labik vết thương dalam sa minit, atau luk lotion alamine, kem hydrocortisone 1% atau jru kháng histamin di labik katal nan (meyah klik oh tahak atau saluah) 

Nao tal bác sĩ meyah drei medil lac uranaih njauk ve dut. Bác sĩ meda brei duk iek drah ruak Lyme saong dom ruak karei kayua ve pambak./.