Phố Thông Huề (huyện Trùng Khánh, tỉnh Cao Bằng) hu ralo pandap mbang bingi yau tương “mẹc cảng”, har khảo, har bao...Min pachreih di abih lac đậu phụ chao. Đậu phụ chao lac pandap mbang dân dã hu vị lạ, pahe, ralo urang takre kayua mbang nyu ngak brei la-ar dalam rup, pabak ralo janih dinh dưỡng siam ka pren yava.

 Đậu phụ chao hu ngak meng ratak asar praong, nde gauk, oh bruk. Hadei di tuk lọc klak tạp chất saong asar pait, tram ratak saong ia li-ar jaik 2 mong. Ratak hu chai saong ia, hadei di nan pandar tanyiak halang mek ia, cat klak nao; tanyiak dak sre ye ia ratak dak jangaih. Ia ratak hu riak jru bloh tuh tabiak xô praong. Ia mesam hu ngak meng ratak piah tagok men, lai saong ia saoh, hadei di nan riak pandiak bloh lai saong ia ratak tui tỷ lệ 1/1. Lai đều tangin tal tuk ia ratak kết tủa ye tuh tabiak khuôn.

Pandap mbang bingi jeng hu ngak biak cầu kỳ, yaom lac kinh tế patagok, min bhap bini jeng takre pandap kayau kayua nyu jaik taphia haong thiên nhiên jang dom khuôn kim loại. Khuôn pak meta atau chữ nhật hu tauk tanyiak lanh, tuh ia ratak hu kết tủa tame bak khuôn, gum blah tanyiak veik saong mek papal kateik tagok. Tal tuk ia sraiy abih, ratak nyu jeng candiah hu mek tabiak saong cakak jeng yaok candiah sit nde baoh takai ne. Ia sraiy tabiak meng ratak hu caik ka nyu tagok men saong ngak ia mesam piah ngak mẻ ratak hadei.

Ratak hu chao meng limek pabui. Brei limek tame kli praong, brei pui praong, caik limek pandiak bloh brei ratak tame. Tuk ratak ndong tagok saong phồng nan lac tasak. Min piah ka ratak pahe, kanyik saong lacam ye brei takik pui, srau đều tangin ratak dalam limek meng 10 tal 15 minit. Ratak daok pandiak hu mbang hong tương meda mboh karei.

Ratak ngak ia bai ralo brei hasit toi hala tame mbang pandiak jeng biak bingi. Sa pandap mbang meng kan bo dalam var lisei bình dân atau tuk ngak cỗ, bhap bini bhian jaih ratak saong ralo. Ngan saong urang Nùng daok di gah timur, harei 3 bingun bilan 3 tui saka ia bulan, ralo baoh sang ngak ratak jaih ralo piah paling muk kei saong payak tuai ./.