Lac sa dalam klau gah pandap hu pren khang di bhum taneran kraong Cuu Long, yaok thun mblang taneh ngak padai meblah 54% saong labaih 90% sản lượng brah pablei tabiak negar langiu. Yaom lac cơ giới hóa dalam dom gah dak harei dak rilo, min bruk cakrok oh ka samu gauk di dom công đoạn daok ngak ka jien buh tame ngak tagok glaong, dalam nan njauk ndom tal khat lahik hadei di yuak kuak, ini lac sa dalam dom cuang kandah daok hu mboh dalam bruk cakrok patagok cơ giới hóa bruk ngak nong di bhum taneran kraong CL. Dalam bruk ngak tabiak padai brah, meyah hu xay xát công nghiệp ye khat lahik tok 5 – 10%. Dalam tuk nan, meng jalan xay xát sit sot ye khat lihik tagok tal 20 – 30%.

Ông Phạm Văn Tấn, Phaok akaok Phân viện Cơ điện ngak nong saong Công nghệ hadei di thu hoạch brei thau: oh njauk lac tok hu padai brah khat lahik bo dua janih pandap praong karei di bhum taneran kraong CL nan lac kaya ikan dalam aia saong baoh kayau jeng njauk hạn chế gah cơ giới hóa. Pagap yau bruk pala phun mbang baoh, meng dom khâu yau cakak dhal, buh khak, paik baoh, padang dom labik sơ chế saong đóng gói jeng oh ka siam. Mai meng nan bo baoh kayau di Việt Nam oh meriak hu haong dom baoh kayau negar langiu.Piah cak rok patagok bruk cơ giới hóa ngak nong Karja drei njauk  hu dom sarak daong ka dom nyaom dịch vụ cơ giới ngak nong piah ka urang nong blei mac moc, ngak dịch vụ cơ giới ngak nong. Kadha dua njauk hu dom sarak daong brei phun jien saong công nghệ piah ka dom labik ngak mac ngak nong dalam taneh aia, di bhum taneran kraong CL urang buh jien tame ngak saong cakrok patagok pabak bruk ngak tabiak mac ngak nong.

Pak bal Cần Thơ, dom thun jaik di ini bruk ba cơ giới hóa tame pala drak hu jhul khang, meng bruk ngak taneh, paik, yuak saong khik piah hadei di thu hoạch. Amuk Nguyễn Thị Kiều, Phaok akaok Sở Ngak nong saong patagok palei pala brei thau: Meng mblang taneh ngak padai yaok thun labaih 240.000 ha, sản lượng jaik 1,4 triệu tấn. Tukvak tapa, cơ giới hóa dalam bruk ngak nong hu jhul khang meng bruk ngak taneh, pala drak tal yuak kuak piah patrun pren urang ngak saong jien buh tame ngak. Pagap yau cơ giới hóa dalam bruk ngak taneh nan lac 100% saong gah paik, yuak meblah labaih 90%. Yau nan min, bruk pambu  sấy saong khik piah hadei di yuak kuak jeng daok di tanut biar, bruk ini ngak ka chất lượng kaya nong trun saong khat lahik biak ralo. Kayua yau nan ye, dalam tukvak anak tal gah ngak nong bal Cần Thơ meda jhul khang cơ giới hóa dalam gah xay sát saong khik piah, caik ka chất lượng kaya nong cakrok patagok khang, brei mboh labik dang, yam tagok meriak gauk haong dom janih pandap mai meng negar langiu saong hu urang pandar takre blei. Bruk khik piah hadei di thu hoạch jeng daok jak ba  doanh nghiệp salih bahrau công nghệ tui jalan khik piah padai salih ka khik piah brah, piah drei langyah quy trình cagar veik dalam bruk hadei di thu hoạch. Taphia di nan, khaol dahlak jeng pambuak haong Sở Khoa học saong Công nghệ piah daong ka doanh nghiệp  hu blei  máy móc, thiết bị bahrau piah daong ka bruk xay xát, pabak hatai caong khin dalam vaktu yaom tame hội nhập.

Bruk cơ giới hóa ngak nong lac jalan nao di jaman bahrau, ini lac bruk njauk ngak, meyah thei suai damuai ye njauk kadun likuk. Bhum taneran kraong Cửu Long nan lac vựa padai, kaya ikan, baoh kayau, hu vlabik dang biak prong dalam nền kinh tế di taneh aia min bruk yau Yuan lac “được mùa, mất giá” thun halei jeng rah tabiak. Taphia di nan, bruk biến đổi khí hậu, aia tasik tagok glaong daok ngak ka năng suất pala drak, raong glang di bhum taneran kraong CL trun, ngak patrun jien mek tame di bhap bani. Kayua nan ye, bruk njauk ngak di urak ini nan lac jhul khang bruk pandar khoa học công nghệ tame pala drak,ngak tabiak pandap panda kaya nong, paglaong giá trị gia tăng ka kaya nong./.