Ong Dương Thanh Trà, sa urang daok di palei 1, ấp Bãi Nhà A, xã Lại Sơn brei thau: dahlau deih kayua pandar  điện jamriak nduac meng menyek nan ye điện yếu, tuk hu tuk oh, jamriak điện bhian khut. Ong Trà hadar veik, rilo melam oh hu điện, anek naih di palao oh bac bài hu, urang prong oh ndih hu, hu thun điện nyu lihik di tuk giao thừa. Urak ni, điện negar mai tal bhap bini angaok palao, ong Trà bui sambai khan lac, sang ong meda blei dom janih pandap yau máy giặt, tu liar piah paglaong rai duik  

Băng 20s: Hu điện di negar ye bhap bini di palao Lại Sơn biak chreih chrai. Sang hulin jeng uan tabuan hu điện negar mai tal xã pulao. Hu điện ini, kol  hulin hu pandar máy giặt, tu liar. Hu điện harei melam ye anek saih hu bac da-a siam jang.

Akaok palei  Bãi Nhà B, xã palao Lại Sơn - ong Nguyễn Đức Tài jeng oh padauk hu bruk bui sambai 

Hulin lambaok ka bhap bini dalam palei song dalam xã biak uan tabuan hu bruk sangka di karja hu dui điện di negar tabiak tal palao kaoh piah pabak ka bhap bini pandar hu tani tanat jang. Ndua dar phol dom pakat karja hu sangka dui điện di negar ka mik va khol hulin

Piah hu bruk bui sambai nan, urang jakar, urang ngak gah điện song dom đơn vị padang ngak njauk yam tapa biak rilo kan kandah. Ong Trương Tấn Lực, Giám đốc Công ty Điện lực Kiên Giang brei thau: Kan kandah prong di abih lac bruk padang 48 gheng điện glong jiak 60 mét, di angaok tasik dalam labaih 10 mét ia, dalam tuk rilo bilan tapa langik jhak, riyah khang, hangin prong. Min dom urang ngak biak uan tabuan kayua urang hu rik dong ngak salah bloh dự án ba điện negar 110kV atah jiak 25km tabiak palao Lại  SơN. Ni lac jalan talei nao tapa tasik prong abih di VN. Ngak hu siam merke bruk ni,  Tổng Công ty Điện lực Miền Nam hu buh tabiak labaih 484 tỷ đồng pasiam veik, peih prong 26 km jalan điện trung áp song hạ áp di palao Lại Sơn, padang ngak 13 bilai biến áp di angaok palao. Ong Trương Tấn Lực lac

Khol hulin pajeng cuah, patau, xi măng, ia taba tabiak tasik. Dalam nan kan kandah di abih lac bruk tuh bê tông sa harei brei tuh hu sa móng, yaok rituh mét khối bê tông. Meyah drei tuh oh dil ye oh jeng. Bruk ni brei ginup xi măng, cuah, patau, nan ye meyah oh ginup ye oh ngak jeng.

Patagok hatai yam tapa kan kandah nan, ong Trương Tấn Lực, Giám đốc Công ty Điện lực Kiên Giang jeng brei thau, tui kuhria tal luac thun ni gah điện daok pataom tame ngak salah bruk ba điện ka dom palao Hòn Nghệ song Sơn Hải, huyện Kiên Lương lac dom palao Tây Nam di negar . Dom danak dak ni oh lac dong patagok KTXH ka bhap bini bo dok khik kajap an ninh quốc phòng di sa bhum tasik prong.

 Ong Trần Quốc Tiến, Phó Chủ tịch Ủy ban bhap bini  xã Lại Sơn lac:

Hu điện negar mai tal xã palao , khol hulin tacei pato mikva pandar patak  pataom song pandar njauk bruk. Hu điện  negar, điện luac harei melam pabak ginup jang ka bruk pandar điện di bhap bini, lagaih ka bruk patagok KTXH. Dom nhà nghĩ meda caik jamriak liar, máy giặt, raidiuk di bhap bini hu siam jang, mbuan lagaih jang.

Hu jalan điện di negar, jalan atah meng boh taneh tabiak palao yau hu dui katut veik. Dom harei ni, rilo boh sang di angaok palao Lại  Sơn chreih chrai nao blei rilo pandap panda yau jam riak liar , tu li ar, máy giặt… bo dahlau deih pandar điện jamriak urang oh pandar hu. Điện hu tabiak tal Lại Sơn, meng ni Tổng Công ty Điện lực Miền Nam daok buh jien tabiak ngak talei angaok tasik, ba điện tal dom xã palao  An Sơn, Nam Du, huyện Kiên Hải, ngak brei hadah tagok tong abih palao kaoh Tây Nam di taneh ia./.