Đô thị hijao tapeng kraong bhong

Ông Nguyễn Kham, thun ini umo labaih 90 thun, daok di khu phố 4- phường 2, ban sit Quảng Trị, hadar hamiet tukvak hadei di harei mboah tangin tame Hiệp định Pari thun 1973. Piah hu harei nan, urang bhapbini di ban sit ini njauk salih rilo ralo darah hadei di bilan hè bak pui meriah bhong 81 harei melam thun 1972. Ban sit Quảng Trị peih paha oh ka hu hadom lac phao patuh, grauk libik bak dalam lửa đạn. Bhapbini ba gauk nduac nao plaih tal dom libik siam atau klak sang danaok duah libik plaih bom đạn. Dahlau di tuk peih paha, ban sit  Quảng Trị biak kheih, mekre, hu biak rilo phượng vĩ ngan saonhg labaih 10 rabau baok sang. Tok hadei 81 harei melam, abih tih maong ye mbon kok abih, tok daok kiak saong hố bom. Dom harei hadei di tuk Hiệp định Pari hu mboah tangin tame, urang bhapbini meng mai palei veik dak padang raidiuk barau. Ông Nguyễn Kham bui sambai kayua harei ini ban sit hu salih bharau khang, dak thau cambaih jang ka hatai caong hòa bình di urang bhapbini libik ini: Dom harei puac di bilan Mat thun 1972 biak  catang. Min tuk salih tapa hòa bình ye biak bui sambai, chreih chrai oh ndom biai abih hu, uan tabuan kayua nao tapa pandik harao mesruh metak, urak ini meng abih blaoh. Thau lac rilo kan kandah dalam radiuk min hu hòa bình lac siam abih, padrak menuac urang tuh pren pasiam bruk pandik harao meng mesruh metak.

-Thành cổ Quảng Trị, ban sit Quảng Trị dalam 81 harei melam bilan hè bak pui bhong meriah thun 1972 hu pagap yau sa kadung bom. Tui Kuhria, ban sit ini njauk ndua 328.000 tấn bom đạn, sumu saong pren di 7 baoh bom nguyên tử bo Mỹ plaik trun Nhật Bản thun 1945. Inem mek di bruk hủy diệt nan jeng daok mboh cambaih laih di sang bac Bồ Đề, daok di jalan Trần Hưng Đạo. Tỉnh Quảng Trị khik tamo baoh sang bak inem bom đạn, ndom tagok bruk tàn khốc di mesruh metak. Ông Nguyễn Thanh Bình, palei daok pak tỉnh Quảng Bình, urang dahlau dhaih ngak bol lin khik caga Thành cổ Quảng Trị, urak ini daok di phường 1, ban sit Quảng Trị mboh di anak meta rilo đồng đội ndih trun saong bruk tayah tayiac di ban sit tapeng kraong Thạch Hãn.

-Ông Bình khang hatai daok veik bhum taneh ini piah pala rilo phun hijao pacang halui ka dom linh hồn đồng đội :Caong khin di dahlak lac bhum taneh ini oh daok talei kavat darui, oh daok hố bom bo jeng sa bier bingu. Meng bruk nan, dahlak sahanneg oh meda caik ka sa ban sit yau ini hu. Njauk pala biak rilo phun, abih di nyu nan lac phun pacang halui ngak kheih ka ban sit, thau dar phor dom anh hùng liệt sỹ.)

Meng sa đống tro tàn, kiak pacah, thành cổ Quảng Trị, ban sit Quảng Trị harei ini hu siam veik. Angaok dom hố bom, hố pháo mengkan urak ini hu dom beir phun kayau hijao bak baoh. Dalam quy hoạch patagok đô thị, karja ban sit Quảng Trị thau lac, kraong Thạch Hãn lac pasak, lac điểm nhấn, lac labik hijao, ba kraong Thạch Hãn daok di kreih ban sit. Kraong Thạch Hãn hu maong lac baoh kraong tâm linh, "nghĩa trang hijao" di đô thị. Ông Nguyễn Văn Hùng, Bí thư Tỉnh uỷ Quảng Trị brei thau, Đảng bộ saong bhapbini tỉnh Quảng Trị caong khin  padang ban sit Quảng Trị jeng ban ndung bak biểu tượng hoà bình, sa đô thị hijao tapen baoh kraong bhong:

-Mesruh metak abih bloh, meng sa đống tro tàn, tayah tayaic, ban sit Quảng Trị harei ini daok siam tagok. Hatai sahneng padang ban sit Quảng Trị jeng ban biểu tượng hòa bình di tỉnh Quảng Trị ba nao thông điệp ka bruk jum pataom di dom bangsa, ka chủ nghĩa nhân văn sâu sắc, ka caong khin hòa bình di bhapbini Việt Nam saong dom bangsa takre hòa bình di dunya. /