Doang bhapbini bangsa takik ngak mbang tani tanat

    Peih ngak Đề án “Patagok kinh tế xã hội bhum bhapbini dom bangsa : Cống, Mảng, La Hủ, Cờ Lao” tui Quyết định 1672/QĐ - TTg di Thủ tướng rajaei (Đề án 1672), hu peih tabiak ka huyện Mường Tè (Lai Châu) rilo jalan patagok : Hạ tầng kinh tế xã hội dak harei dak hu buh jien tame ngak, raidiuk di bhapbini dak harei dak hu siam tagok.

     Saai Vàng Gạ Hừ, daok di bản Phí Chi B, xã Pa Vệ Sử, barau khin kumei, tabiak daok karei, bo kurang phun jien, yau nan ye diuk pasang saai jeng daok lac sang kathaot di palei. Gam saong bruk daong di adei sa-ai, yut sahabat, urang dalam sang, abih di nyu nan lac phun jien meng Quyết định 1672, saai ngak hu baoh sang khang kajap tui tiêu chí “3 khang”: Nền khang, khung khang saong tabung tôn khang. Hu karja daong 15 triệu đồng ngak sang, gam saong bruk daong di mikva dalam palei, dahlak padang hu baoh sang khang kajap piah daok” saai Hừ brei thau yau nan.

    Di sa huyen atah bayah, jalan nao mai kan kandah, kinh te di mikva daok kathaot, ye bruk jalan daong ngak sang daok ka bhum bhapbini dom bangsa kan kandah : Cống, Mảng, La Hủ, tui Đề án 1672 di Thủ tướng rajaei lac sarak njauk, njauk hatai bhapbini. Yau nan ye, tuk peih ngak sarak ini, pakat uy, karja meng huyen trun cơ sở hu peih ngak khang saong taduan hu bruk njauk hatai di bhapbini.

    Amuk Lò Phù Mé, Phó Bí thư Đảng ủy xã Pa Vệ Sử brei thau : “meng tuk peih ngak sarak daong ngak sang daok ka  bhapbini dalam xã tui Quyết định 1672, pakat ủy, karja xã hu pambuak bruk saong bhapbini dom bản, kapul bộ đội biên phòng padang labik di puk palei ngak sang daok ka mikva. Meng hu sarak ini, rilo sang bhapbini dalam xã hu sang daok, tani tanat raidiuk saong sahanang hatai patagok kinh te sang”.

     Hadei di 3 thun peih ngak Đề án 1672, urak ini huyện Mường Tè pasiam hu 520 baok sang kreim la-a ka dom sang bhapbini lac bangsa Cống, La Hủ, Mảng di 9 xã dalam huyện. Đề án gam saong dom danakdak, dự án karei di rajaei đầu tư dalam puk palei daok hu daong ka bhapbini bangsa Mảng, Cống, La Hủ pandar alamu kỹ thuật, ba dom phun, anek pajaih barau tame ngak mbang, rik daong jhul khang patagok kinh tế, xã hội, paglaong raidiuk ka bhapbini. Ini jeng lac jalan khik ramik saong patagok dom yaom glaong ilimo mengkan di dom bangsa takik, taphia nan khik kajap an ninh chính trị saong chủ quyền tapen negar.

     Tui pathau khan di mban bangsa tỉnh, thun 2012, mBan tacei pato đề án dom pakat hu tabiak 47 văn bản ka tacei pato bruk. Tapa nan akaok mereip ngak hu dom bruk praong di đề án, dom cơ sở hạ tầng thiết yếu daok hu buh jien tame ngak, dom janih pajaih barau, nang suat glaong hu ba tame pala drak. Bruk pasang iek pren yava ka bhapbini hu paglaong. Anek saih hu daong jien mbang bac, ilimo mengkan di dom bangsa hu khik ramik./.

Thúy Linh