Tuk lagu camereip di kadha doh “Sống như những đóa hoa” di nhạc sĩ Tạ Quang Thắng pok tagok, urang dang akaok kapul tacei tangin brei dak jeng hàng song dom urang dalam kapul ba gauk chat tui lagu doh. Plak tangin hanuak di urang kacao veik, caik di angaok cada gah ieu, tangin dok veik caik tagok kang bloh dui atah trun takuia. Hadei di nan, 2 plak tangin hu caik samu gauk, bloh yar tapak tabiak anak mbaok , tui nan, ngak jeng dom động tác biak limin lamuac. Oh lac tangin, biểu cảm bo dok mboh di cambuai, tuk ha tabiak, tuk bập bẹ yau anek naih, 2 takai salih gauk yar tagok, caik trun mbaok jalan. Tal labik nhạc dạo, nyaom ba gauk chat nao chat mai, ngak jeng sa vòng tròn. Nan lac dom thaot binguk bo khol hulin hu mboh nyaom urangtangaoh,  kam lo parang main yaok melam tuk jalan Nguyễn Huệ hadah gom.

Nyaom ni hu padang tagok meng Kapul dom urang kam lo tangoah ban raya HCM, kayua amuk Phạm Cao Phương Thảo phụ trách, piah dong ka urang kam lo tangaoh ba drei tame bhap bini, ba bruk ngak ka nyaom. Nyaom hu jiak 100 urang, min yaok mbang nao parang main di angaok jalan ye hu meng 3 tal 7 urang min,  dok veik dom urang karei dok di sang padeih padei song pasram megru. Amuk Thảo jeng lac urang duy nhất dalam nyaom pang hu saong ndom hu, song meng lavik ye, muk mong dom urang dalam nyaom yau anek di drei. Amuk caik abih tuk vak di drei piah lang kadha doh tapa ngôn ngữ ký hiệu song pasram biểu diễn hong nyaom. Muk khan lac

Băng 22s:“ Hulin sahaneng lac, drei panG nhạc hu, dom adei oh panG hu ye nyu mong mboh ngôn ngữ tamia.Doh meng ngôn ngữ ký hiệu ye nyu meda mboh hatai nyu chreih chrai tagok, meng nan hulin roh duah dom kadha doh piah pasram ka dom adei. Dom adei rilo meng lac uranaih lang thang, oh hu bac megru tal labik tal dhua,  bruk thau ka  ngôn ngữ biak yếu, yau nan ye rilo tuk dom adei tamia suan.

Kan kandah yau nan, min meng kham merat pasram megru, nan ye dom urang dalam nyaom livik  lavik harei jeng thau cambaih. Meng nan, nyaom nao parang main di grauk labik song taduan hu rilo panuac pok meyaom. Tuk hu rilo urang mong, mboh urang takre, nyaom parang main 4 tuk gam oh thau gleih glar. Tuk hu urang padeih takai mong iek, atau pah tangin pok meyaom, dom urang dalam nyaom mek tangin hanuak kacao veik yar tagok anak cambuai bloh peih tabiak anak mbaok, plak tangin pandang tabiak song kuk  rup trun salih ka panuac dar phol.

Bruk parang main meng ngôn ngữ ký hiệu oh lac ngak bui sambai ka dom urang kam lo tangaoh bo dok ngak megei hatai menuac sia. Oh daoh hu meng sap meng panuac, min dom cử chỉ dáng điệu, biểu cảm di nyaom taduan hu biak rilo bruk đồng cảm, thấu hiểu di menuac sia. 

Voxpox 29s (nhận xét của người thưởng thức):

File(upload): Vp khan gia 29s.mp3

Băng 9s: Tuk  mboh dom urang tangaoh kamlo parang main ye urang hu ba mai ka drei bruk lạc quan, hatai jia tame rai duik. Urang oh lành lặn, min ngak ka drei bui sambai
 (Băng 9s): Hulin oh thau lac urang dok menyai hagait, min tuk drei trut tanye veik. drei mboh dom động tác nan biak siam yaom lac oh thau lac ndom hagait.

(Băng 11s):  Hulin oh thau ký hiệu di dom ayhut, min hulin mboh hu hatung hatian bo dom ayhut khin ndom tagok. Dom ayhut  hu nghị lực biak praong nan lac bruk piah khol drei bac megru, biak pachreih tui bruk kham merat di dom ayhut sahabah nan.

- Nhạc nền (Ca khúc “Sống như những đóa hoa” - Tạ Quang Thắng hát / album):
Yaom lac oh patuah, oh hu rai duik yau dom urang bình thường, min dom urang di nyaomtuk halei jeng kham merat ba drei tame bhap bini, oh ngak jeng naong trak ka XH, ba mai bui sambai ka menuac sia. Mong iek dom plak tangin pasang tabiak, yar atah, hulin thau, dom  urang nan dok kham merat diukrai ka nyu hu makna tui jalan sahaneng di drei./.