Harei halei jeng yau nan, jaik 5tuk page mesup, dom ong amuk taha, dom anai di palei Bình Đức, xã Phan Hiệp, huyện Bắc Bình ba gauk nao kabak angaok jalan palei piah tập thể dục. Sa amuk taha daok caga raok sa thun bahrau mbang ka 65 di rai drei bui sambai khan lac.

Jalan ini hu meng bruk padang ngak jalan mbak nao mai tui danak dak palei pala bahrau hu karja xã Phan Hiệp peih ngak. Meng ralo phun jien karei di gauk,  xã Phan Hiệp ieu pataom hu jaik 17 tỷ đồng piah tuh bê-tông mbaok jalan saong ngak bahrau  jalan tathuak aia. Tal urak ini dom công trình ini hu ngak salh blaoh saong ba tame pandar. Ralo jalan nao mai dalam palei jeng hu tuh bê tông abih ngan haong bruk rik daong pren yava, jien padai di bhap bani. Kuhria dalam 6 bilan puac thun blaoh, tui jalan ngak lac  Karja haong bhap bani pambuak gauk ngak, xã Phan Hiệp hu ngak jaik 300 mét jalan tame palei Bình Tiến ngan haong yaom jien jaik 500 triệu đồng. Sa-ai Văn Thị Hồng Cẩm – sa urang daok pak palei Bình Tiến, xã Phan Hiệp, huyện Bắc Bình, tỉnh Bình Thuận khan lac.

Daok pak bal sit Lạc Tánh, huyện Tánh Linh, tỉnh Bình Thuận, jaik dua thun dahlau bhap bani di khu phố Cam dalam bal sit thei jeng duh hatai kayua dom canah jalan dalam bal sit tuuk halei jeng bak dhul mul dalam bilan pandiak, gluh baok dalam bilan hajan.. Tal harei ini, dahlau si yam tame thun bahrau sak Pabe, dom jalan nan hu peih prong saong hu tuh nhựa biak laneng lanoi, hacih sa-at. Hu nao mai angaok jalan bahrau hu tuh nhựa, sa-ai Thông Kèm – sa-urang daok pak palei Cam, bal sit Lạc Tánh, huyện Tánh Linh, tỉnh Bình Thuận bui sambai ndom lac.

Daok sa-ai Đồng Tâm, jeng daok pak palei Cam, bal sit Lạc Tánh daok brei thau lac:  

Jeng yau bhap bani Cam daok pak huyện Bắc Bình, huyện Tánh Linh, bhap bani Cam palei Hiệp Hoà, xã Tân Thuận, huyện Hàm Thuận Nam, tỉnh Bình Thuận jeng biak bui sambai tuk yam tame thun bahrau sak Pabe. Ralo jalan pambuak dom palei, dom tổ di xã hu padang ngak, peih prong tui jalan ngak lac “Karja haong bhap bani pambuak gauk ngak”. Ong Thông Sâm daok pak palei Cam Hiệp Hoà, xã Tân Thuận, huyện Hàm Thuận Nam brei thau.

Tal urak ini, taong abih xã, palei bhum urang Cam hu jalan tuh menyek nao tal pasak xã; dom baoh tatua tapa kraong, craoh prong đều hu tuh bê tông abih, ralo jalan nao mai dalam palei hu tuh bê tông daong ka bruk pajeng ba pandap panda kaya nong saong bruk nao mai di dom bhum palei hu mbuan lagaih jang. Taphia di nan, karja dom pakat daok sangka ngak pasiam, papraong dom  công trình thủy lợi, peih prong mblang taneh chủ động aia pruh, palagaih ka bhap bani ngak mbang, pala drak; pandar dom tiến bộ khoa học kỹ thuật tame dalam bruk ngak mbang, ngak brei patrun phun jien buh tabiak, patagok jien mek tame ka mikva . Ong Mai Sên – Akaok Ban Bangsa tỉnh Bình Thuận brei thau: Bhap bani Cam Bình Thuận urak ini rilo meng ngak padai aia, mblang taneh hu tani tanat, hu mbang tui dom kein laba meng dom công trình thủy lợi bo Karja drei buh jien tabiak ngak yau: bhum Tuy Phong hu binek sông Lòng Song saong patui veik patagok binek kavei Phan Dũng, Bắc Bình hu binek Cà Giây saong Hàm Thuận Bắc hu binek sông Quao. Njauk ndom lac bruk ngak mbang pala drak di bhap bani Cam biak tani tanat, mikva thau pandar ilamo khoa học kỹ thuật tame dalam bruk ngak mbang, pala drak, brei năng suất glaong. Nan lac jalan piah ka mikva Cam cakrok patagok.

Thun bharau daok mai tal dom palei Cam. Dom jalan nao mai dalam palei hu tuh menyek tapak, samu, laneng lanoi, pambuak pagam dom palei Cam ngak salih bahrau mbaok meta bhum taneh ini. Dom canah jalan bahrau ini daok rik daong oh takik tame bruk padang ngak palei pala bahrau di bhum palei Cam Bình Thuận./.