Pathau mikva saong taong abih gauk!

Mbang baoh kayau that saong njam patam nan lac sa jalan ngak biak siam piah daong patagok pren yava gah dalam. Min ayut thau halei oh, dom janih dalam ging sang ayut meda hu siam ka bruk iek glang kalik, một cách tự nhiên saong kein lagaih halei oh?

Menyek li-u meda pacang hu njom mbak. Menyek li-u atau bơ li-u meda ngak jeng sa janih kem dưỡng ẩm siam, pabak sa tal khik caga ka klik di ayut. Ayut mek menyek baoh bơ saong baoh mơ saong baoh bơ lai saong glycerin, hadei di nan mát xa angaok mbaok, bloh uak meng khan pandiak. Ngak yau ini nyu daong ka klik jangaih hadah chip. Lai menyek hạnh nhân saong kem Vitamin E bloh luk dahlau di tuk ndih di mbaok saong tangin di ayut. Bruk ini nyu ba mai ka ayut hu klik lamin saong đàn hồi.

Tuk cambuai thu: mek bơ trong lac janih ngak limin siam di abih urak ini hu dalam ging sang ayut. Oh hu hagait siam jang janih ini. Atau luk sa hỗn hợp ia ha-ni saong son dưỡng cambuai tagok cambuai bloh caik jaik 10 tal 15 minit. Rau hacih meng ia pandiak. Lai dom tanjaoh glycerin, ia baoh karoc aik saong menyek thầu dầu saong gauk. Luk nyu tagok cambuai di ayut saong caik nyu tapa melam.

Tuk thâm quầng meta: mek baoh tamun ia ciak candiah tauk angaok meta, ndih me-in piah daong ka dom cơ meta cadu glaih glar. Kadung tea ngak li-ar hu pandar piah ngak brei li-an meta. Janih tanin dalam tea nyu daong khik ia. Tuk kuk kieng saong akaok ta-uk nyu thâm juk, lai saradang saong ia hani bloh luk nyu yau sa janih tẩy klik, sah tame klik dua mbang sa adit. Ini lac sa jalan ngak ka klik nyu hadah jangaih. Ciak baoh kroc iak jeng dua saong sah tagok kuk kieng saong akaok ta-uk, piah ia baoh kroc daok kandaong veik tapa melam. Mesup mai ayut mboh nyu karei.

Tuk klik salih sambo, lai ia hani saong sữa tapung, ngak jeng sa hỗn hợp kapal bloh luk tagok klik, caik dalam dom minit. Piah hu siam di abih, auyt brei khik nyu angaok klik dalam tukvak suai lavik jang. Sah sa candiah baoh lahong tagok mbaok saong takuai dalam 15 minit jeng daong ka klik patrun salih sambo./.