Dong Thang bui sambai raok tet quan dan 

-Bahrau 5 thun dahlau, xã Đông Thắng daok dalam top kathaot abih di huyện Cờ Đỏ, ban Cần Thơ. Urang bhapbini 10 ấp di Đông Thắng rilo meng lac nao ngak pah atah di palei yau nan ye menuac sia takik jang rilo xã karei. Dom jalan tame palei sit, kan kandah, hajan ye gluh baok, rilo labik tapeng Kênh Đứng glut jaleih, rilo sang bhapbini oh hu menyek truac…Tuk nan, Đông Thắng hu caik angan lac xã hu rilo rilo janih oh kayua “oh hu balai y te, oh hu buu dien, oh hu darak, oh hu sang bac mẫu giáo….”, saong jeng lac xã dang akaok rilo janih di abih lac: sang taik tahak rilo abih, sang kathaot oh hu taneh rilo abih…Meng labik yau nan, Đông Thắng huyn akaok oh thau mek libik pambak halei piah ngak hu dom tiêu chí cơ bản saong kan kandah dalam danakdak padang ngak xã palei pala barau. Piah daong ka Đông Thắng yam tapa kan kandah akaok mereip, Bộ Chỉ huy quân sự ban Cần Thơ pilih ruah Đông Thắng ngak xã điểm piah nao gam jalan dalam danakdak pang dang palei pala barau saong peih mbaok meng bruk tết quân dân thun  2013.

-Thun nan, labaih 80 sang kan kandah di Đông Thắng hu raok tết bui sambai dalam baok sang barau, rilo urang amaik labaih 80 thun daok haok ia meta khan ka kol dahlak thau bruk yau ndih lipaiy. Blaoh dom  jalan rah tui Kinh Đứng hu buh jien tame ngak, puk palei dalam dom bilan hu salih ia mbaok. Bộ đội mai tanyi ravang, peih pakacah, harei pataom thể thao, mblang darak, harei daoh tamia, tanyi ravang saong rami ramik hacih saat, bah trah beir, jalan…mikva hadar hamiet saong caong bộ đội  mai palei veik…

-Kayua Yau nan ye, “Tết quân dân” thun ini mai veik Đông Thắng, mikva pak ini biak uan tabuan. Saai Dương Thị Mạnh – akaok dhar kapul urang kumei ấp Đông Thắng, xã Đông Thắng lac ấp hu tal 77% sang bhapbini Khmer, khan brei kol dahlak thau:Mikva pak ini biak chreih chrai kayua hu tết quân dân daong hu baoh sang đồng đội, baoh sang anit ranam. Urak ini mai veik tết quân dân mbang ini mboh bui sambai jang, tết dahlau baha oh ka hu pambang jang, Bộ chỉ huy Quân sự Cần Thơ daong ka ngak pambang jang, tết ini mai veik mboh lac bui sambai jang, tến thun ini Bộ chỉ huy daong veik sa baoh mblang ka baha, mikva Phật từ biak chreih chreih. Urak ini jalan mbak jeng laneng lahei praong 3 mét meteh, 4 mét hu ramik pasiam veik abih, sang danaok laneng lahei, sang kathaot dalam ấp di dahlak tok daok 5 sang tra, blaoh sang hu paga, geng menyek, phun hijao…abih xã Đông Thắng, gam huyện Cờ Đỏ tuk halei jeng chreih chrai bui sambai.  

-Tết ini nao Đông Thắng, urang hu mboh ia mbaok sa xã palei pala barau hu ngak bloh biak drak samal. Pak ini, pak daih, raidiuk chreih chrai jang, rilo sang bhapbini mai palei daok veik, beir phun, sang bac, darak palei pala tapeng dom jalan bê tông samu, tapak, sang tak tôn mong ye oh daok, baok baha Khmer ka 5 Mu ni chrăng sây di ấp Đông Thắng hu ramik pasiam,  padang ngak barau dom công trình phụ laneng lahei piah raok Phật tử… Đông Thắng hu hadah hadai sumu rilo xã palei pala barau karei di Cần Thơ saong di bhum taneran CL.

-Bộ chỉ huy quân sự ban Cần Thơ daok pilih ruah Đông Thắng lac  xã điểm peih ngak “Tết quân dân thun 2018” piah jak ba phun jien meng xã hội hóa saong rilo phun jien karei padang hu ka mikva kathoat libik ini labaih 80 baok sang barau, dalam abih tih labaih 140 baok sang dalam huyện Cờ Đỏ, dalam nan 31 baok meda ngak blaoh jao brei dahlau tết nguyên đán. Bộ đội jeng daong Đông Thắng ngak veik 2 canah jalan, ngak barau 2 mbaik tatua…piah pabak ginup abih dom jalan mbak di palei pala…

-Đại tá Nguyễn Thanh Đức – Chính ủy bộ Chỉ huy Quân sự ban Cần Thơ khan brei kol dahlak thau: Bruk di kol dahlak ba tabiak tui kadha 2018 lac tết quân dân di drei, kol dahlak caong rik daong gam saong Đông Thắng ngak hu chuẩn xã palei pala barau saong ngak hu chuẩn xã ilimo palei pala barau. Kol dahlak daok peih ngak dom bruk bui mein dalam tuk tết mai xuân tal, sangka tal bruk peih ngak sarak an sinh xã hội, thau dhar thau phor, padang dom baok sang jum pataom, sang anit ranam, sang đống đội, ngak dom jalan palei, dom mbaik tatua bê tông… mek hu chuẩn palei pala barau saong patagok tiêu chí.  

Tết quân dân Mậu Tuất 2018 jeng lac tuk Đông Thắng taduan mek angan chuẩn xã palei pala barau. Đảng ủy, karja saong mikva xã Đông Thắng tết ini bui sambai lô kayua bruk salih barau di puk palei hu tame raidiuk, oh lac hu ia mbaok bo raidiuk urang bhapbini saong bruk ngak mbang pablei salih kein laba di dom gah jeng daong dom sang bui sambai raok tết.

Amuk Lý Hồng Ngọc – Bí thư Đảng ủy xã Đông Thắng khan lac: bruk patagok jak jeng di Đông Thắng hu rik daong oh sit tui jalan siam mekre saong gam gam di Bộ chỉ huy quân sự ban Cần Thơ. Amuk brei thau: Thun ini xã Đông Thắng hu ngak blaoh taong abih 19 tiêu chí palei pala barau, dalam nan hu bruk rik daong biak rilo di Bộ chỉ huy. Abih di nyu nan lac tết quân dân thun ini karei jang duk saong mbang dahlau lac rilo bruk rah tabiak, ngak tatua, jalan jeng rilo jang…saong dom bruk ngak karei jeng rilo jang. Saong mikva di xã Đông Thắng biak chreih chrai pataom mbaok tame tết quân dân.

-Thun ini lac mbang yaka 12, Bộ chỉ huy Quân sự ban Cần Thơ peih ngak Tết Quân dân ba bộ đội mai gam mbang, gam daok gam ngak saong pataom tame daong bhapbini kathoat di dom xã kan kandah abih ngan saong rilo bruk ngak bui smabai saong bruk an sinh xã hội, rik daong rilo ka danakdak padang ngak palei pala barau di puk palei. Yaok thun, lingiu sa xã điểm pataom rilo menuac urang abih, kapul urang pan phao ndao ban Cần Thơ daok peih ngak dom bruk bui sambai tết quân dân di 4 tal 5 quận, huyện karei.

-Đông Thắng dom harei ini ndom klao bui sambai kayua tết hu bộ đội mai palei, mikva ndom biai saong gauk lac lac bộ đội daong bhapbini bruk ini bruk dhaih blaoh jak gauk nao mblang darak, mblang bingu xuân, harei pataom kaya nong hacih, baoh kayau bingi, maong dom kapul nghệ thuật bhapbini, nghệ thuật chuyên nghiệp Khmer mai parang me-in… Thoat binguk kheih mekre di bộ đội cụ Hồ dũng cảm dalam mesruh metak, kham merat dalam dak padang taneh ia harei ini tui nan mboh jaik tabhia, mboh kheih dalam hatai yaok urang bhapbini Đông Thắng, pakhang hatai jia tame Đảng, jia tame karja dalam yaok urang bhapbini./.

Thúy Linh