Gar candaih dalam tarakon nan lac sa dalam dom bala biak nguy hiểm min oh hu amaik ame  caik hatai atau gaok tuk mai klaak var.

Bruk njauk ngak tuk uranaih gar candaih dalam tarakon: Tuk ranaih gar candaih dalam tarakon, amaik ame juai mek tangin móc tarakaong ranaih. Ngak yau nan meda ngak ka candaih nan nyu nduac tame dalam jang, ngak saluah tarakon, barah tarakon, uranaih kan si luai suan jang.

 - Meyah ranaih daok tỉnh táo, oh kan luai suan, daok hia hu, ndom hu ye khik tamo tư thế daok, samar ba nao tal sang iek ruak piah ka bác sĩ pasang iek, meyah njauk candaih gar di jalan suak yava ye meda mek tabiak.

- Meyah mboh uranaih nyu tím tái, kan suak yava, padeih luai suan, oh daok hia hu, ndom hu ye hadei di tuk iew radaih cấp cứu, njauk ngak dom thủ thuật can thiệp samar chip dalam tuk daok cang radaih mai.

Hu dua thủ thuật sơ cứu samar bo urang ngak amaik ngak ame njauk thau:

1. Ngan haong uranaih umo ala 2 thun, njauk pah ka-ing kateik cada. Brei ka uranaih ndih pam trun tangin gah angin iew di urang sơ cứu, akaok laik trun ala. Njauk caik hatai khik kajap piah ka takoi saong akaok uraniah juai tuột trun. Mek akaok tangin gah hanuak pah khang 5 mbang tame ka-ing labik kreh dua talang bara di uranaih. Hadei nan tabaleik ranaih meng tangin iew tapa tangin hanuk di urang sơ cứu. Mong iek mbaok meta nyu hu hồng hào halei oh, hu luai suan, hia hu halei oh. maong cambuai uranaih iek hu candaih hagait halei oh saong mek tabiak. Meyaih candaih jeng oh ka tabiak atau uranaih jeng oh ka luai suan hu ye njauk kateik cada nyu. Mek 2 anek tangin kateik tame labik thượng vị (lac labik angaok pasak saong ala talang takoi).  Kateik khang 5 mbangmeng angaok trun ala. Maong iek uranaih luai suan veik atau hia veikhalei oh, meyah oh ka hu, njauk ngak veik yau nan mbiah tal tuk radaih cấp cứu mai. 

2. Ngan haong uranaih labaih 2 thun, meda pandar jalan ép tian, daok iew lac  jalan Heimlich. Meyah uranaih daok thau: caik ka nyu dang. Urang sơ cứu dang gah likuk atau quỳ ka-uk, choàng 2 gah tangin tabiak gah anak labik ka-ing. Sa tangin kacao veik, sa gah tangin kateik tagok tangin daok veik, caik tame labik thượng vị, ala talang ức di uranaih. Kateik khang meng ala tagok angaok 5 mbang biak khang. Meyah oh ka laik candaih tabiak ye meda ngak veik yau nan meng 6 tal 10 mbang. Meyah ranaih var drei, oh thau hagait. Caik uranaih ndih ndang. Urang sơ cứu quỳ ta-uk trun, caik dua gah takai di duah gah pha urabaih. Pal kajap tangin jeng uak, kateik tame ala talang ức di uranaih. Kateik khang meng gah ala tagok angaok 5 mbang. Meyah uraniah var drei oh daok thau hagait saong kan suak yava ye dahlau di abih njauk hà hơi bluh ngạt 2 mbang. Meyah candaih jeng oh ka tabiak, uranih jeng ka luai suan hu ye njauk gam hà hơi bluh ngạt gam mek tangin kateik, ngak tal tuk candaih laik tabiak atau uranaih hia, luai suan hu, hồng hào veik. Urang ngak amaik ngak ame njauk caik hatai, hadei di sơ cứu, meyah candaih gar dalam tarakon nyu laik tabiak,  jeng njauk ba uranaih tal sang iek ruak kiểm tra, piah caga nyu daok kandaong veik candaih. Piah plaih ka anek njauk gar candaih dalam tarakon, dom urang ngak amaik ngak ame njauk pato ka ranaih thau caik hatai sangka tuk mbang, juai ndom klao, nduac chat, ndih mbang, saong tuk halei jeng caik hatai tal uranaih. Juai caik ka uranaih mek pandap mbang tuk oh ka hu mbaok amaik ame./.