Duah jien tỷ meng ngak dich vu saong trang trai

Pathau mikva urang ngak nong : saai Đạo Thanh Thích lac sa dalam dom urang ngak nong naih gheih dalam bruk ngak mbang, pablei salih di huyện Ninh Hải, tỉnh Ninh Thuận. Kadha “ urang ngak hamu caong thau” harei ini hu kadha vak khan tal mikva jalan ngak mbang hu kein laba di saai Đạo Thanh Thích.  

Saai Đạo Thanh Thích lac sa dalam dom urang nong akaok mereip di palei Pablap - Phước Nhơn , huyện Ninh Hải, tỉnh Ninh Thuận blei mac li ua MTZ ngak dịch vụ li ua taneh ka mikva dalam palei. Maong mboh bruk li ua taneh meng mac li-ua dak harei dak glaong, saai Đạo Thanh Thích buh jien tabiak blei sruh mac li ua MTZ ka dua yaom 12 triệu đồng. Peih bruk ngak mbang meng dua sruh mac li ua kayua Liên Xô (klak ) ngak tabiak tapa rilo thun pandar, saai khang hatai salih barau công nghệ tapa pandar jamriak di Nhật Bản. Urak ini, saai Thích hu 3 sruh radaih li ua, sa sruh radaih yuak - jan liên hợp, 1 sruh cuộn pông barau yaom labaih 1 tỷ đồng, gam duh ka bruk ngak mbang di sang, gam ngak pah ka urang nong dalam palei.

Hu jien, saai buh tame ngak kinh tế trang trại praong 18ha di sang angaok bhum taneh Đồng Rẫy. Saai Thích brei thau, mblang atneh ini kayua ong muk talei pajaih caik veik, dahlau thiah pala njam patam mbang ia lingik, pala drak sa vụ bấp bênh. Hadei di tuk ngak mbang patak pataom hu jien, saai brei caoh ribong “ba ia tame ngak hamu” meng hệ thống thủy lợi kênh Bắc tame danao, pandar  môtơ điện  bơm ia pruh pala 3 vụ/sa thun. Dalam nan, hu 9ha hamu padai ngak tui jalan “1 njauk, 5 trun” drak dom pajaih TH 6, TH 41 hu  năng suất 6-7 tấn/sa ha/sa vụ, sản lượng hu 180 tấn/sa thun. Tok kuhria  jien mek tame meng hamu padai, saai laba hu jaik 500 triệu đồng/sa thun.

Daok veik 8ha pala njam saong 1ha pala hareik pabak pandap mbang hijao ka 250 drei pabo saoong 65 drei limo. Piah khik caga pandap mbang ka tapol athur, saai Thích hu dak padang baoh sang tiền chế praong 120m2 ngak labik caik jaik 40 tấn pong. Meng pong di hamu saong blei pabak tame, pandar may cuộn pong pajeng mai trang trại. Saai ủ pong tagok men vi sinh pabak pandap mbang ka athur tui jalan bán thâm canh.

Jalan ngak mbang trang trại pala drak, raong glang hu kein laba glaong di saai Đạo Thanh Thích yaok thun laba hu labaih 900 triệu đồng./.   

Thúy Linh