# Kayua halei ba tal uranaih ruak pandiak:

-Nhiễm trùng: Ralo ruak pandiak nan kayua nhiễm trùng atau ruak karei ba mai. Pandiak sốt dalam rup piah pacang bruk nhiem trùng tui jalan pacang caga meng rup eng.

- Klauk jru caga ruak: 

          - Anek kuman saong uranaih sit bhian pandiak hadei klau jru caga ruak.

          Angui cuh rilo tal khan ao: uranaih, abih di nyu nan lac kuman, mbuan pandiak meyah papaok sir lo atau daok labik pandiak. Kayua dom anek kuman oh ka ngak randap sumu thân nhiệt.

-Tamuh tagei meda ngak pandiak, min hanjol. Meyah rup kuman glaong jang 37,8 độ C ye oh njauk kayua tamuh tagei.

          Dom ruak karei ba tal pandiak sốt nan lac sa dalam dom ruak kan kandah  yau  ye: viêm phổi, la-ar dom, pandiak tabiak darak, viêm màng não, viêm não nhiễm khuẩn darah…Uranaih bhian pandiak glaong saong mboh glaih glar saong la-ar  tabiak darak, dang dui, glaoh ta-ok, kan yuak suan yawa, ndih rilo atau ndih var oh thau drei jan…mbuan ba tal metai meyah oh thau samar jeng yau iek ruak chip.

Tuk uranaih pandiak:

-         Rup pabhap pandiak rilo jang

-         Uraniah hia, mbuan ginaong hanaok

-         Glaih glar

-         Kan suak suan yawa

-         Ndih var

-         Tuk mboh uranaih  yau angaok ini, dom urang amaik ame brei dut nhiệt độ rúp pabhap. Tuk nan dut iek mboh rup pandiak glaong 37 độ C.

Sangka iek ruak ka uranaih tuk pandiak di sang:

Tuk mboh uranaih pandiak, amaik ame brei peih mền phui, khan ao, brei ka naek cuh ao laneng lanoi piah rup pabhap trun pandiak.

Brei ka uranaih menyum rilo ia kayua pandiak ngak ka uranaih lahik ia dalam rup, ndih padeih padei labik lahei, dut iek nhiệt độ rup pabhap 4 tuk tha mbang.

Brei uranaih menyum jru ladam pandiak tuk pandiak glaong 39 độ C, brei menyum jru Paracetamol…jru ini mbuan menyum, samar trun pandiak, bhian ladam pandiak trun dalam 30 phút hadei tuk pandar saong dui atah meng 4 tal 6 tuk, takik tamuh ruak karei. Brei ka uranaih menyum tui tacei pato meng 10-15mg tui sa kilo rup uranaih dalam sa mbang, yaok mbang menyum atah di gauk 4 tuk, meyah uranaih daok pandika brei menyum mẻng tal 4mbang dalam sa harei , kuhria taong abih oh tapa 60mg sa kilo sa harei.

Amaik ame brei caik mat uaranih umo 6 bilan tal 5 thun pandiak glaong ba tal dang dui, handaok , njauk brei ngak ladam pandiak chip.

Uak rup ka uranaih meng ia am abih di nyu nan lac uranaih mbuan handaok kayua pandiak glaong yau ala ini:

          Suak khan ao ka uranaih, pandar 5 blah siuk sit njuk tame ia am, tuak dua gah pa-ak, dua paplak bha, sa blah tra uak rup pabhap ka uranaih. Ia am papar lahei ngak ladu mach darah brei uranaih la-ar. Brei ngak patui nan tal tuk rup uranaih gilac veik nhiệt độ 37 độ C. Bhian di nyu nhiệt độ trun dalam meng 30 tal 45 phut.

          Meyah uranaih hia saong oh brei tauk siuk la-ar, brei daok anek dalam thol ia am, pandar siuk uak rup, uak ala pa-ak, dua gah plak pha.

Dom kadha njauk plaik njiak tuk uranaih pandiak:

Oh ủ ấm, juai cuh rilo tal ao tuk uranaih pandiak sốt

Oh pandar ia la-ar uak ka uranaih

Juai hlai alak, cồn atau dấm tame ia uak ka uranaih. Juai pandar jru Aspirin menyum ladam pandiak mbuan ba tal ruak glo akaok uranaih.

          Meyah uranaih hu menyum jru trun panmdiak, brei uak la-ar…bo uranaih oh trun pandiak, amaik ame brei ba uranaih tame labik y tế taphia nan piah iek ruak ka samar. 

Brei ba uranaih nao iek ruak:

Anek kuman umo ala 6 bilan pandiak glaong 37,5 độ C, daok uranaih praong jang ye thân nhiệt meng 38,5 độ C tagok.

Pandiak biar jang 38,5 độ C min dui lavik harei

Pandiak tagok trun oh dang page karei, pandiak, biar harei, melam

Daok ruak bo nhiệt tagok

Daok ruak bo nhiệt độ rup la-ar ala 36,5 độ C

Brei menyum jru trun pandiak tui tacei pato di gru jru blaoh min pandiak oh trun

Pandiak nan lac ruak tuk rup pabhap nhiễm khuẩn, yau nan ye bruk sangka siam ka uranaih tuk mboh pandiak lac bruk praong. Patui di nan, duah thau meng halei ba tal pandiak sốt saong jalan iek ruak sumu hu siam di abih./.