Duh hatai akaok thun bac barau

*****

Palei Caoh Tih - Thành Tín, xã Phước Hải hu labaih 800 sang urang Cam,  diukrai meng bruk ngak padai. Thun ini, kayua pandiak bhang dui atah yau nan ye njauk padeih pala drak, mùa vụ lahik, jien caga ka anek tame thun bac barau di rilo sang pak ini biak kan kandah, glaih glan. Sang halei hu rilo anek nao bac dak kan kandah rilo jang. Rilo sang oh ginup jien njauk nao nyim sraiy dahlau di urang blei padai piah brei ka anek nao bac, tal tuk yuak meng bayar laba tame jien pablei padai. Pagap yau sang ong Châu Tím, thun bac ini hu 2 urang anek tame bac. 1 urang bac thun puac sang bac dai hoc y Can Tho, urang anek ka 2 bac thun 3 sang bac Đại học sư phạm ban raya Hồ Chí Minh. Jien bo sang sai caga brei ka 2 urang anek yam tame thun bac barau ini, lac labaih 5 trieu dong. Oh hu jalan halei karei, saai njauk nyim dahlau jien meng dom urang blei padai piah brei ka anek nao bac. Ong Tím khan lac: Thun ini jeng yam tame thun bac ka 3, sang jeng kuhria caga paok jien blei tapuk, pandap bac megru, mac vi tinh, jien sang tro, mbang menyum...dom bilan akaok mereip 2 urang anek jaik 5 trieu dong. Yaok bilan njauk payua 2 urang lac 5 trieu jien karei veik. Yaok bilan njauk nao nyim jien barau, tal tuk yuak padai bayan bala ka urang, rilo mikva mikva jeng yau nan min. Pak ini jeng hu dankadak mesiay sinh vien, min jien mesriya nen piah kak jien bac, daok jien blei pandap njauk nao nyim " 

Nan lac dom sang hu taneh pala drak, daok dom sang oh pala drak hu ye yaok tuk yam tame thun bac barau dak kan kandah jang, duh hatai jang. Yau sa-ai Kiều Thị Thổi, thun bac ini, saai njauk kuhria ka 5 urang kamuan nao bac. Yau nan ye akaok thun bac ini, saai njauk caga tapuk katap barau, blei pandap bac, jhik khan ao, đóng dom janih jien kayua sang bac quy dinh. Min, meng paok jien duah hu meng bruk nao buac hareik pah di saai ye ini lac sa naong trak. Saai Thổi brei thau: "Thun ini hu dua urang anek bac pakat 2 saong 3 urang taco bac pakat 1, oh ka hu jien bo kuhria caga. Tukvak ini nan lac daok blei tapuk, tal harei 10, 15 tay lac meng hu jien blei cap; bo tal dom taco tame bac lac drei duah jien nap jien bac, tal halei lo tal nan min, oh hu jien caik dahlau kayua nao ngak pah"

Dreih yau sang saai Thổi, sang Ông Lưu Quang Kiệt, daok di palei Hiếu lễ xã Phước Hậu, huyện Ninh Phước hu sa urang anek likei thun ini lac thun akaok mereip yam tame sang bac Đại học. Kayua bac atah di sang saong lac pakat đại học nan ye sang ong njauk kuhria caga rilo jien jang brei ka anek nao bac. Dalam tuk nan, jien mek tame di sang ong tok maong tame dom sào hamu, min urak ini jeng oh ka yuak hu, barau hu 2 bilan, ong daok duh hatai oh thau duah halei hu jien ka anek tagok jalan nao bac di tukvak jaik tal. Ong Kiet ndom lac " 15 tay ini dom urang nek yaom tame thun bac barau, amaik ame jeng lo ka dom anek ye ao khan, tapuk, jien bac ini thiah, ndom biak nao biak kan kandha. Jien sa urang blei khan ao min abih 1 trieu paje, ao khan, jien bac, kuhria saoh min jeng jaik 3 trieu paje. Lo ka raidiuk jeng kan kandah paje, daok bruk bac di anek ngak habal lo abih ini"

Bruk duh hatai akaok thun bac barau di ong Kiệt, saai Thổi, ông Tím jeng lac bruk duh hatai di rilo sang urang Cam di tinh Ninh Thuan. Thun ini, Ninh thuan jeng gaok tua riya khang nan ye bruk ngak mbang kinh te di rilo mikva pak ini jeng gaok kan kandah rilo jang. Rilo amaik ame daok pandik akaok haong dom bruk duh hatai ka dom paok jien akaok thun bac di dom urang anek./.