Hadei di tuk rah tabiak bruk ikan metai, Thủ tướng rajaei Nguyễn Xuân Phúc khang hatai tacei pato dom mintri, dom gah, dom tỉnh duah thau cambaih makna saong peih ngak dom jalan siam lagaih piah dong ka urang gaok bala. Thủ tướng brei Phó Thủ tướng Trịnh Đình Dũng nao tui iek tapak dom tỉnh gaok bala. Hadei di tuk pang karja dom tỉnh pathau khan bruk khat lihik. Phaok Thủ tướng Trịnh Đình Dũng ndom lac, hatai caong di mik va lac biak njauk. Phaok thủ tướng klah rabha dom kan kandah di mik va urang taong chap ikan, payua panuac tangi sua di rajaei tal mik va bhum tapen tasikdom tỉnh gah kreik negar. . Phó Thủ tướng Trịnh Đình Dũng ndom lac, rajaei ngak abih drei piah khik caga môi trường tasik, tani tanat rai duik di bhap bini. 

Tong abih om cong khin di mik va biak njauk. Trách nhiệm di karja, di dom pakat lac brei samar pabak pabak hu. Thủ tướng rajaei pandar dom mintri, dom mban, dom gah pataom tame, meyah  oh ngak  hu brei daa dom urang ilamu negar langiu tame duah thau cambaih laih.

Thủ tướng Nguyễn Xuân Phúc song urang pan akaok dom mintri, dom gah di TƯ hu ngak bruk song urang pan akaok dom tỉnh gah kreik negar piah duah jalan pasiam bruk ikan metai. Thủ tướng tacei dom mintri, dom gah, dom tỉnh pataom tame dong ka urang tong ikan, khik caga rai duik siam mekre ka bhap bini di anak meta song suai lavik.

Ban sit Đà Nẵng, labik hu angan lac “ Ban njauk daok” , tok sa harei hadei di tuk mboh ikan metai di takai tasik, karja song gah chức năng samar mek mẫu ia nao dut iek. Tapa nan mboh lac, dom chỉ số ka môi trường dok dalam tanut brei adat, khik hu siam mekre dom bruk main thể thao ala ia. Piah brei mboh lac tasik Đà Nẵng siam mekre, rilo urang dang akaok ban song dom sở, dom mban, dom gah jak gauk nao menei ia tasik, mbang ikan tasik. Ini lac sa bruk oh hagait praong dalam dalam rai duik, min dalam tuk vak nan, bruk hu mbaok di dom urang dang akaok ban Đà Nẵng ngan song dom bruk yau nan, nyu hu pren pambak prong. Tapa nan, ban Đà Nẵng khin payua nao sa kadha lac “ Tasik di labik ni jeng daok khik hu siam mekre” . Saai Bùi Thị Thu Hiền, palei di tỉnh Quảng Trị tame ban Đà Nẵng me-in dalam dom harei padeih lễ brei thau:

Tuk camereip tame ni jeng mboh huac meng bruk ikan metai di langiu Quảng Trị. Min hadei di tuk dok di labik ni dom harei adei mboh sahnang hatai. Kayua lac, karja labik ini hu khan brei thau cambaih ka bruk an toàn jang yau bruk khik caga môi trường di labik ni, nan ye adei mboh sahnang hatai.

Dom bruk ngak drah samar di karja song dom gah chức năng di ban Đà Nẵng dong ngak sahanang hatai  bhap bini song tuai damuai. Tui kuhria di gah ilamu Thể thao song du lịch ban, yaom lac hu bruk ikan metai, min tuai damuai mai rivang ban Đà Nẵng oh takik jang hadom. Tuai mai tal ban ĐN dalam dom harei lễ tui kuhria labaih 224.000 urang.  Dalam nan, njauk sangka lac tuai dunya labaih 44.000 urang, rilo jang 25% dut song lễ thun dahlau. Ong Trần Chí Cường, Phó Giám đốc Sở ilamu  Thể thao song Du lịch ban  Đà Nẵng brei thau: 

 Urak ni, urang dang akaok ban daok tacei pato brei  tui iek catang piah khik thau lac ia hu chỉ số siam mekre halei oh, pasang eik catang dom labik ba kaya ikan tame pablei di ban. Hu panuac kakei dom nhà hàng blei kaya ikan hu asal cambaih laih, khik hacih saat pandap mbang ka bhap bini song tuai damuai .

Bruk drah samar  di dom pakat karja  hu dong ka urang tong ikan yam tapa kan kandah. Dom harei tapa, takai tasik tỉnh Quảng Bình daok hu rilo tuai menei ia veik. Bhap bini song tuai damuai daok nao tal dom nhà hàng tapen tasik piah mbang kaya ikan. Lingiu bruk kham merat khik caga tasik, khik caga siam mekre ka bhap bini song tuai damuai, Karja tỉnh Quảng Bình daok hu dong ka urang tong ikan. UB bhap bini it3nh Quảng Bình song dom huyện, thị, ban sit dalam tỉnh hu dong jiak 730 tấn brah brei ka urang tong ikan daok di dom xã tapen tasik kayua padeih bruk tong chap kaya ikan. Rilo jabat, đơn vị, dom pakat kapul nyaom dalam tỉnh peih bruk rik dong ka mik va.

Tasik gah kreik negar daok hajao veik. Riyak daok paoh tame takai tasik ba tui dom anit ranam. Sa bruk anit ranam ndung bak mbak carak di tasik praong./.