Hu dom pluh thun kak kajap song darak Phiên Cam Lộ, ong Phan Thỏn, umo 70 thun, dok di  khu phố Nghĩa Hy, huyện Cam Lộ, tỉnh Quảng Trị hu rilo kỷ niệm siam ka nyaom darak palei biak karei ni. Meng tuk dok sit, ong hu amaik, hu dom anai caik dalam thúng naong nao darak phiên. Prong tagok, yaom lac nao di labik halei ong jeng khin mai palei, medeih biak avar piah nao darak pasa Puac thun. Meng saboh avar, darak pasa hu rilo urang pablei salih. Piah hu mbaok di darak tuk saboh mesup, urang daok atah kuhria caga pandap panda mai darak pasa meng beir harei atau melam harei dahlau. Lac nyaom darak palei min di labik ni hu ginup dom janih pandap panda, rilo di abih lac kaya nong, kayua urang nong di rilo bhum palei karei ba mai. Ong Thòn khan lac: Darak pasa Tết biak bui sambai. Dom janih bingu, boh kayau, patei biak siam. Hulin bahrau blei pandap bloh, bahrau hu mong iek dom gheih mekre di darak Phiên 

Darak Phiên Cam Lộ dahlau deih hu mong yau sa  Tiểu Trường An. Darak hu padang meng thun 1621, ni lac pasak pablei salih prong abih di bhum taneh  Thuận Hóa meng bhap 17, 18. Tuk nan Darak Phiên lac darak “ dunya”, gah ala hu kraong, hu ghe, sa darak pasa meng Cửa Việt tagok darak  Phiên Cam Lộ nao tapak Lào. Darak pasa nội địa hu ngak jeng labik pambuak bruk piah darak Phiên jeng labik trung gian di 2 cửa khẩu lac Cửa Việt song Lao Bảo urak ni. Tuk nan, urang kamei nao darak Phiên bhian cuk aow atah, gam mekre gam ndung bak ilamu di urang blei song urang pablei, nao pasa dreih yau nao rija roya.

Labik darak pasa hu angan je ni hu ginup janih pandap mbang di yaok bhum palei dok jiak tapen yau ndual bài thơ, gia vị, jru Lô... di palei  Huế; saradang phèn, saradang  phổi... di palei Quảng; gaok haluk, pandap đan lát, trầm hương, kubao, limo,, menuk, pabui ...di palei karei ba mai. Darak Phiên jeng hu sa saman raok kapan pablei salih di Nhật, Trung Quốc, Bồ Đào Nha, Tây Ban Nha... tame Cửa Việt piah tagok ini pablei salih.

Urak ni, darak jeng daok nyaom yaok harei min urang halei khin mong atau khin blei pandap brei palih ruah 6 harei pasa Phiên piah nao. Nan lac dom harei 3 bingun, 8 bingun, 13 bingun, 18 bingun, 23 , song 28 bingun tui saka bilan yaok bilan. Tame dom harei ni, darak Phiên hu ginup pandap panda di bhum ceik car, bhum taneran song pandap panda hu rilo jang dom pluh mbang dut song yaok harei. Tui ong  Thái Tăng Tùng, Phó Ban khik ramik darak  phiên Cam Lộ, tỉnh Quảng Trị, nyaom darak Puac thun nyaom di harei 28 bingun Tết, oh lac dui pachreih rilo urang dalam huyện, dalam tỉnh bo daok hu rilo menuac meng dom tỉnh  Quảng Bình, Thừa Thiên Huế... ba gauk mai bui sambai yau harei rija. 

Piah palagaih ka bruk pablei salih dalam nyaom darak pasa 28 bingun Tết, Mban khik ramik darak pasa hu rami ramik tani tanat dom labik pablei pandap ka nyu lagaih, dom lô quầy song labik pablei salih pandap panda piah nyaom darak pasa hu rah tabiak dalam siam merke./.