Tui ilamu meng kan mai di urang Tày Khao, Lễ hội lisei bahrau piah bayar dhar phor dom po Yang hu daong ka sa thun ngin siam hajan lageih, pala drak njauk, saong piah khan brei ka ong kaok ong kei thau lac tamat bilan yuak kuak mek hu ralo padai brah dalam thun.

Dalam lễ hội Lisei bahru, lingiu dom janih pandap dalam sa thun pala drak, raong glang, Cốm lac janih pandap oh kurang hu dalam talam salao lisei pok paling langik tasik taneh riya, dom po yang po bhang. Piah hu dom asar cỐm pahe bingi pok paling lingik tasik, ong kaok ong kei, urang  Tày Khao tam janih padai bingi di palei bo mikva pak ini iew lac Khấu Cải. Tuk padai tabiak asar khang ye hu yuak ba mai sang hana tasak dalam ghing apui, hadei di nan ba nao thaok, harien jeng dom asal cốm pahe bingi. Sa-ai Hà Thị Chi daok di palei Khe Tràm, xã Đông Cuông khan ka ilamo ngak cốm di bhap bani labik ini haong tuai damuai: Nyu daok hijao yau ini drei yuak mai tuk hana tagok ngak cốm  meng hijao bingi saong dẻo. Meyah drei caik ka nyu taha ralo ye ngak cốm nyu  hu sambo kanyik katam saong oh dẻo pahe hu”.

Lễ hội Lisei bahrau rah tabiak dalam mblang bein đền Đông Cuông, palei Bến Đền, xã Đông Cuông, huyện Văn Yên, tỉnh Yên Bái. Ini lac baoh đền kakuh Mẫu Đệ nhị Thượng Ngàn saong dom anh hùng urang bangsa takik dalam mbang mesruh metak pacang cakak kol Nguyên Mông saman patao Trần. Dalam Lễ hội daok rah tabiak adat hiến sinh biak ginreih. Kubao juk hu thik rilo piah payak lin. 

Tui ilamu meng kan, thun halei Lễ hội lisei bahrau jeng hu peih ngak, min bruk chreih chai di bhap bani dalam palei ngan haong Lễ hội jeng pambak tame bruk ngak mbang pala drak dalam thun. Ong Hà Văn Giấy, Thủ nhang đền Đông Cuông brei thau: “Thun ini, dut haong dom thun dahlau ye angin siam hajan laghaih, pala drak njauk, hu ralo padai brah ye cốm pok paling yang jeng ralo jang. Lễ hội jeng  bui sambai, hu tuai damuai ralo jang”.

Pak Đền Đông Cuông sa thun hu dua hội praong. Meyah lễ hội dalam harei Mão akaok meti dalam thun hu makna lac likau ka hajan siam ngin lagaih, pala drak njauk, manuac urang jap karo sang sang khang kadang. Ye Lễ hội Lisei bahrau dalam harei Mão akaok meti di bilan 9 saka aia bulan nyu hu nakna lac pataom iek veik sa thun ngak mbang, pala drak haong langik tasik taneh riya, po yang po mebhang. Saong daok lac tukvak piah ka bhap bani taom gaok gauk, bac megru ilamu dalam bruk ngak mbang pala drak saong pato tacei anek taco khik ramik saong patagok ilamo meng kan di urang Tày Khao… Ong Nguyễn Thành Nam, Phaok Akaok Ủy ban bhap bani xã Đông Cuông, huyện Văn Yên, tỉnh Yên Bái daok brei thau lac: “Ini jeng lac tukvak piah ka dom puk palei, ban tổ chức Nyaom pakacah gheih tangin ngak cốm, sa ilamo biak mekre di xã Đông Cuông. Saong piah daong ka bhap bani jhul khang bruk ngak mbang pala drak”.

Lingiu dom adat cambat tanarakun meng kan, Lễ hội Lisei bahrau đền Đông Cuông thun 2015 daok hu dom danak dak ilamo, daoh tamia, njaom pakacah ngak cốm saong harei pataom ginuh kubao…