Gheih mekre phien darak San Thàng Lai Châu
  
# Pathau mikva saong grauk yut ! hu taong yaom lac phien darak daok khik hu rilo bruk gheih mekre mengkan di phien darak bhum glaong, darak San Thàng, ban sit Lai Châu dom harei jaik si tết dak rilo menuac jang, chreih bui jang. Mai phien darak jaik si tet, urang yau hu ba drei tame sa rija roya di bhapbini dom bangsa dalam bhum. 

-Darak phien San Thàng, ban sit Lai Chau nyaom di harei jip saong adit yaok adit. Ini lac libik taom gaok, pablei salih pandap panda di mikva dom xã, phường dalam ban sit Lai Châu saong huyen Tam Đường. Meng pagiay hadah, yaok rabau urang cuk ngui khan ao mengkan di bangsa Mông, Dao, Thái tuh mai darak. Mikva nao darak, hu urang tok maong atau piah taom gaok yut sahabat, hu urang nao blei, hu urang ba dom kaya nong di sang piah pablei. Pandap tết bo mikva ba nao pablei di phien darak ini biak rilo janih, meng brah, hala dong tapaok har, baok kayau, tal khan ao di dom bangsa…Mai phien darak ini, yaok urang meda blei ginup ka sang drei meng pandap mbang menyum tal pandap pandar dalam dom harei tết. 

Ngan saong mikva bhum glaong, hu nao drak tết lac bruk maong akaok tuk tết mai xuân tal. Mai pak ini, dom urang nan oh lac maong darak, blei pandap tết bo urang daok hu taom gaok ayut sahabat hadei dom harei, bilan ngak mbang glaih glan. Ông Hầu A Sình, bản Lao Tỷ Phùng, xã Nùng Nàng, huyện Tam Đường, tỉnh Lai Châu brei thau : harei ini nao darak mboh bui sambai rilo, thun ini ngak mbang jeng hu jien nan ye nao darak mboh biak bui sambai yau ini tapa thun kham merat rilo jang veik” 

-Darak phiên San Thàng puac thun nyaom tal jala meng padeih, kayua thei jeng caong daok veik piah ndom puac dom dalikan, piah blei pandap mbang tết. Hadei phiên darak, thei thei jeng chreih chrai, caong khin thun barau kham merat ngak mbang piha hu mbang tết ginup meda jang./.