-Di kreh phố huyên daok di jalan patagok, oh kan piah maong tabiak baoh sang hu ngak meng haluk trình tường di sang ông Phan Ngọc Sinh daok di palei Đồng Thanh, xã Hoành Mô. Ini lac baoh sang karei di abih dalam 10 baoh sang mengkan di bangsa Tày daok hu khik ramik di palei Đồng thanh. Saong jia lac, dalam baoh sang meng haluk trình tường nan oh kurang hu ging apui mengkan di urang Tày.

-Ông Phan Ngọc Sinh brei thau, ngan saong bhapbini dom bangsa bhum glaong, dalah apui dalam baoh sang ging oh lac brei mboh ka bruk diukra bo daok brei thau bruk pacang caga khang kadang di anek menuac haong lingik tasik kan kandah. Ong lac: “angaok ini lac bhum ceik, bilan la ar bhian ba gauk daok tabhia ging apui . Uranaih, urang taha, tuk halei trun tal 7 tal 8 độ, lac luac harei daok vil val dalam sang. Hu thun halei la ar, gam jakhang apui, gam tuk bánh chưng, daok taphia ging pataom ginup anek taco, adei saai”

-Ging apui mengkan di urang Tày hu ngak meng dom janih mbuan duah yau ye: kiak, trát meng haluk mịn oh meluk randaih saong bhian hu sa tal nan ye dang tuk halei jeng bhong, hơi pandao khik hu livik. Ging hu ging praong saong ging sit. Ging praong bhian hu trát sir tagok tal gaok aatu chảo, biak praong piah riak haleik ka pabui atau ngak alak. Ging sit bhian piah ngak bu, ngak huak jeng hu ngak meng kiak trát haluk atau salih meng kiềng klau takai.

-Ông La Sìu Quang, daok di Bình Đẳng, ban sit Bình Liêu, brei thau: meng rai dom ông amuk jeng ngak yau nan, tal rai anek taco jeng ngak yau nan. Oh salih hagaiyt barau. Njauk ngak tui mangkan di bangsa Tày drei saong ngak yau nan min.

- Ông La Sìu Quang khan lac, ging apui di urang bhum glaong tuk halei jeng hu caik di labik praong. Ging apui yaom lac sit sot, min ndung bak dalam nyu suan thap raidiuk saong ilimo mengkan kheih mekre di urang bhum glaong, yau nan ye ging apui hu tuk bui sambai, hu tuk duh hatai. Kayua yau nan ye, ông tuk halei jeng pato anek taco dalam sang njauk khik bruk mengkan di ông amuk ông kei drei.

-Urang Tày di Bình Liêu jia lac, tuk halei jeng hu sa urang pô ging apui. Yau nan ye, tabhia ging prong tuk halei jeng caik sa mbaik krem, maong ini lac libik daok di urang pô ging apui dalam sang. Pô ini meda khik ka apui oh tuk halei padam, ba mai patoah jamo saong haniem phuan ka sang.

-Yau nan ye, di harei sa bingun, harei ia bulan bak baoh, harei tet atau hu bruk hagait pambuak tal baoh ging, urang bhian cuh gilau paling yang ging. Melam 30 saong dah page harei sa bingun tết, dom sang bhian paling yang ging meng dom pandap ye: ralo, ahan, alak. Hu sang paling yang hu pabak ikan piah caong ka pô ging apui khik pandao ( ấm) apui patoah jamo ka sang, ka but pajaih.

-Urang Tày hu quy định karei dalam bruk caik libik ging apui. Ging apui oh tui gah bhan thờ ông amuk ông kei bo bhian caik samu sang ging. Ging di urang Tày lac labik gireih saong bhien pambuak pagam saong rilo adat kiêng kỵ.

-bruk ngak ging apui jeng biak caik hatai sangka, oh caik gaok tal pô yang, po sang njauk pilih ruah hu harei siam, bilan siam piah ngak ging. Bhian dom harei lẻ, bilan chẵn saong harei chẵn, bilan lẻ saka ia bilan lac dom harei meda ngak ging atau ramik pasiam, min harei siam abih lac harei 30 bingun tết tuk Pô ging tagok lingik pathau khan Ngọc Hoàng./.