Mai tal bhum urang bangsa Mông, meyah kol drei caik hatai hasit tal dua gah tanye di dom uranaih kamei ye gah ala tanye di uranaih halei jeng hu gilaong tanye. Hu uranaih daok hu merai kak kajap, hu uranaih hu cuk meng dom gu prik ngak ja pariak, ameh bo urak ini hu pablei ralo di darak. Min tuk tangi sua dom uranaih pluh tanye meng tuk halei ye dom uranaih jeng lanjah akaok, tok praong tagok meng thau. Saai Sùng Thị Mỷ daok di huyện Trạm Tấu, tỉnh Yên Bái lac sa urang yau nan:

“Tuk dahlak barau ndih tapui hu 3 harei ye may dahlak hu pluh tanye ka dahlak ye. Hadei di ini praong tagok nao bac yaom lac prik ngak meng nhôm, ban min dahlak jeng mboh takre saong bhian cuk nyu, tuk nao ngak bruk ye taok tabiak klah ka nyu tavak”. 

Oh caong kaya meda, gaok tuk hu urang oh ka thau ameh, pariak nan nyu yau habar, min uranaih tuk ndih tapui tabiak meyah lac kamei, barau hu 3 harei ye hu amaik, ame pluh tanye brei kayua lac kamei brei cuk prik.

“Urang kamei bangsa Mông kol dahlak thei jeng hu gilaong tanye piah cuk prik. Prik di urang kamei Mông oh cang lac ameh atau pariak, bo  meng nhôm atau thiếc jeng hu. Meyah sang halei hu jien ye gu prik hu ngak meng pariak patih. Dahlau daih dom may, dom amaik bhian cuk prik praong, hu hình xoắn ốc, min urak ini salih karei, prik hu ngak sit  jang”.

Yau ralo urang kamei bangsa karei, urang kamei bangsa Mông meng dom may, dom amaik tal dom uranaih kamei angaok tanye jeng hu gu prik. Kayua rai diuk kan kandah meng tuk daok sit nan ye dom uranaih kamei tuk praong tagok jeng oh ndok cuk prik meng ameh bo tok di lac dom gu prik ngak meng nhôm, thiếc atau talei ban, siam jang hasit nan lac ngak meng pariak patih. Tok lac dom gu prik hình gol, hình vang, bloh hình bingu 3 cánh lượn hình xoắn ốc min hadah tagok dom bingu la bo tok dom amuk taha praong thun meng thau hu dom bingu la nan hu makna yau habar, min kol drei thau lac dom gu prik di urang kamei bangsa Mông jeng hu rup binguk di ia harei, ia bulan, lac dom yang pren khang bo urang Mông jia tui. Oh lac yau nan saoh, urang kamei bangsa Mông cuk prik bo mboh gu prik nyu hadah  nan lac dom urang hu pren yava khang kadang, tari tarieng ngak mbang.

 “Dahlak lac Sùng Thị Máy daok di tỉnh điện biên, dahlak saneng lac urang kamei Mông daok labik halei jeng cuk prik, dom gu prik praong, sit saong hu hình xoắn ốc karei di gauk. Urang kamei halei cuk prik iek mboh siam jang, mekre jang”.

Gu prik atau kong pariak oh lac pandap ngak brei siam binai ka urang kamei bangsa mông bo nyu daok yau sa pandap pacang khik rup biak siam. Ngan saong urang mông, trang sức meng kan bhian lac pariak patih, nyu pacang hu ngin jhak, khik caga pren yava. Meyah gu prik atau baoh kong pariak cuk angaok rup bo tuk halei jeng hadah tanjak nan lac urang hu pren yava khang kadang, daok mboh gu prik, atau baoh kong salih tapa sambo đục atau xám nan lac pren yava oh siam. 

Tok lac dom gu prik sit sot, min ngan saong urang kamei bangsa mông, ini lac pandap cuk oh kurang hu dalam dom harei rija, roya atau yaok var darak ngak ka urang kumei mboh mekre jang. Pandap cuk nan daok brei mboh bruk gheih tangin di dom urang jang ngak tabiak dom gu prik hu pambuak pagam rai diuk ilamu saong alam lingik tasik./.