Hatai di urang jak ba padang ngak labaih 50 mbaik tatua bê tông palei pala

     Dalam tuk nao tal  xã Phú Tân, huyện Châu Thành, tỉnh Sóc Trăng, kol dahlak mboh cambaih bruk salih barau di bhum palei hu rilo bhapbini bangsa Khmer diukrai ini. Taphia dom công trình praong hu karja buh jien tame ngak, lac dom công trình sit jang kayua bhapbini puk palei rik jien padai tame ngak; dalam nan, njauk ndom tal yaok pluh mbaik tatua bê tông palei pala. Urang dang tabiak ieu pataom bhapbini, jak ba urang hảo tâm padang ngak jeng dom mbaik tatua khang kajap ini lac ông Từ Đức Thành, urang hu dalam darah drei dua bangsa adei saai lac Lo saong Kh’mer, daok di ấp Phước An, xã Phú Tân, huyện Châu Thành:

       Meng mboh di anak meta dom kan akndah, glaih glan di bhapbini, anek saih bhum palei pala, bhum atah bayah daok rilo kan kandah, harei melam njauk luai ia kraong, tapa đò, tapa dom mbaik tatua kreim megei, mbuan laik trun ia, ông Từ Đức Thành sahneng duah jalan ieu pataom pren khang di rilo menuac piah padang ngak dom mbaik tatua bê tông nao mai. Ông Thành khan lac, ông hu padang tatua dalam dom thun 80 di abap dahlau. Tuk nan, piah hu jien ngak mbaik tatua akaok mereip, ông njauk pah taneh ngak padai. Hadei dua vụ pala jaik meteh hecta, ông pataom ginup jien piah blei pandap ngak tatua. Tuk tatua ngak blaoh hu ba bui sambai mai ka mikva tuk nan. Meng mbaik tatua akaok mereip nan hu peih tabiak jalan ka rilo mbaik tatua  bê tông  salih ka dom mbaik tatua kreim di bhum palei kathaot ini. Ông Thành lac : Jak gauk ngak, mboh ngak siam ye mikva jia tame saong rik daong jien padai apdang dom mbaik tatua karei. Nan ye yaok thun hu rilo tatua hu padang ngak.

            Meng kein laba mboh di anak meta di mbaik tatua akaok mereip, akaok sahaneng di mikva puk palei jeng dak harei dak salih bahrau saong rik daong jien padai, pren yava rilo jang piah ngak tatua bo oh cang jak ba. Saai Quách Vĩnh Phúc, urang hu labaih 10 thun ini mai hu mbaok tame apdang ngak dom mbaik tatua palei haong ong Thành brei thau, ini lac bruk ngak hu makna, doang ka mikva dalam phum sóc nao mai siam, yau nan ye saai tuk halei jeng rami ramik tukvak padheih padhaiy, bruk ngak di sang piah hu mbaok tame ngak : Di sang ngak puh, pala padai. Drei kham merat rami ramik tukvak piah nao ngak tatua gam saong adei saai cei wa.

Meng bruk jia tame di mikva puk palei saong urang hảo tâm, rilo thun nao grauk palei piah jak ba saong apdang ngak, urak ini hu labaih 50 mbaik tatua bê tông palei hu ông Thành saong mikva palei padang tagok. Kuhria dalam thun bloh, hu 11 mbaik tatua palei hu padang ngak, dalam tuk meng akaok thun tal ini, 6 mbaik tatua hu ngak blaoh saong 4 mbaik daok ngak. Bruk njauk ndom nan lac dom mbaik tatua ini kayua ông Thành thiết kế saong mikva rik pren tame ngak nan ye oh abih rilo jien, tok meng 30 - 50 triệu đồng.Ông Thành khan lac : Hadei di rilo kiểu tatua hu ngak bloh, mboh ngak tui kiểu tatua vil lac khang jang. Urak ini dom mbaik tatua ini jeng hu ngak tui kiểu ini abih. Tapa dut iek ye kết cấu 3 đoạn yêu jang. Pandar livik nyu bhian glut di kreh, lah tatua vil .

    Urak ini, mai dom palei di xã Phú Tân, huyện Châu Thành, tỉnh Sóc Trăng, kol dahlak mboh cambaih jang bruk salih barau di bhum palei bhapbini bangsa. Gam saong cơ sở hạ tầng kayua karja buh jien tame ngak ye : menyek, jalan, sang bac, bilai iek ruak… lac yaok pluh mbaik tatua bê tông palei nao tapa kênh rạch biak kajap piah salih ka dom mbaik tatua kreim.

      Ông Huỳnh Thái Quốc – Phó akaok uy mban bhapbini xã Phú Tân, huyện Châu Thành brei thau, dom mbaik tatua palei kayua ông Thành jak ba bhapbini padang tagok hu rik daong langyah kan kandah di mikva dalam xã nan lac bruk nao mai, taphia nan, rik pren tame bruk patagok di puk palei : Ông Từ Đức Thành dalam tukvak tapa hu rik daong, jak ba bhapbini dalam palei jeng ye dalam xã tame ngak dom mbaik tatua palei, jeng daong ka puk palei padang ngak cơ sở hạ tầng. Ông nan gam jak ba urang ngak, gam ieu pataom jien blei pandap ngak tatua. Dom mbaik tatua hu daong ka mikva nao mai mbuan lagaih, dom adei bhum atah bayah nao bac oh daok luai ia kraong, tapa ghe đò ye dahlau thiah.

       Thun ini jaik 60 thun, min ông Thành tuk halei jeng sahaneng lac, daok pren yava ye ong daok jak ba padang ngak tatua bê tông palei brei ka bhapbini Phú Tân saong dom xã jaik taphia./.

Thúy Linh