Urak ini, urang Cam daok di 17 jamah dalam bal raya Hồ Chí Minh. Bruk ngak mbang di mikva ralo meng lac lao động phổ thông, nan ye rai diuk mbang angui daok gaok ralo kan kandah. Dalam dom thun tapa, hu bruk sangka daong ba di Đảng saong Karja, rai diuk di mikva dak harei dak siam jang. Dalam dom harei bilan 5 ini, mikva Cam daok di phường 17, quận Phú Nhuận langiu di bruk ngak mbang pablei salih, kuhria ka bruk mbang ngui dalam sang, mikva daok kham merat hu mbaok tame dom bruk xã hội piah pamong tal harei menek di Wa Ho prong uranam di khaol drei. Nao rah tapa dom Jamaah Cam, khaol drei hu mboh ralo adei sa-ai kumei cuk ngui khan ao bangsa biak mekre daok pathram adaoh tamia yaok melam piah caga brei kadha “Palei Cam dhal phol Wa”. Danak dak daoh tamia ini kayua Kapul urang kamei phường 17 peih ngak. Sa-ai Saly, daok di  111/30, jalan Huỳnh Văn Bánh, phường 17, quận Phú Nhuận brei thau: Yaom lac oh hu taom gaok Wa, tok thau tal Wa tapa báo, đài, min urang Cam bal raya Hồ Chí Minh tuk halei jeng caik ka Wa hatai ranam saong iek prong Wa. Saai Saly lac.

Daok phường 13, quận 3, Bal raya Hồ Chí Minh, labik hu labaih 30 baoh sang urang Cam. Mikva hu yam tal patruh eik patrun kathaot, dalam khu phố thau anit ranam gauk, thau jum pataom daong ba gauk, siam ka dunya, mekre ka agama, tuk halei jeng bac megru saong ngak tui jalan hadah krah siam mekre di Chủ tịch Hồ Chí Minh. Tapa panuac khan,, dahlak hu taom gaok sa-ai Mari Dam, urak ini lac akaok dhar kapul urang kamei phường 13, quận 3. Yam tame baoh sang di sa-ai, dahlak mboh thaot binguk di Wa hu tual di labik glaong saong gah ala nan hu vak talei akhar lac “Miat miat thau dhal phol Wa Ho prong uranam di khaol drei”. Sa-ai Mari Dam khan lac: bruk tuan thaot binguk Wa yau kakei dahlak tuk halei jeng hadar tal dar phor di Wa brei ka taneh aia palei negar saong tuk halei jeng sahneng lac, njauk ngak tui Wa piah rik daong ka bruk dak padang rai diuk harei ini.

Urak ini rai diuk di mikva yaom lac hu siam jang dahlau, min oh ka glaong, min mikva Cam tuk halei jeng thau gul pataom sa hatung hatai tui Đảng, tui Wa Ho, oh hu thei pang tui panuac pacuh pajarak di kaol kanjah jhak piah ngak dom bruk suan adat hukum. Hu diuk rai, hu bac megru saong ngak bruk di Bal raya angan Wa, mikva Cam thei jeng hu hatai jia lac, harei hadei hu siam mekre jang.

Bilan 5 ini hadal tal Wa, hadar veik dom panuac pato di Wa ka jalan diuk rai, daok dang, Wa tuk halei jeng iek iek prong bruk: "Ndom bloh njauk ngak", yaok urang kol drei dak hadar tal Wa, dak kham merat ngak tui panuac Wa pato. Wa nan lac lãnh tụ vĩ đại, lac urang nao gam haong yaok bangsa  dalam bhap bani dom bangsa Việt Nam./.