-Bruk menuac urang xếp hàng atah cang blei sa ổ bánh mì amuk Phượng jeng bhian randap saong urang bhapbini haong tuai damuai dalam saong lingiu taneh ia tuk mai tal ban klak Hội An, tỉnh Quảng Nam. Abih di nyu nan lac, hadei di tuk bánh mì amuk Phượng hu đầu bếp angan je dunya Anthony, urang gam saong Tổng thống Obama mbang bún chả Hà Nội, ieu lac bánh mì bingi abih di dunya ye libik ini jeng sa dalam dom libik mai tal oh klak tapa hu di tuai damuai yaok mbang mai tal Hội An. Adei Trần Thị Thu Trang, sa urang tuai xếp hàng cang blei bánh mì di ini khan lac: Adei hu nao me-in Hội An biak rilo mbang paje, adei takre dom pandap mbang di nan, pagap ye mì Quảng, Cao lầu...min adei takre di abih lac bánh mì amuk Phượng. Kayua nyu biak pahe, bingi, biak đặc biệt, quán biak rilo menuac blei. Hu rilo mbang adei cang tal meteh tuk meng blei hu sa ổ bánh mì

        -Oh lac hu bánh mì amuk Phượng, Hội An daok hu rilo pandap mbang bingi hu angan yau: cao lầu, lisei menuk, hến xào, bu tangei, ahar đập, bánh mì… Dom angan hu jeng biểu tượng ka bruk mbang huak di Hội An. Tapa nan, bruk mbang huak di Hội An oh lac pachreih tuai damuai bo daok pachreih hu dom chuyên gia ẩm thực dang akaok dunya, dom urang đầu bếp angan je di dunya. Ông Thomas A.Gugler, Chủ tịch Hiệp hội đầu bếp dunya abih panuac pok meyaom ẩm thực Hội An, dalam nan ông biak caik hatai tal món Cao lầu. Tui ông, dalam pandap mbang ini hu pataom ilimo di rilo taneh ia. Rak mì dreih yau mì Udon di urang Nhật Bản, ralo xá xíu dreih haong Trung Quốc, gam pahe njam Trà Quế di Hội An ngak jeng pandap mbang biak bingi. Meng bruk phong phú di ẩm thực Hội An bo Hiệp hội Đầu bếp dunya hu ruah ban klak ini peih mbang pakacah Đầu bếp dunya yaok thun. Ông Thomas ndom lac, Hội An hu rilo bruk siam lagaih piah yaih khan du lịch min ẩm thực njauk lac caik dahlau di abih: Hội An caong hu biak rilo bruk njauk ngak. Ka sa lac khik hu ilimo, mengkan. Ka dua lac cơ sở hạ tầng njauk hu ramik pasiam saong rami ramik ka nyu gheih jang, mekre jang saong hacih saat jang. Ndom ka ẩm thực lac Hội An bahrau pabak hu darak pasal sit saong mbiah. Daok piah pabak ka darak pasal pakat glaong ye hu biak rilo bruk njauk ngak. Abih di nyu nan lac njauk pato pakai ka nyu chuyen nghiep jang saong bruk an toan hacih saat pandap mbang njauk caik ngak dahlau.

        -Lac urang anek phố Hội, hu hatai takre ẩm thực, amuk Trịnh Diễm Vy, Giám đốc Công ty Tổ chức sự kiện ẩm thực Hội An, meng daok sit  takre bac megru, roh duah dom pandap mbang mengkan di puk palei. Amuk peih rilo nhà hàng, yaih khan dom pandap mbang di urang Hội An tal tuai damuai. Thun 1996, amuk lac urang akaok mereip di Hội An peih tan pato ngak pandap mbang Việt, pachreih biak rilo urang tuai taneh ia lingiu mai bac. Hadei ini, tuk jeng sa đầu bếp angan je, hu taom gaok rilo đầu bếp angan je dunya, amuk bac megru hu rilo alamu meng ẩm thực dom taneh ia, tap ann yaih khan ẩm thực Hội An tabiak dunya. Amuk Vy khan lac: Hội An hu jalan pambuak bruk biak praong gah ilimo mbang menyum, yau nan ye ẩm thực di Hội An hu dom gah ilimo njauk hatai: Pandap di Hội An hu dom gah limo takre. Dalam ilimo mbang menyum hu neh tabiak ngak dua binah cambaih laih; sa binah pambuak tui ilimo di taneh ia lingiu saong sa binah ilimo dalam taneh ia. Dua binah ini Hội An jeng hu abih, meng hu taom gaok rilo gah saong hu taneh riya, lingik tasik siam lagaih, ngak ka Hội An jeng labik yau Yuan lac: thiên thời, địa lợi, nhân hòa.

        -Abap 17, 18, Hội An lac sa pabah lamnge danei angan. Di Hội An hu urang  Bồ Đào Nha, Hà Lan, Japon, Lô, Prang… Ini lac jalan lagaih biak praong ka urang Hội An jeng ye ilimo Hội An hu taom gaok, pablei salih, pambuak gauk praong, meng nan, ilimo mbang menyum jeng hu pambuak gauk biak praong. Kayua yau nan ye, ẩm thực di Hội An hu dunya takre. Urang Japon, urang Lo, urang Châu Âu thei jeng mboh hu hasit di drei dalam nan. Ông Nguyễn Văn Sơn, Phó akaok uy mban bhapbini ban Hội An, tỉnh Quảng Nam brei thau, nghệ thuật ẩm thực ndung bak dom yaom ilimo phi vật thể di libik nao, rik daong patagok biak rilo yaom mbang nao, yau nan ye ẩm thực tuk halei jeng hu mboh saong nao gam haong gah du lịch Hội An. Ông Sơn brei thau, anak tal, Hội An meda pataom tame patagok ilimo ẩm thực jeng sa pandap biak gheih piah pachreih tuai damuai: Anak tal, Hội An njauk ba tame sa libik ka nguồn nguyên liệu. Dom nguồn nguyên liệu njauk khik hu hacih saat, that saong njauk brei thau asal di nyu. Yau nan ye, kol dahlak daok padang hiệp hội đầu bếp di Hội An, meng di nan pambuak saong hiệp hội di urang ngak ikan taong cap ikan saong urang pala njam, raong menuk, raong pabui…piah trun takik urang daok kreh, daong urang nong meda pablei hu pandap meng gah ngak tal tangin urang chế biến, oh njauk tapa sa urang daok kreih.

-Anak meta mboh lac, ẩm thực Hội An urak ini barau pabak hu darah pasal sit saong mbaih. Piah pabak darah pasal pakat glaong, lingiu bruk khik ramik ilimo mbang menyum mengkan, ban klak Hội An njauk đầu tư ramik pasiam cơ sở hạ tầng, pato pakai dom urang đầu bếp tui jalan chuyên nghiệp saong praong di abih lac njauk ba bruk hacih saat an toan pandap mbang dang dahlau. Hu yau nan, ẩm thực Hội An meng jeng pandap du lịch độc đáo, pachreih tuai damuai atah jaik./.