Tui Cục An toàn thong tin, Bộ Thông tin saong Truyền thông dalam bilan  9-2023, Cục mboh hu klau jalan pachot online hu mboh rilo di abih, lac:

Ka sa, ngak ja website. Pambak tame bruk tabiak mbaok di Apple piah padang dom website ja, yaih khan pablei iPhone 15 yaom lap, ieu urang blei caik jien takai, atau ngak ja website nền tảng Ticketbox piah pachot pablei harak vé concert Westlife…

Ka dua lac, pachot meblah mek jalan link/file nén tapa pataom mek saong klaik mek thong tin cá nhân di anek saih meng dom jalan link "pasang iek"; pasai tabiak mã meyaih khan ứng dụng siêu thị online hu mã độc...

Jajan pachot hu mboh rilo ka klau nan lac pachot thẻ tín dụng, meblah mek jien ndo tapa mã QR.

Mã QR ini ba tal dom blah web ja  angan gilang pariak, ieu jurang  tame thong tin cá nhân, mã OTP atau tal dom blah meyaih khan me-in mbian cờ bạc piah ba mã độc tame mac moc di urang pandar.

Ta-eng dalam bilan 9, hệ thống cảnh báo, pacang cakak angan miền độc hại negar hu pacang cakak abih tih 441 website suan adat hukum, pachot online. Jabat chức năng di Mentri Thông tin saong Truyền thông jeng gam gam tui iek, khan brei thau saong peih bruk tacei ba dom doanh nghiệp ISP pacang cakak dom angan miền ja, bleik saleik tuk mboh hu.

Meng bruk yau nan, dom urang hu ilamu di Cục An toàn thông tin hu kakei bhap bani paglaong sangka, caik hatai ngak dom jalan plaih di njauk lah pachot.

Dahlau di abih lac oh khan brei thau thong tin di drei ka manuac urang bo drei oh randap, oh tame dom jalan ba, liên kết, website atau peih dom tệp pambuak pagam dalam thư điện tử mai meng urang payua bo drei oh thau cambaih.

Bhap bani jeng njauk caik hatai tal dom bruk brei thau ka website ja  tapa angan website saong angan miền. Pagap yau: "Bhian di nyu angan dom website ja meda jaik dreh yau angan dom website biak min meda hu mbluak jang atau kurang dom ký tự. Angan miền ja bhian pandar dom iku biak karei yau .cc, .xyz, .tk, .tv… Kayua yau nan ye, urang pandar oh truy cập tame dom jalan link lạ".

Urak ini, bruk pandar QR Code dak harei dak mboh rilo min taphia di nan kaol kanjah jhak jeng pambak tame bruk ini piah pachot. Kayua yau nan ye, urang pandar njauk caik hatai sangka dahlau di tuk bah mã QR code, atau dom mã QR hu tauk atau klah raba di dom labik công cộng atau payua tapa mạng xã hội, email.

Dom jalan pachot online bhian hu bruk salih bahrau, pablak tame bahrau saong klak, gam haong nan tuk halei jeng hu dom jalan ngak bahrau gheih jang. Kayua yau nan ye tui Cục an toàn thông tin, meyah mboh medhil ka bruk bleik saleik,  meblah mek drap ar, jien padai ye mikva njauk samar drah nao khan brei ka jabat công an labik jaik di abih thau piah hu tacei pato jalan langyah./.