Angan dom blah website ja hu Cục Salamat khau tin brei thau meng blaoh, hu dom angan bhum biak deih yau dom kapul nyaom, dom gah, dom angan bo kol nyu ngak ja. Min drei meda mboh lac, dom jalan link ini lac hu iku biak takik mboh, yau ye: .store, .vip, .online,… atau dom link karei hu dom ký tự, laik oh bhian mboh… Taphia di nan, dom website ja bhian ieu urang pandar pabak rilo khau tin di drei. Dom tuk, urang pandar tame dom website ini meda mboh dom panuac kakei, ngak brei huac atau dom danak dak njauk thuong haong rilo paok pandap hu yaom piah pagat pachot urang pandar, tame dom website oh siam karei hu mã độc. Ong Phạm Tuấn An, Cục Salamat khau tin, Mintri Khau tin saong Truyen thong kakei lac: “Dom blah web biak, bhian hu angan katut, mbuan hadar saong bhian peih akaok meng https saong hu hình anek so, dalam tuk nan dom blah web ja bhian biak atah, srau kadau saong oh peih akaok meng https saong oh hu hình anek so. Ka dua lac blah web chinh thong hu ngak biak tani tanat,, mbuan maong, mbuan pandar. Dalam tuk nan dom blah web ja hu ngak biak mbuan, kurang ilamu”.

Tal abih harei 21/4, cơ sở dữ liệu pacang caga pachot pagat online pakat negar hu mboh 124.600 labik website ja, pambuak tal pagat online. Cơ sở dữ liệu ini urak ini hu pambuak tapak haong trình duyệt Cốc Cốc haong he thong di Zalo..., piah meda tu dong khik caga urang pandar Internet dalam taneh ia anak dom blah website ja pagat online. Langiu di bruk kakei urang pandar, dom urang roh duah ilamo gah an ninh mang ieu kakei dom jabat, dom kapul nyaom, doanh nghiep brei pasang iek piah duah mboh samar drah dom website ja pagat, mek angan labik di drei, khan bfrei thau samar drah tal urang pandar. Ong Hà Minh Vũ, Công ty cổ phần An ninh mạng Việt Nam kakei lac:“Tuk tame đăng nhập, dom blah web ieu kakei dang nhap ye kol drei njauk pasang iek ini hu njauk lac blah web biak halei oh, atau ini lac asal kadha hagait. Mayah tok lac blah web tok mek khau tin ye drei oh njauk vak tame. Abih di nyu nan lac oh njauk tut tame dom jalan link karei. Langiu di nan, tuk pandar dom trình duyệt di mangaok komputer kol drei meda ramik veik dom phần mềm daong piah thau lac dom phan mem hu jhak halei oh”

Kuhria tal quý I/2024, he thong ky thuat di Mintri Khau tin saong truyen thong, dang tapak lac Cục Salamat khau tin, hu pacang cakak labaih 10 ribau angan miền độc hại, dalam nan hu labaih 2.700 angan miền pachot pagat online. Tapa nan, hu khik caga labaih 10 trieu urang, samu labaih 13% urang pandar Internet Việt Nam anak dom bruk pachot pagat online, ngak suan hukum mang./.